Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » گوادرہ سفر گوں سنگتاں ۔۔۔ ضیا شفیع

گوادرہ سفر گوں سنگتاں ۔۔۔ ضیا شفیع

من عابد میرئے میسج انتظارہ اتوں، کہ کدیں عابد منا میسج کنت و گشیت کہ کدین و شہ کجا دیم پہ گوادرادرکپگی انت۔ چیا کہ گوادر اولی رندا من 2008 زمانگا دیست ات۔ پدا منا گوادر چوں کہ مہروانیں ماسہ وڑا دوست بیت۔بلیں من چوش زانت نکناں کہ اے دوستی ءراز چی ایں۔ خیر ۔۔ وخت ہم بلائیں زانتکارے ، منا روچے نہ روچے ضرور ہمے رازے باروا گشیت،             عابدہ میسج منا19جنوری2015 رست، کہ باندہ سوبا بیا کوئٹہ، پوشی سوبامن تو و جئیند خان جمالدینی ہمائی گاڑی سرا دراکایاں۔ پروگرام چوش کہ ار،سی،ڈی ،سیکنگا ات و گوادر میلہ ئے حوالہ22تا25جنوری ات۔من 20 جنوری خاراناشہ دیم پہ کوئٹہ دارتوں گڑا ہما روچا سک ھور ہم بوھگا ات۔ آچیزا شما وت گیشتر سرپدو کہ جنوری ءسفر و پدا ھورے تہا۔ ایشی وتی جتائیں مزہ ے۔ رواں روانامن نوشکی ءکہ سر بوتوں ھودا ہم سک ھور ات۔ ہمے وڑا من کہ شامے8بجا کوئٹہ سر بوتوں۔ گڑا کوئٹہ ءیک جتائیں رنگ و دروشمے ات۔ ھورانچو تیز ات کہ من آپے تہا مان دیانءشے گلی و شہ گلیءبڈ گرانا 9بجا گساسر بوتوں۔ من اے ہم سرپد اتوں واجہ ڈاکٹر شاہ محمد مری و منیر بادینی ہم باندہ پروگرامے اٹینڈ کنگا فلائٹ ے سرا درکایاں۔ بلیں من وختے گساسر بوھگا پد وختے عابدا باندے درکپے باروہ حال حوال کرت گڑا منا باز وشیں حالے دات۔ حال ایش ات کہ باندہ سوبا8بجا درکپاں و ڈاکٹر شاہ محمد مری ہم گوںما گاڑی ئے سرا کیت۔ اے گپامن شریاسرپد اتوں کہ ڈاکٹر شاہ محمد صاحباوتی فلائٹ چیا کینسل کرت۔ پرچا کہ ڈاکٹر شاہ محمد کدی ہم بور بوھگ نلوٹیت۔پدا ہما شہ خدایا دگے چے لوٹاں۔ اگاں ڈاکٹر شاہ محمد مری مئے ہم سفر بہ بیت۔
سوبامنا عابد و جےئند خاناشہ گسازرت۔ جئےند خانایورپی ٹوپے سرا کرت و یک برفے کوٹے۔ او یار من سک بے ھال اون۔ ہما روچا کہ ہما دراتاں۔ کوئٹہ ے وتی جتائیں لزتے ات۔ موسم سک سرد ات۔ برف ہم زبردست رچگا ات۔ منی ہچ دل کشگا نہ ات کہ وتی شالاچو ےل بدین پدا برف باری ے تہا۔ خیر من عابد و جئنید خان دیم پہ بازارے نیمگا درکپتاں، گوں وتی ٹو، ڈی گاڑی آ۔
دیم پہ ڈاکٹر شاہ محمد مری گسادراتاں۔ ڈاکٹر مری چوش کہ سریگے ہمے ودارا نندوک ات۔ ہما وختے آئی گسارستاں گڑا یک بلائیں گروپے شکلاڈاکٹر شاہ محمد مری و آئی مستریں براس وڈیرہ میرو خان مری ئے سربراہیارخصت کنگ بوت۔ شہ کوئٹہ آ دیمی نیمگا دیم پہ ہزارگنجی آ ہما روانءبوتاں۔ نیم راہا بابو عبد الکریم شورشہ گڈی وابجاہ ہم رواں روانا زیارت کنگ بوت ۔ گوں جیئند خانہ زبردستیں ڈرائیونگامن وار وارسیڈ شیشگ جال کرت و تی مکہیں سرزمینہ عکساں گرگا اتوں۔ مروچی مکہیں ماس سک ڈولدار ات گوں اسپتیں گدا۔ مستونگہ نزینکاہم کمو برف بوھگا ات کہ آئیامستونگ سک زیبدار کرت ات۔ ہما رواں و گپ کناں کدی اے سنگت و کدی آسنگتہ ہڈاں سوار اتاں۔ عابد میر بس ہاں و ہوں کنگا ات۔ بلیں ڈاکٹر شاہ محمد توبہ توبہ من نزانتہ چشیں مردے۔ ہچ ہم نلوٹیٹ کہ منی دیوان و منی ہمراہیا کدی کسی موڈ آف بہ بیت۔ شدہابگر و شودہ ہلاس کن۔ شودا بزور و ادا ہلاس کن۔ بلیں خاموش بیگی نہ انت۔ شاہ محمد مری ئے دیواناخاموشی گناہے۔ گڈکوچہ گوست، منگوچر گوست و قلات ودی ات۔ نہ جئیند خانادم برگے سما ات نہ کہ من و عابد دم برت ات۔ کدی پستہ و کدی مالٹا ءبریک فاسٹ گاڑی ءروانگیءجاری ات۔ نیمروچے نان گوں ڈاکٹر مری صاحبہ فرمائشااختر مینگلاھلک بزاں وڈھاورگی ات۔ قلات و زہری و نزاناں دگے دگے چے چے او کجام کجام شار و بازارے گوازینگاپد ہما وڈھا داشت۔ کوئٹہ ءشہ ورگے واستہ کباب دگہ بازیں چیزے گون ات۔ کمی بس نانئے ات کہ ہما شہ ہوٹلا زرت و گوں سیرا وارت۔ پدا جئیند خان بے شےر ے چاہ کجا پاد کیت۔ شہ جیئند خانہ وجہءمنا دو چکر چاہ ورگ کپت۔ چیا کہ جئیند خاناچاہ دوست بوتاں۔ پدا سوار بوتاں ، کمو دیما گاسلیٹ والا چڑائی آت۔ کوہ ہم سک سیاہ اتاں۔ ۔۔ ہما ہم پہ وتی منزل بزاں پہ گوادراجنزاں اتاں ۔ ڈاکٹر مری صاحباوتی چےزے واہش روگ روگا دےما آورت۔ ےکے سسو و پنوں ئے زےارتاروگی انت، دومی رابرٹ سنڈےمنہ سلاماو سیمی پسنی آ قاضی مبارکہ دیوانا۔ منی ہم دیریگیں واہش بوتا کہ قاضی صاحبادیم پہ دیم بگنداں۔ پدا منی واہش ہم سرجم بوھگا ات۔ ۔۔ روچ بخےر بواں ات و ہما لسبےلہ سر بوھگا اتاں۔ لسبےلہ چوش کہ رابرٹ سنڈیمنہ سلاماہم روگی ات۔ پمےشہ عابد اوتی سنگتاھال ھوال کرت و لسبےلہ سر بوھگا پد عابداےک سنگتءبراسءہمراہیءہما رابرٹ سنڈیمنہ قبراشتاں۔ لہتیںعکس ہم کشگ بوت و جئےندخاناےک زبردستےں تقرےرے ہم انگلشاکرت کہ سنڈےمن سرپد بہ بےت۔ بلےں سنڈیمن نزانی ہمودا ات کہ نا۔بلےںجئےندا وتی نپرتے اظہار وا کرت۔ پدا ہما دراتاں دےم پہ اوتھلا۔ چےا کہ ہمرا شپا اوتھلا دارگی ات۔ اوتھلا سربوھگا پد اوتھلاگیسٹ ہاوسا ہما شتاں۔ منی بازےں سنگتے اوتھلا ات بلےں من کسا گوں ھال ھوال نکرت ۔ ۔۔ جئےند و عابدہما کہ اوتھلاسر بوت اتاں ۔ ےک ےوسف بلوچ نامی مردے ئے سک توسےپاکنگا اتاں۔ من و ڈاکٹر شاہ محمد مری صاحبا وا ےوسف ندےست ات پمےشہ ہمے نےمگا شہ نو کمنٹس۔۔۔۔۔ خےر عابدہ کال کنگا پد ےوسف نا آت بلےں وختے جئےنداکال کرت گڑا ےوسف گوں وتی جتائےں رنگے آہمے دےواناآت۔ گوں آےگا ےک ےکا ہمرا ھال ھوال کرتے و پدا ڈاکٹر صاحبا شہ ھال گپتے کہ شما شہ کجا دراتگو و کجام نےمگا روئت۔ ڈاکٹرصاحباہمے درا ھال داتاں و پدا ہما شپے ورگے واستہ دےم پہ اوتھلا ہوٹلا شتاں۔ ہوٹلا ےوسفا نہ مالک معاف کرت نہ کہ حاصل۔ادا ےوسف ہچ وڑا رد نہ ات ۔ بلےںےوسف غوث بخش بزنجو صاحبئے وا بلائےں لوٹوکے ۔اوے گپے گواہ اوتھلاوشےں سرگوات اےں۔ ۔۔۔ ےوسفاہمے انچو بازخدمت کرت کہ ہما داں جہاں است آئی منتہ زرت نہ کناں۔ ۔۔۔ پدا ہما شہ ہوٹلاپاداتاں و گےسٹ ہاوساشتاں ۔
دومی روچا ےک نوکےں وابے آ پدا سوبہ چاہ و نان وارت و دراتاں۔ چےزے سنگت ہمے واستہ زیرو پوائنٹاانتظار اتاں کہ ہما کدےں سر بےاں وآےاں وتی ہمراہ کناں۔ اداےک گپے من گشگ لوٹےن کہ سسی و پنوں ئے زےارتامئے روھگ نہ بوت چےا کہ وخت نہ رست وپدا سسی و پنوں حبا نزےنک وندرا اتاں۔ وندر سک دور ات شہ اوتھلا۔ زےرو پوائنٹابانک سعدےہ بلوچ، سحر بلوچ و ےک دگے سنگتے وتی ہمراہ کرت و دراتاں۔کمو دےما کنڈ ملےر آت و سمندرگوں ما ہمراہ بوت۔ ہما اےر کپتاں و چےزے عکس کشت و پدا سفر۔۔۔۔۔۔ادا لسبےلہ ے اےرےا ے تہا ےک بلائےں کہن و قدیمےںنانی ماتاے مندرے ہم است کہ راسراں کوہے نےاما اےں۔ ڈاکٹر شاہ محمد مری وا انچےں جاہ باز لوٹےت۔ پدا مندرے گندگے واستہ ہما درا سرا شہ تےار اتاں۔ ۔۔۔ مندرہ روگا پد ڈاکٹر مری صاحبا بازےں سر و سوجے پنڈتارا کرت و آئی بازےں ھالے دات و اے ہم گشتے کہ ادا شاہ لطےف بھٹائی ہم آتا ۔ ۔۔ہما وتی وڑا پوجا پاڑ کرت و شہ کونڈاہم گوستاں و وتی درائےں گناہ معاف کرتاں و نانی ماتا ہمرا یک نوکےں زندے ہم دات۔ شہ نانی ماتئے رخصتا پد۔ نےمروچ نان ہما اورماڑہ ے ہوٹلا گوں نوشےن قمبرانی و سےف و بانکےں رژناے ہواریا وارت و پدا اورماڑہ ے بازارا ہم ےک چکرے جت و دےم پہ پسنی آ دراتاں۔ کمو دےما روا نا ہنگول نےشنل پارک شروع بوت۔ ڈاکٹر شاہ محمد مری ءگشگیں کہ منی دیریگیں واہشے کہ من princess of hopeآ بگنداں پدا princes of hope ہنگول نےشنل پارکہ تہا اےں۔ جئےند خان زبردست ڈرائےونگ کنگا ات و دومی نےمگا گوں سعدےہ بلوچا ادبے حوالہ گپ ہم بوھگا ات۔ princes of hope ءنزےنکا ہما اوشتاتاں و گوں princes of hope ءبازےں عکس کشت و پدا سفر۔۔۔۔ انوں ہمے نزےنکےں منزل پسنی ات ۔
سعدےہ ےک پہ ےکا وتی کساں و پر لزتےں لچھاں وانگا ات و ہما واہ واہ کنگا اتاں۔ پسنی ہمے دیما ودی ات۔ منا گوں پسنی ے گندگا قاضی ئے ےک ےک شعر دلاآےگا اتاں۔ ہما وختے پسنی شارے تہاپترتاں گڑا من وتی ےک و دو سنگتاناھال ھوال کرت کہ آ ہمرا قاضی ئے گسءنشان بدے ہاں۔ بلےں دراےانی نمبر بند اتاں۔ ےکےں کرےم ساحر ئے نمبر پچ ات بلےں آمنی خےالا دست گٹ ات کہ معازرت لوٹتے۔ پسنی بازاراسربوھگا پد چیزے مردمانی سرسوج و کنگا ہما قاضی ئے گس دےست بلےں گس بند ات۔ ۔۔۔ ڈاکٹر شاہ محمد مری ئے گپے ردا کہ مروچی قاضی صاحب ہر وڑا گندگی انت۔ پدا بازارا سنگت موسی امےتئے دوکاناشتاں، موسی دوکاناورنانیں گشندہ ضمےر کمالان و دگے ےک سنگتے ہم نندوک ات۔ موسی ئے ہما منت واراں کہ موسی پسنی ویلفئےر سوسائٹی آ شہ واجہ انور صاحب خانا ہم توار پر جت و گوں انوراگندگ و چےزے عکس کشگا پد ہما قاضی زاماس وارث جانہ ہمراہیاقاضی صاحبہ گساروان بوتاں۔۔۔۔ قاضی ۔۔ او قاضی کہ آئی گوں دلہ ھب و واھگاں ہمے دیما پاد ات و یک یکا وش آت و برامدا پد ڈاکٹر صاحباسپرئے درا ھال دات انت۔ قاضی ئے ہپتوئیں نماسگ سہراب و قاضی ئے گوں چیزے عکس کشگا پد روچ پخیری ءوختءہما قاضی و قاضی ئے پسنی الوداع کرت و دےم پہ گوادرا دراتاں۔
گوادرا شپہ ہفت بجا ہما سربوتاں و سےدھا بخشی بلوچہ گسا شتاں۔ کراچیا شہ ہم چیزے سنگت آت ات کہ وآےانی تہا شہناز نور، وحید نور، ظریف زرف، رو¿فی، عمران ثاقب، پروےن ناز، سنگت رفیق و دگہ لہتیںہم کہ نام من شموشتگ۔۔۔۔۔ کمو پدا گلزار گچکی و واجہ بجار جان ہم دےواناساڑی بوت انت۔۔ اے دےواں خاموشیاآماچ ات سک زوت ےک ساز و زےملی رنگے زرتے۔۔۔ پدا بجار ہ توار توبہ توبہ زالمے چونےںآوازے ات۔ من نہ بلکےں درائیں دےوان بجار ہ توارئے شےدا بوت۔ گلزار ، نوشےن ، عمران ، ظرےف، رو¿فی و پروےنا ہم پہ گٹ شعر گشت بلےں بجار۔۔۔ بجار وا بجارے۔۔۔         گوادر مےلہ کہ ار،سی،ڈی،سی آ جم داشت ات۔اولی روچ گوست ات و ہما دومی روچا وتا سر کرت۔سوباگوں پاد آےگا ہما سرا گوادر پورٹا داو¿د بلوچہ ہمراہیا چکرے جت و چےزے عکس ہم کشت و پدا بخشی ہوٹلاکمو دےما ار، سی، ڈی ، سی پروگراماشتاں۔ چابہارا شہ واجہ عبدالباسط شےخی ہم گوں یک دو ہمرہاں گوادراسربوت ات۔پروگرامے دومی روچ گوںڈاکٹر شاہ محمد مری صاحبہ پاگواجہی آ شروع بوت۔ جارکش بلوچی ئے مزن نامیں زانتکار واجہ اے،آر داد ات۔ دادا وتی جتائیں اسٹائلے ۔۔۔۔ انچو آئی نبشتانک وش انت ہمے وڑا آئی توار ہم۔ پروگرامہ اولی بہرئے تہا عبدالاسط شیخی و دگے گوادرئے چیزے آرٹسٹانی عکسانی نمائش کنگ بوت و پدا آرٹہ سرا گپ و تران ہم بوت۔ ڈاکٹر مریا وا زبردستیں سپیچ ے کرت دل وش بوت۔۔دو بجے وختاپرگرامے اولی ایں بہر ہلاس بوت انت و بیگاہ چوش کہ مشاعرے ات۔ ہما چیزے سنگت پہ مھچی ءزورگا جے، ٹی آ شت انت۔ سعدہا نیم راہ وتی فرمائش ہمے دیما ائیر کرت انت کہ منا فلاں فلاں مھچی ورگئے سک شوق ایں و جئیندخاناجی جی کناناہمرا جے،ٹی آ رسینت۔ گوں ما بجار، گلزار، سنگت رفیق، ثاقب، عابد و دگے بازینے ہمراہ ات۔ ہما مھچی زرت انت و ہمودا چیزے عکس کش ات و پدا سیدھا بجارہ گسا آت انت۔ نیمروچے نان گوں برنج و مھچیءبجارہ گساات۔ بجار و گلزاراوا بنگالی کک مینانی ہم دیم سیاہ کرت۔ انچو زوت و پدا انچیں زبردستیں نانے داتش کہ چے بکشاں۔دراہاں پہ لاپے سیرا وارت۔
بیگاہے مشاعرہ منی نام پہ شعرے گشگا دیگ بوت ات۔ مشاعرے تہا ساڑی ایں شاعرانی تہا علی عیسی، منیر مومن، شہناز نور، زبیر مختار، بہار علی گوہر، آصف شفیق، مجیب مجاہد، وحید نور، نوشین قمبرانی، سعدیہ بلوچ، ظریف زرف ، عبداللہ عابد، عنبر سمین ، پھلان عمر و دگہ لہتیں ہم ھوار ات کہ آیانی نام منا یاد نہ انت۔ مشاعرے تہا اے آر۔ دادا جارچین ئے کرد گوں جوانی آ پیلو کرت و شاہ ابن شینءمشاعرے شروعءواجہ عطا شادے یک جوانیں نظمے ہم وانت ۔ چوش کہ مشاعرہ ہم واجہ عطاشادے یاتءات۔دیوانے تہا فضل خالق و دگہ بازیں شاعرے ہم ساڑی ات۔ بلیں آیاں مشاعر بہر نہ زرت ات ۔
گوادرے دومی شپ گوں کیف و لزت سروزا بخشی ہوٹلاجم دارگ بوت ات۔ اے ہما شپ ات کہ ڈاکٹر شاہ محمد مری صاحبے بلائیں واہش ئے پلیں بجار جانا سرجم کرت۔
بخشی ہوٹلے دیما یک ساز و زیملی دیوانے استاد اصغر بلوچءمنتءجم دارگ بوت ات۔ دیوانءتہاباسط شیخی، سرفراز محمد ، منیر مومن و درائیں مہمان شاعر و ازمکار ساڑی اتاں۔ دیوانے گڈسرا لیاری ءبچکاں وا دیوانے گوں وتی توارا وشنود کرت۔ پدا گواھرام بلوچ و بھرام بلوچ ہچ وڑا شماشگی نہ انت کہ ایاں درائیں شپ ہمے خدمت کرت۔                     پروگرامے سیمی روچ زھگ و زالبولانی سرا ات۔ مئے سنگتاں گوادرے سمندر گواہ کرت و یک معائدہے کرتہ کہ انوں چپ بوھگی نہ انت۔ فیوڈل و سردارانی خلافاگپ کنگی انت۔ مہردر ، سچکان ، بلوچی اکیڈمی و دگے بازیں ادبی گلاں بک اسٹال جت ات و پروگرمے بیگاہے بہر زالبولانی واستہ بک اسٹال ات۔ ہما چیزے کتاب پہ وتا زرت و کوہ باتیلہ سرا شتاں، باتیلءسرا شہ گوادر ءدگہ رنگے۔ بازیں سنگتاں عکس کش ات و من ہم۔۔۔۔۔ڈاکٹر شاہ محمد مری ئے ہمے واہش ات کہ جیونی ئے سن سیٹے گندگا بیگا بہ رواں پدا شمودا دیم پہ اوتھلا درکایاں۔ بلیں وختے کمی سببا ہما نیمروچے نان گوں سنگتاں وارت بجار و گلزارا گوں اندگ وباسط شیخی ، سنگت رفیق، عمران، وحید و دومی درا سنگتانا پہ گوادر یل دات و دراتاں۔
گوادر ا بگر تا اوتھل ہما پہ چاچ و بتل و پہ اندگ و مسکرائی وتی سفرارا گوازینت۔ ڈاکٹر شاہ محمد صاحب کہ سفرا گوں بہ بےت گڑا آ سفرے وتی تامے۔ شپ ہما اوتھلا داشت و دومی روچا چیزے ورگا پد اوتھلا شہ درات انت و منزل پہ منزل وڈھ، خضدار و پدا قلاتا۔نیمروچا قلاتہ شاہی محلہ تہا کو چار و بچارءپد چیزے عکس ہم کش ات و پدا خوانین ءقلاتہ قبرستانا شت انت۔نےمروچے نا ن قلاتا ورگا پد دےم پہ کوئٹہ دراتاں۔ مستونگے نزےنکا ڈاکٹرشاہ محمد مری صاحبا منا درائےں سفرے بارےا چےزے گشگے موقع دات من چےزے بکواس کرت و لہتےں جئےندخانا ہم۔۔۔۔۔۔گڑہ ڈاکٹر صاحباسفرے ھال ہمے دےما ائےر کرت۔ روچ بخےرا ہما کوئٹہ بو ت انت و ہر کس وتی وتی بوت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *