روچہ کئے کشت کنت

روچا کَے کُشت کنت؟
رُژنا کَے داشت کنت؟
سْیہ شپ ئے جُلگہا
شپچراں گَل کُتگ
روچئے بیرانی ئے
زِندئے شاہِنشہ ئے
مرگ ءِ جارِش جَتَگ
بِیدِ رُژن ئے دَرا
تَنگہیں فِیبُسا
گُل زمین, آسمان
پور, ماہ, کلکشان
نیستی ئے شپ جَتیں
بِیدِہا گار بنت
مِہر گُٹ گِیر بیت
لَہڑ ایر مش بَنت

سازئے دَریا ہُشِیت
شاعری گِیمُریت
بیدِ رُژن ئے زِرا
زِندئے شاہنشا
واجہیں فِیُسا
زِندئے افرودِتی
گاہے زِندگ نَبِیت
بیدِ آدونِسا
روچا پاکیں کُشگ
رژنا بَندی کَنگ
کسّی طاقت نہ اِنت
کسّی طاقت نہ اِنت

سیْہ شَپ ئے کوچگاں
بَزّگیں شَپچراں
مُپتا لاڑو جَتگ
شاتکامی کُتگ
روچ در کَیت ھَمُک
سُہب جلوہ دَیان
مَست و نعرہ جَنان
"سیْہ شَپئے پُسّگاں
من یلیں فیبُساں
سولیں ارنستواں
دائما زندگاں!”
گوں وتی شَنزگاں
ہر جاہ تالان کَنت
سولیں اَرنستوئے
پُلّیں بِچکندگاں!

روچا کے کُشت کنت
رُژنا کے داشت کنت؟

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*