Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » حال حوال » یونیورسٹی آف بلوچستان

یونیورسٹی آف بلوچستان

بلوچی ڈیپارٹمنٹ
جامعہ بلوچستانا شعبہ بلوچی ہر سالا ادیباں لائف اچیومنٹ ایوارڈ دات ۔ اے سالا ایوارڈ شاعر ، قصہ کار ، شرگدار، پٹ و پولکار،شرگدار،پٹ و پولکار،گدارنویس واجہ غنی پرواز ئے ناماکُت۔اے درگتا مزنیں دیوانے بندوبوج کنگ بوتگ۔
مراگہ صہب ئے یازدہ بجہ آ بنابوت ۔حاصیں مہمان واجہ غنی پرواز،جامعہ بلوچستانئے وائس چانسلر پروفیسر ڈاکٹر جاوید اقبال اتنت
شعبہ بلوچی ئے کارمسترحامدعلی بلوچا گشت کہ شاعرو لبزانتانی سالروچانی درگتادیوان او ریسرچ جنرل ھنکین،گل خان نصیر چیئرو 2012ئے سالا لائف اچیو منٹ ایوارڈدئیگ ئے مراگہ بندات بوت۔آنہیا غنی پرواز ئے لبزانکی ھزمتانی سرا ھم کمے تران کُرت ۔
بانک نسرین گل آ دیوانئے دلگوش گوں پرواز ئے شیئراکُرت۔
گم مکن پہ مرچیگیں دل سیاہی آ
پہ شُد و بے پُچی اوبے جاہی آ
آنہیا گُشت کہ واجہ15اگست1945ءَ نذرآباد تمپاحاجی محمد ابراہیم ئے لوگا ودی بوتگ۔ چہ اسکول ئے زمانگاکتگ اولی سرا اُردو شاعری او پدا بلوچی شاعری کرتگ ۔بلوچی شاعری آ گیشتریں تہرانی تجربت ھم واجہا کرتگ ۔شاعری آ آنہی دوکتاب چھاپ و شنگ بوتگ انت۔شاعری آ ابید غنی پرواز بلوچی قصہ کاری پڑاھم مزنیں نام ئے۔ 1971آچہ زمانہ تاکا’بیر‘‘ئے ناما وتی سفرا بندات کنوکیں پرواز مرچی بلوچی قصہ کاری پڑ اھر ھسابا مستریں نام زانگ بیت چیاکہ گیشتریں قصہانی کتاب ھم واجہ ئیگ انت چہ اشیا ابید تکنیک ئے تجربت،بنگپّ ئے تجربت ھم درستاں گیش مارا غنی پرواز ئے گورا گندگا کیت ۔پروفیسر صاحبہ آ آنہی ودی بوھگابگر ،خاندانی پژدر،کارو روزگار،شاعری،شاعری تہا تجربت،قصہ ئے تک و پہنات ،پٹ و پولکاری،شرگداری ،گدارنویسی درائیں تکانی سرا جوانیں رنگے آ گپ جت ۔
واجہ غنی پرواز ئے ماھیں جنک و بلوچی زبانا قصہ ئے پڑا مزنیں نام بانک ڈاکٹر سمی پرواز اشعبہ بلوچی ئے استادانی منت گرانا وتی پتا را ا ے داد رسگ ئے سرا مرادبادی دات۔واجہ غنی پروازئے پرزندمحسن بالاچا غنی پروازئے ازمہ سرا کسانیں ترانے کُت او گُشت کہ غنی پروا ز منی پت تولبزانک ئے درائیں پڑاں گندگ بئے۔بلے من سرپد باں کہ قصہ تئی چُک انت ۔تووھدے رِدانک یا قصہ ئے پڑا پادایر کُرت انت داں اے ڈگار آباد بوت۔
واجہ رحیم مہرا گشت کہ غنی پروازئے ساچشت ئے پڑا بازیں بہرانت چہ ہمیشاں یکے شاعری انت۔ بلوچی شاعریا واجہ پرواز ھما یکیں مردم انت کہ آنہیا درستاں گیشتر شیئری تجربت کرتگ چوکہ زھیریگ، سانیٹ،چاربند،مرثیہ،آزاد دستونک،آزات لچہ،ردانکی لچہ او دگہ ،آبازیں تہرانی بلوچی تہااولی بُنگیجکار ھم است چوکہ ہائیکو،آزات دستونک۔
اے آردادا ’’جاورتُرسناک انت‘‘ئے سرھالا واجہ پروازئے ناما نمدی ئے ونت او گشت کہ واجہ من گپاہرکجا چہ بندات بکناں توآگپاں پیسرا چہ آشنااو سرپدئے پرچاکہ تئی یاتگیری او یاداشت اولی چیزاَت کہ منا متاثرکُت ئے۔آنہیا وتی نمدی تہا واجہ پروازئے بازیں کسہ او ھبربیان کُت انت ۔
پروفیسرڈاکٹرعبدالصبوربلوچا گُشت کہ غنی پرواز نہ ایوکا لبزانک ئے مردم انت بلکیں تعلیم ئے سرا ھم واجہ مزنیں بہرے ۔ زالبولانی حقانی پلہ مرزی ،روشن خیالی ،بروبری،فلسفہ،نفسیات و ایندگہ بازیں تکاں واجہ مارا ھروھداکمٹڈگندگاکیت۔آنہیاگشت کہ پرواز ئے تخلیق چاگردی فکرو بدلی ئے باروا انت۔
عبدالکریم بریالے آگشت کہ غنی پرواز ھما نام انت کہ رِدانک ئے پڑا درستاں گیش منا ھمانہیااثرمند کرتگ۔ آنہی سرا درستاں گیش شرگداری کنگ بوتگ۔ آنہیاگُشت کہ پرواز ئے قصہانی پلاٹ سک محکم انت او بنگپانی سرا زوردنت۔’’مرتگیں مردم ئے پچیں چم‘‘جوانیں چاگردی قصہ اے ۔واجہ آ پروازئے شرگداری او سفرنامہ ئے پڑا ھم گپ کُت۔
واجہ کریم بریالے ترانا رند بلوچستان یونیورسٹی ئے وائس چانسلر پروفیسر ڈاکٹر جاوید اقبال و شعبہ بلوچی ئے چیئرپرسن حامدعلی بلوچا واجہ غنی پروازارا ایوارڈ بخشات۔
واجہ غنی پروازامنت گرانا لبزانک ئے باروا چیزے گپ کُرت۔کہ منی جندلبزانک ئے بابتا ھمے زانت کہ شرتریں لبزانک ھما انت کہ سرجمیں عالم ئے ھاترا نبشتہ کنگ بہ بیت۔کہ اشی تہا راج الس درست ھوار انت۔من بس ھمنچو زاناں کہ نبشتہ کتگ و نبشتہ کناں۔پہ سرجمیں انسانیتا نبشتہ کناں۔او دیوانئے ساڑا کنانا گُشت کہ اے دیوانہ تہاگشتانک دیوکاں منی باروا انچیں ھبر کُت کہ من وت ھم ایشاں نہ زاناں دیمترا بلکیں سرپدبہ باں۔
گڈسرا حاصیں مہمان پروفیسر ڈاکٹر جاوید اقبالاتران کُت ۔آنہیادرستانی منت گرانا گشت کہ منی وش بحتی انت کہ اے دیوانئے پاگواجہی آمن کنگا یاں ۔آنہیاگشت کہ جاور انچو انت کہ ہر نیمگا مردم گمیگنت بلے نبشتہ کارانی گندگ و آھانی باروا چیزے اشکنگا چہ مردمئے دلاتاھیررسیت۔چیاکہ نبشتہ کارانی پگرو حیال مارارژنائی ئے نیمگا برنت۔
چہ آنہیارند جار چینا دیوانئے ھلاسی ئے جار پرینت۔

Check Also

March-17 sangat front small title

سنگت پوہ زانت ۔۔۔ جاوید اختر

سنگت اکیڈمی آف سائنسز کی ماہانہ پوہ زانت نشست کا انعقاد مورخہ 26فروری 2017پروفیشنل اکیڈمی ...

Leave a Reply

Your email address will not be published. Required fields are marked *