*

چو بے ترک ءُ الگار ھمچو کہ من
صدایاں گرفتار ھمچو کہ من

بہ بِی ہر کسے یار ھمچو کہ من
مہ بِی کس سُبکسار ھمچو کہ من

اے زِر چو منا ساکت ءَ ساکت اِنت
وتی اندر ءَ گار ھمچو کہ من

شپے گوں وتا دارگی اِنت منا
شپے گوں منا دار ! ھمچو کہ من

ہمک شپ کلاتے ڈِری اندر ءَ
جَنَگ بِی کماندار ھمچو کہ من

بَلاہیں یَہ حاموشی یے پاد کئے
شہ تئی مجلس ءَ یار ھمچو کہ من

چو من تنگدستے چو من عاجزے
حُدا ! مردمے چار ھمچو کہ من

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*