بیری دی چھاں ۔۔۔ خادم چشتی

چنگ چوکھی واہی کیتی
لک بنھ خوب کمائی کیتی
کنکاں چھولے منڈی سٹے
دانے ویچ کے پیسے وٹے

پنڈوں پیسے شہرا پڑائے
صابن تیل تے لون لیائے
نکے شہر دے نکے تاجر
پیسے وڈے شہر نو ںگھلے
وڈے شہرتوںنکے شہرنوں
ٹافیاں بسکٹ فیڈر چلے

وڈے شہر توں ٹرکے پیسے
گئے جاپان تے کوریا ولے
اوہناں او تھوں پیچ پلاساں
سنھیاں آریاں قبضے گھلے
سنگا پور توں ویڈیو آگئے
لندنوں آگئے لتھے لیڑے
امریکوں امریکن سنڈی
گولے بمب برودتے کیڑے
شہراں والیاں پنڈاں نوں
مڑرنگ برنگے دارو گھلے
کنک گئی مڑشہراں ولے
دارورہ گئے ساڈے پلے

ویچے بڑے نیں نرمے مونجی
اجے وی ساڈے گھردی پونجی
اک بلدتے اک گھڑاپ اے
او یہوکھنگ تے اویہوتاپ اے

کل منافع محنت دابس
خادم مرلہ تھاں بچدی اے
اک کٹورہ لسی داتے
اک بیری دی چھاں بچدی اے