Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » گلیلیوئے زیندھ ۔۔۔ بریخت /شان گل

گلیلیوئے زیندھ ۔۔۔ بریخت /شان گل

فلاسفر: دلیل وثی مزں شانی ءَ برائینی، بلے اے تئی لوغیں۔ لولاکی ارسطوئے کاسموس، گوں وثی اسرارداریں ، زیمرجوڑینوخیں پڑ و سفیئراوکرسٹلیں گمبذاں او اِشی آزمانی جسمانی گردشاں او روشہ آربٹئے ترچھائیں زاویہ اور سٹیلائٹ نقشہ آنی رازاں، او جنوبی ( جہندم ) نیم کرہ ءَ لافا استارانی مچیانی بھاگیائیں کیٹلاگ او آزمانی گلوبئے دل کشیں ماڑی باز زیبائی ئے خیالے ۔
گیلیلیو: عالیجاہ تہ اے ٹیلسکو پہ اندرا ہمے نا ممکن او بے گزریں استاراں بہ گند۔
میتھ زانت: مڑدم جوابہ دیغہ پہ سکین واڑتہ کنت کہ تئی ٹیلسکوپ ، ہمنگیں چیزے ڈسغیں کہ وجود اِش نے، یک باز باورداریں ٹیلسکوپے نئیں۔ ہیں نا؟
گیلیلیو: چے مطلب ؟
میتھ زانت: اے ہبر زیات مددگار بیث مسٹر گیلیلی ، اغر تہ مار ہماں سببانی بار ہا گوئشتیں کہ تراہمے مفروضہا بڑتیش کہ ہچبر بدل نہ ویوخیں آزمانانی کلاں ژہ بڑزیں سفیئرانی اندرا استار خلا اندرا آزادی ءَ چَرثہ بنت۔
فلاسفر: دلیل، مسٹر گیلیلی، دلیل۔
گیلیلیو: دلیل؟ وختیکہ استارانی جندہ چکایک نغا ہے او منی جندہ مشاہدہ دراہیں ٹوکہ ورداسہ دینت، گڑہ دِہ دلیل؟ ۔ واژہ،بحث بے ہودہ بیاناں روغیں۔
میتھ زانت:اغراے ٹوک پک بی کہ تہ و ثار دیمازہرنہ یارئے تہ مڑدم صلاحہ داثہ کنت کہ آں چی کہ ٹیلسکوپہ اندرئیں او آں کہ آسمانانی اندرئیں دو جتائیں چیز بیثہ بنت۔
فلاسفر: ہمے ٹوک اشیا ژہ زیات ادب و ایرمانیا گوں اصل گوئشتہ نیئے۔
فیدرزونی: تئی خیالامالینزانی چکا میڈیسی استار چھا پثغنت!
گیلیلیو: تہ مئیں چکا دغائے سیاھغا جنغائیے چہ؟
فلاسفر: ماشوں جثہ کنوں سیاھغا؟ عالیجاھئے موجودگی آ!
میتھ زانت: تئی مشین ۔۔۔۔۔۔ تونڑیں اشیا تئی چُک گشئے یا تئی شاگرد۔۔۔۔۔۔،باز عقلمند یا گوں ٹاہینے جیثہ، اشی اندرا ہچ شک نے۔
فلاسفر: او ما پیلویا منغاؤں مسٹر گیلیلی کہ نَیں تہ اونئیں دوہمی کسے ہماں استارانی چکا مئے حاکمیں لوغہ عزتمندیں نامہ ایر کنغہ ہمتہ دِہ کثہ کننت کہ آنہانی وجود ہ سراشکّے بی۔
ہماں کُل مزنیں ڈیوکہ دیمہ ڈولوبنت
کوسیمو: دربارہ زالانی نیغا نغاھہ کنت: مئیں استارانی اندرا خرابی اے استیں چہ ؟
دربارہ مستریں زال گوں مزنیں ڈیو کا : استاراں ہچ خرابی نے ، عالیجاہ۔اے سکالر پولا کنغاینت کہ ہمے استارجائی ہموذاستنت۔
دربارہ کستریں زال: مردم بایدیں ہمے اوزاراگوں ’’مزں شانین رچھئے‘‘ہر پُٹہ گندغہ لائخا بی۔
فیدرزونی: ہا۔ او ’’ کاریغرہ‘‘ چکا ہر ڈولیں چیزئے۔
گیلیلیو: جواں، شوا اِشی اندرا گندغائیں یا نہ ؟
فلاسفر: جی، بالکل۔
میتھ زانت:ہا ۔ بالکل۔
وقفہ ۔ نا غماں آندریا گھوئیہ کنت او دراہیں کوٹوہ لافا بھرمثیا جزی۔ آنہی ماث آنہیا گیڑت داری۔
سارتی: ترا چوں بیغیں؟
آندریا: اے احمق انت۔ آں وثار چوڑائینی او گڑکنت درکفی۔
فلاسفر: بے ادبیں چُک۔
چیمبرلین: عالیجاہ، او واژہاں۔ مں شمار گیراراں دیاں کہ دربار گھنٹہ اے اندرا شروع بی۔
میتھ زانت:ٹوکا پچے جاؤں ۔ تِکا یا دیر مسٹرگیلیلی آحقیقتاں گوں ٹہندی کنغی بی۔ آنہی جو پیڑءِ پلے نِٹ کرسٹلیں سفیئراں دڑتہ نہ کننت۔ ٹوک بگی ایں۔
فیدرزونی: شما حیرانہ بی انت۔ کرسٹل سفیئر اصُل نے۔
فلاسفر: جوائیں مڑد۔ ہر سکولی کتاب تراڈسی کہ آں استاں ۔
فیدرزونی : گڑہ نوخیں سکولی کتاب لکھغی بنت ۔
فلاسفر: عالیجاہ ، منی عزتمندیں سنگت او من، آفاقی ایں ارسطوئے جندہ ژہ کم دوہمی کسی اتھارٹی ءَ نہ منوں۔
گیلیلیو: گوئش کہ خوشامدی بیثی آ۔ عزتمنداں ۔ ارسطو اتھارٹی منغ دوہمی چیزے او حقیقت، آں دِہ بگی ایں حقیقت، دوہمی چیزنت۔ شما گشنت کہ ارسطو چناں او ذاں کرسٹلیں ’’پٹر‘‘(سفیئر )انت او ہمے خاطرا کڑدے حرکت بیثہ نہ ونت پچیکہ استاراں ہمے سفیئر بھورینغی گزغی بی۔ بلے اغر شما ہمے جزرپز انی تصدیقا کننت گڑہ؟ ۔ نواں باریں ہمے شمار سیکالنت کہ ہماں کرسٹل سفیئر پیڑ وجود ہ نہ دارنت۔ عزتمنداں، مں بازعاجزیاگوں شمارمنتہ کناں کہ وثی چمانی چکا باورا کنیں۔
میتھ زانت: منی عزیزیں گیلیلو ۔ بیثہ بی کہ اے ٹوک ترا کہنیں فیشن ماں بیئے، مں دو ہمی چیزانی پجی پجیا ارسطو پڑھغا عادتیاں۔ او مں تراتسلی ءَ دیاں کہ اے معاملہا مں وثی چمانی چکہ دِہ باورہ نخناں۔
گلیلیو: مں حقیقتہ اگھافیکلٹیانی ممبرانی چمانی بوٹغا ہیلاک بیثغاں ۔ مں مشاہدہاں دیما کاراں، او آں برشکندنت ۔ مں آنہانی اگھا وثی ٹیلسیکوپہ ایرکناں کہ بلاّں آں وثار قائل کننت، او آں ارسطو ٹوکاں کارنت ۔ بلے آں مڑد ا گوئر تہ ٹیلسکوپ نیستہ۔
میتھ زانت: بالکل نیستہ، باکل نیستہ ۔
فلاسفر: ہیکمی آگوں : ارسطو ءَ نہ چڑو دراہیں قدیمہ علم منی ،بلکنا چرچئے پاکیں فادر دِہ مننت۔ اغرارسطو آدِہ ہمے رِبانی اندرا چکوں بیاروں ، تہ معلوم بی، کم ازمناں تہ ، کہ اے بحثہ جاری دارغ بے کاریں۔ مں بے سروپاذیں بحثاں ژہ کوآں ۔ بازبیثہ۔
گلیلیو: راست وختہ بچیں، اتھارٹی ئے نہ۔ مئے جہالت بے حدو حسابیں ۔ تو بیائیں اشیا یک قطرہ اے کم آروں ۔ نِیں چالاک بیغہ کوشش پچے کنغ بہ بی، وختیکہ ما کم از کم دروکا کم احمق بیثہ بوں؟ ۔مناں اے نوخیں سندرہ چکا دستانی ایر کنغئے باز مزنیں باور ا ژہ زیات وش بختی اے رَستغہ کہ شما نہیا گوں کسے کائناتئے کسترڑوئیں کُنڈے دروکا اچائیہ دیثہ کنت ۔ باز نہ ، کم ۔ اشیا گزر کنیں۔
فلاسفر: عالیجاہ ، بانک و براہندغاں، مں اژوث چھڑواے پولاکنغاں کہ اے مارپکو باڑت۔
گلیلیو: مں صلاحہ دیا کہ بحیثیت سائنس دان اے پولہ کنغ مئے کارنئیں کہ راست مار پکو باڑت۔
فلاسفر: زہراگوں :مسٹر گیلیلی۔ راست مار ہر پلوا بڑتہ کنت۔
گلیلیو: عالیجاہ ۔ اے ڈولیں شفاں دراہیں اٹلی لافا ٹیلسکوپا نی رخ آسمانہ پلوا بی۔ جو پیڑئے ماہ اکھر ارزاں بہائی ءَ شِیرہ نہ دی انت۔ بلے آں پیشا ہچبر گندے نہ جیثغنت، او آں مروشی موجودنت۔ شما نہیا گلی ئے عامیں مڑد اے نتیجہا کشی کہ اغر آں وثی چماں پٹی تو گندغئے باز چیزبیثہ بینت۔ تہ آنہیاپہ ہمے تصدیقئے ذمہ دارئے ۔اے لہتیں دِیریں استارانی جزرپزرنئیں کہ دراہیں اٹلی آ جزرینتوالغیں، بلکہ اے خبریں کہ ہماں را یہ کہ شرفناک اثنت نِیں اُکڑغ شروع کثیش ۔ او ہر کس زانت کہ ہمے رایہ سک بازنت۔ واژہاں ما بایدیں مَرکی ایں تعلیمانی پلہ بندائیا مہ خنوں۔
فیدرزونی: شما بحیثیت استاد ، بایدیں ہمے پلوا اشتافی بروانت۔
فلاسفر: من گشاں کہ تئی مڑدیک سائنسی بحثے اندرا نصیحتااوارمہ کنت۔
گلیلیو: عالیجاہ ۔ وینس ئے مزں شانیں سلحہ جاھہ اندرامئیں کارامناں ڈرافٹس مین، بلڈر او انسٹرومنٹ ٹاہینو خاں گوں واسطہ کنائینتہ۔ ہمے مڑداں مناں کارانی کنغئے بازیں نوخیں دگ شوں داثغنت۔ اَن پڑھنت ۔ آں وثی پنچیں مارشتانی شاہذی چکا جزثغنت، اے نہ گنداناں کہ ہمے شاہذی تاں کنڈہ بڑتہ کنت۔۔۔۔۔۔
فلاسفر: اوہو۔
گلیلیو: مئے میداو ماہی گیرانی ڈولا کہ صذانی سال پیشامئے تیاب اشتغنت۔ آنہاں اے سمانہ اث کہ آں دوہمی شوئیں تیاباں پجنت ، اغر آں پجثہ بی انت دِہ۔ معلوم بیغیں کہ مرشی، ہما ں مزنیں چیزانی پولغا پہ، ہما نہیا کہ قدیمیں یونانئے مزں شانی ٹاہینتہ، شپ یارڈانی مسافربیغی بی۔
فلاسفر: ہرچی کہ ما ایذا اش کثہ، نیں مناں ہچ شک سرنیا تکہ کہ مسٹر گیلیلی ءَ راشپ یارڈانی اندرا تعریف کنوخ رستہ بنت۔
چیمبرلین: عالیجاہ۔ مناں معلوم بیغیں کہ غیر معمولی ایں سبق دیوخیں بحث باز دراژ ترثہ۔ عالیجاہ شمادرباراژہ پیش کمڑو آرام بہ کننت۔
علامتہ ڈولا گرانڈ ڈیوک گیلیلو دیمہ ڈولوبی ۔ دربار لُڑغہ شروع کنت۔ بانک سارتی گرانڈ ڈیو کہ اگھہ تری او پیسٹری ئے پلیٹے الّی ثی: یک بسکوٹے عالیجاہ
دربارہ مستریں زال، مزں شانیں ڈیوکہ درا باڑت
گلیلیو: آنہی رندا رمباناں: بس شو ادروکا ہمے اوزارہ اندرا جھاتیا جنیں۔
چیمبرلین:کلاں ژہ مزائیں اسٹرونومر ، کہ رومہ لافا پوپہ کالجئے اسٹرونومر اِن چیفیں، فادر کرسٹو فر کلیو لیس۔ عالیجاہ آنہیاژہ تئی دعوا یانی باروا ضرور صلاحہ گیڑت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *