سندھ دا جوگی

کل راھ تے ویندے ھوئیں
میکوں ہک جوگی ٹکرے
آکھن لگا ،میڈا بچڑا
میں سندھ دریا دی من جمیاں
میڈی ساری عمراں
سندھ دے کٹھے ھنڈ گئی
ھن میں بڈھا تھی گئیاں
کہیں ڈیہاڑے واہندے وگدے
اگلے پندھ تے ٹر پوساں
میڈے مرن پچھوں
میڈی ہک اکشا پوری کریں
میڈیاں ارتھیاں ساڑیں چا
ول میڈی سواہ کوں کٹھا کریں
سواہ دی گتھلی گھن کراھیں
رائے کوٹ دے پل تے ونجیں
میڈی سواہ کوں
جہیڑی میڈی روح وی ھے پئی
واہندے سندھ دریا وچ سٹیں
کیوں جو میڈی آخری اکشا ھے پئی
میڈا بت تے میڈی روح ڈوھیں
سندھ دریا دے پانی تے مٹی وچوں
نکتے ھوئے ھن
میڈی سواہ سندھ دریا دے پانیاں دے وچ
واہندے وگدے ولدا بھوئیں دا حصہ بنڑے
باچا خان دے وطن توں گھن تے
شاھ عنائیت دی جھوک تائیں
میں ولدا بھوئیں دے وچ رل ونجاں
میںڈا گیان ں جو ایں طراحاویں
سندھ دھرتی دا حصہ بنڑاساں
میں ول مر کے مر ناں سگساں
کل راہ تے ویندے ھوئیں
میکوں ہک جوگی ٹکرے

* سندھ دا جوگی سئیں سوبھو گیان چندانی
** ہک پکے دھرتی واس اتے سچے سیاسی کارکن سئیں Shahzad Shafi دیاں گالھیں وچوں

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*