غزل

کِشتہ ما کہ تئی عکسے چَمّ ءِ تہ ءَ
شاه جنان اِنت پدا سنْجے چَمّ ءِ تہ ءَ

ہرّوچ میم ءِ گُلاب ءَ کہ سوچان کنت
روک کُت ءُ تو شُت ئے وابے چَمّ ءِ تہ ءَ

تئ جتائی مُدام جِک جَنت بے کساس
کپتہ چو کہ گُش ئے بوچے چم ءِ تہ ءَ

ڈیوائیں دروشمے ٹُکّیت لوگ ءَ دل ءِ
سہتے شیپ گپیت شہمے چَمّ ءِ تہ ءَ

اکس بے وانکی ءِ چو کہ استالے ءَ ئے
بئیت بجاریت دَمے کسے چم ءِ تہ ءَ

دریا تو گوں وتی کوش ءِ بند ءَ پتات
بوجیت بار ءَ وتی تُنّے چم ءِ تہ ءَ

تو گوں سنگار ءَ مئے دیم ءَ ہردیں کپ ئے
شار ءَ دور دنت وتی ماہے چم ءِ تہ ءَ

نوں نہ کنت دید تئی بے کرار اِے دل ءَ
نوں کہ اتکہ دگہ کسے چم ءِ تہ ءَ

تئی کمال اِنت عُمر سنگ ءَ براہدار کنت
رنگاں ہیرات کنت شئیرے چم ءِ تہ ءَ

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*