***

مہرءِ باغانی کبوتر توپکاں ریسینتغاں
کونج بیٹاں نندغ اِثاں مڑدماں ریسینتغاں

مں ترا دیثہ مدامی آس و ہنگر دروشمءَ
وھاو وھش اِیں زندگی تئی دروشماں ریسینتغاں

کدہے آفءِ بدلءَ نی وفایاں تو مہ لوٹ
تو ھماں کسو گو دستاں الکہاں ریسینتغاں

پر ھوانکہ گفتغاں ما ایکویں جائے نماز
مئے رنگیں مڑ اژ مسیتاں مومناں ریسینتغاں

ہر دعا ایریں ڈغارءَ آزمانءَ سر نہ بیث
کُلّیں رحمانی فرشتغ آدماں ریسینتغاں

بالثو دل نشتغوں ما جھُم کثہ پروانغاں
ماھماں یہ ھند کثغاں تھا ھماں ریسینتغاں

جل وطن بیثو شتغاں رفتغاں دیریں دِہاں
مئے وطنءِ مرگ و مڑدم لنگھنڑاں ریسینتغاں

تو مہ کن مئے واژھیءَ مارا بل دئے ایکوا
اولا مئے ورنالڑنگیں واژھاں ریسینتغاں

سِستغاں پھُل بے مثالیں ،بے سمائیں واچھڑاں
برّ وَشکی ھون واریں رہزناں ریسینتغاں

آتکغاں جُڑ سوزڑی اِیں گوارغءَ پہ مئے سرءَ
اٹکل و زوراں گو آں دِہ دژمناں ریسینتغاں

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*