غزل

زندگی آس ءَ منتگیں پاسے
عاشقی درد ءُ غم کہ وسواسے

جنت کلیت چَم ءِ لوگ ءَ نوں دُنیا
دید مرچاں ہم گرانیں چکاسے

آس دریگ ءِ تو لمب ءَ نادینتگ
چماں شیپانک ءُ دستءَ کرپاسے

تئی گنوگ پتو کوهے بورینیت
مینیت برپے ءُ سائیت کہ آسے

دریا من ساه ءِ ساد ءَ بستگ گوں
دل نہ بیت مارا اے کہ الماسے

من پتو زندے تاپتگ روچ ءَ
تو نہ کُت آپ ءَ پمن اوں پاسے

ما عُمر ازگاریں وتی اہد ءِ
مارا گون درد ءِ گنجیں میراسے

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*