چورہ

منی گِس ءَ چہ کمّے پَشت اَست یک چورویں جنکے آئی ءِ پِت ءُ مات ھردوکاں چیزے وھد بیت کہ امروز ی یل کتگ ءُ رسترانی بازار ءَ ایوک کتگ جِنکوک ءَ چہ درکسّانی ءَ وانگ ءِ واھگ بیتگ بلے بژن اِنت کہ تنگدستی ءَ چہ آئی ءِ اے واھگ سرجم نہ بیتگ بلے آ ھچ بر دلپروش نہ بیتگ آئی ءَ وتی باتن ءَ اے واھگ نگاہ داشتگ ءُ آئی ءَ پہ لاپ ءِ آس توسّگ ءَ روزگار کُتگ ءُ شَپ ءِ شام ءُ روچ ءِ سُبارھگ پہ لاچارئی شوھازِتگ من پہ کدرتی یک روچے ھمے چورو ءَ ڈیک دات سلام ءُ دروت بیتاں گپ ءُ تران کُت گَپ گَپ ءِ تہ ءَ آئی ءِ بُنکی واھگ زائربیت ءُ ھمے واھگ ءِ سرا آئی ءَ درناکیں کِسّہ آھورت کِسّہانی زِر ءَ من ھمے کِسّاس بِہ کت اں تاں آئی ءَ وت گوں مُلوریں توارئی ءَ پچ گُڈیت پچ گُڈگاں گوں من آئی ءِ نیمگ ءَ چارِیت ءُ آئی ءِ اے واھگ ساڈیت ءُ سلاہ جَت من تراں وانیناں وانے؟
اے سلاہ ءِ جنگ ءَ گوں گوش ئے کَسی ءَ آئی ءِ دیما مال ءُ دولت ءِ ماڈی ءِ مِک کُت بے کِسّاس گَل بیت گوں گَلی ءَ دراھِنتے ھئو ھئو وان آں
شر تو چے وھد ءَ ھُشکاوگیں دستاں گوں نِشتگ ئے؟
شَپ ءِ 8 تاں سُھب ءِ 8 ءَ منی پسوھے دات
شر من باند ءَ شَپ 8:30 ءَ کایاں تئی گِس ءَ ودار کن
شر من ودارھگاں
روچ گوست تاکہ وھد اتک من چہ وتئی گِس ءَ درتک شُتاں جنک ءِ گِس ءَ آئی ءَ ساری ءَ پہ من چائے جوڈ کُتگ ءَ اَت من آپ ءُ چاہ وارت وانگ ءِ بندات گوں یک کسانے ترانی ءَ کُت انچو انچو وھد گوزان ءَ دَمگ ءِ مردمانی روئیاں ھم گوں من چیزے روچ اَت کہ بگڈان اَت من ھچ نہ ماریت کہ منی گُمان ءَ ھچ نیست اَت ھروچگیں دروشم ءَ اے روچی ھم شُتاںَ چاراں جنک نیشتگ کُنڈی ءَ گرھِوگ ءَ اِنت ءُ پِریات کنگ ءُ من ءَ گوشگ ءَ ایں "ھُدا ءَ بچار برو برو” من ھران ءُ ھبکہ بیتاں کے پرچا چون ئے اِشی ءَ من نزیک ءَ شُت ءُ ساڈیت ءُ جُست کت چے بیتگ پرچا تو گریوْگ ءَ ئے ءُ من ءَ گوشگ ءَ ئے کہ برو باز زور دئیگ ءَ چہ پد کِسّہ اے کُت
ھَمااِنت کہ تو پہ منی وانینگ ءِ ھاتر ءَ گِس ءَ پیداگے دَمگ ءِ مردم من ءَ بدیں نگاھی ءَ چارگاں اَنت ءُ بازیں گپے جنگ ءَ اَنت من باز سرپد کتگاں بلے کَس منی گپ ءَ گوش ندارگ ءَ ایں مرچی جام مسیت ءِ مُلا گوں چیزے بچک ءَ اتکگ ءُ من ءَ بیھار داتگ یاکہ وتی دندہ ءَ بند کن یاکہ چِدّا دراہ برو من زاناں چے کنگایاں ءُ کجا برواَں
گوں گریوْگاں سرجمیں گپ ءِ جَت اں من ساڈیت ءُ بے چاڈی دروگیں تسلہ دات دراھت من وت سرپدے کن اں
پُشت ماندات چہ لوگ ءَ درتک اں روان ءُ جیڑھان ءُ من وَ شر زانت کہ اے کجّا سرپد بنت ءُ باور کنت ماں گہار ءُ برات اِنت من ادا پہ وانینگ کایاں ءُ آ پہ وانگ مُدام منی ودارگ اِنت ۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*