سانحہِ پشاور کے شہید بچوں کے نام ۔۔۔ غنی پہوال

ممی میں نہیں کھیلونگی
کیوں بیٹی۔۔۔
گُڈو آج بھی میرے ساتھ کھیلنے نہیں آیا
بیٹی تم اب اکیلی ہی کھیلا کرو
نہیں میںگڈو کے ساتھ ہی کھیلوں گی
گڈو اب نہیں آئے گا
کیوں ممی۔۔۔۔؟
اُسے کچھ لوگ بہت دور لے گئے ہیں
ممی ہم گڈو کے پاس نہیں جاسکتے۔۔۔؟
ہاں بیٹی اُن لوگوں کو پتا ہے
ہم سب گڈو کے بنا بہت اداس ہیں
اس لیے یہ لوگ اب ہم سب کو
ایک ایک کر کے گڈو کے پاس بھیج دیں گے
ممی پھر اُن سے کہناسب سے پہلے
میری گڑیا کو گڈو کے پاس بھیج دیں