مالہو خان جکھرانی

بلوچی زوان و ادب شروعا شہ مڑدماں زوانی یاد داشت۔ باز دیر بلوچی لکھائی لافا آختہ۔ اولی مڑدماں شاعری،کسو،داستان و تی وثی سینغاں سوز داشتغ انت۔اے نوشتہ لافا من ہمے رنگیں ادیبے باروا ٹونک کناں۔

مالہو خان ولد ہوتی خان بلوچانی جکھرانڑیں قبیلہ ئے ببگڑانڑیں پھلی ئے مڑدمے اث۔مالہو خان ئے دوہمی نام مہلیج اث۔ اے نام مہرا شہ سیاداں داثغ اث۔ بیثین روش 1935ء ایں۔

مالہو خانا کلیں بلوچی شعرو سیستان وثی پث ہوتی خان آ شہ ہیل کثغ اثنت۔ جوانسال بگٹی ہوتی خان ئے جوانیں سنگت اث۔

مالہو خان باز وش تب و مہرناخیں مڑدمے اث۔ آنہیارا بلوچی ئے ہر شعر و داستان یاد اث۔ مثلانی دہ نہ کٹوخیں ہمانی یے آنہیا را قدرتا داثغ اث۔بلوچی شعر و مثل آنہی ہرروشی ٹونکانی لافا مان اثنت۔

مالہو خان ئے مرید بلیدی آ گوں سنگتی اث۔ آنہی وثی اوتاق سیر و شاذہاں مرید بلیدی آرا لوٹائینت۔ گشنت کہ وختے شعر گشغ وختا مریدا شئیرے شموشتیں تہ ہماں وخت مالہو خان ہماں شئیر گشت۔

مالہو خاناسندھی و سرائیکی ئے دہ بازیں شعر یاد اثنت۔ آنہیا بازیں بجھارت دہ گیر اثنت۔

آنہیا وثی سیاد و سنگتاں گوں ہمنکر مہر اث کہ ہر کسے آنہیا گوئر شثیں تہ یک دو روش مہمان داشت اثی۔ وث اگر کسے آ گوئر شثیں تہ کلیں سیادانی لوغ شث۔ ہمے سوبا شہ آنہیا مہلیج گشت اثش۔

آں یک زیندغیں کتابے اث۔ مڑدم دیر دیرا شہ مالہو خانا گوئر شعر، داستان، مثل و بجارتانی ہیل کنغا پہ آخت اثنت۔

مالہو خان ئے دہ دو شاگرد ا نت کہ آنہاں شہ باقاعدہ مالہو خاناشہ ہمے چیز گپتغ انت۔یکے آنہی بچ غلام علی جکھرانی ایں او دوہمی ناظم الدین مزاری ایں۔

مالہو خان 2011ء آ رضا بیثہ

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*