Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » گلیلیوئے زیندھ ۔۔۔ بریخت /شان گل

گلیلیوئے زیندھ ۔۔۔ بریخت /شان گل

سگنورا سارتیا گوں:ضروری ایں کہ مڑدم بڑزا برو؟ مں چھڑواے خاطرا آتکغاں کہ اُستاذنادراہیں۔
سگنورا سارتی: ورنائیں عالیجاھہ ہچ نقصان نہ وی۔ مئیں جندہ بچ دِہ ہموذیں
کوسیمو پوڑیاں چڑھاناں: گڈایوننگ
دوئیں چورویک دوہمی اگھاعزتہ گوں ڈولو بنت ۔ وقفہ ۔ گڑہ آندریا اغدہ وثی کارہ شروع کنت۔
آندریا: وثی اُستاذہ ڈولا: اے ہندتہ چاررا ہے ٹہیثہ۔
کوسمیو:باز مڑدم کا ینت؟
آندریا: حدا زیات ۔او پوہ دِہ ہچی نہ ونت۔
کوسمیو:ہم م ۔ آنہیں؟۔۔۔۔۔۔ آں ٹیلسکو پہ پلوا اشارہا کنت
آندریا: ہا ۔ ہمشیں۔ بلے حکم اشیں : کہ نزی مہ روی!
کوسمیو: او آں چے ناں؟
آں بطلیموسی نظامئے داریں ماڈلہ پلوا اشارہا کنت۔
آندریا: آں بطلیموسی نظامہ نمونہ ایں۔
کوسمیو:ہمے ڈسی کہ روش شوں چرّی ، ہیں ناں؟
آندریا: ہو، ہمشیں۔
کوسمیو:یک کرسی اے چکا نندی او ماڈلہ وثی کُٹہ کنت: منی اُستاذا سرریخ بیثہ۔ ہمے خاطرا مں پگھیا در کپتو آتکغاں ۔ اے ہند جوانیں۔
آندریا: بے آرامیا گوں بے فیصلہ ای چرؔ ی ، عجبیں چوروہ نیغہ بے باوری ءَ گوں گندی۔ نیٹ ، وثار دیرداں داشتہ نہ خنت، آں چارٹانی مسکاژہ یک دوہمی داریں ماڈلے کشی۔ اے کوپرنیکی نظامہ نمونہ اے : بلے اے تہ ہمشی ڈولینے۔
کوسیمو: چے ہمشی ڈولینے؟
آندریا: کوسیمو ما ڈلہ پلوا اشارہا کناناں۔ آں ہمنگہ سمجھنت کہ اے ہمشی ڈولیں نے۔ او اے کہ ( وثی ماڈلہ پلوا اشارھا کناناں)۔۔۔۔۔۔ ڈغار روشہ گڑدا چرّی ، گندغائیے؟
کوسیمو: تہ جائی ہمنگا گنڑئے ؟
آندریا: ہاناں۔ اے تہ ثابت بیثہ۔
کوسیمو: جائی؟ مں دِہ حیراناں کہ آں پچے مناں ہمے پیریں مڑدہ گندغہ نیلنت ۔ دوشی آں نغنا ہموذایث۔
آندریا: گڑہ ضرور، آں اشی چکا یقینہ نہ خنت؟
کوسیمو: بلّئے
آندریا: ناغمانی کوسیمو کٹہ لافئے ماڈلہ پلوا اشارہا کنت: اشیا دئے ۔ تہ آنہیا سرپد بیثہ نوئے۔
کوسیمو: تہ دو چوں کنئے؟۔
آندریا: دئی مناں ۔ اے کسائیں چکاں پہ لیوی چیزے نئیں۔
کوسیمو: مں تراگڑدینا دیا نیں۔ پر تہ بایدیں کمڑو نرمیا ٹوکا کں۔
آندریا: تہ احمقے یئے۔ تہ وث نرمیا ٹوکاکں۔ مناں دئی ناتیں تئی ہَیرنَیں۔
کوسیمو: مناں دستامہ لا۔ پوہ بیغئے!
آں بکوسٹ بیثغں او تکھائی فرشہ چکا لیٹاں ورغئے ثنت
آندریا: مں تراڈساں کہ ماڈلے شوں زیرغی۔ مناں دئی۔
کوسیمو: نِیں تہ اے پرشتہ۔ تہ مئیں دستا مروڑ غائیے۔
آندریا: نِیں سما کفی کہ تہ راستئے یا مں۔ گوئش کہ اے چرّی ، ناتیں مں تئی سغرہ بھوریناں۔
کوسیمو: ہچبرنہ۔ رستر، مں ترا ادبہ وستاکناں۔
آندریا: رستر؟ ۔مں رسترے آں؟
آں چُپی ءَ مڑنت
جھلا گیلیلواو یونیورسٹی ئے بازیں پروفیسر پترنت۔
آنہانی مُسکا فرید زونی ایں
چیمبر لین: صاحباں! کمڑوئیں ناسازی اے سبیا شرف مندیں اُستاذسگنور سُوری عالیجاھہ پجیا آتکہ نویثہ۔
مذہبی سربر: مزائیں نادراہی تو نے نہ ؟
چیمبر لین: ننہ،بالکل نہ۔
گیلیلو نا وھشیا: عالیجاہ ایذانئیں؟
چیمبر لین: عالیجاہ بڑزئیں ،صاحباں۔ دربار سگنور گلیلی ئے ہمے غیر معمولی ایں اوزارہ بارہا عالمیں یونیورسٹی ئے خیالہ زانغا ، او آنہی نوخیں حیراں کنوخیں استاراں گوں واقف بیغا پہ باز وداری ایں۔
آں بڑزہ رونت۔
چورو چپی آو پتیا ینت، جھلا تواراَش کثغنتش
کوسیمو: کڑوبی کڑوبی۔ آں آتکغنت۔ آں اشتافی کڑوبینت
بازیں جنٹلمین: کہ پوڑیاں زوارہ بنت: نہ نہ نَیں ہرچی بالکل ٹھیکیں۔ میڈیکل فیکلٹی آ اعلان کثہ کہ کہنیں شہرہ بیماری طاعون نئیں ۔ اے ڈولیں حالتانی اندرا کلاں ژہ بذیں چیز خوف و ہراسیں۔ اے تہ بس ہر سالہ ڈولا ساڑتی موسمئے سرریخیں۔ ہچ ڈولیں شک نے۔ ہر چیز بالکل ٹھیکیں۔
پوڑیاں بڑزا دراہی دشاتکی
گیلیلو: عالیجاہ ۔ مں باز وہشاں کہ تئی موجودگیا تئی یونیورسٹی ئے عالماں وثی نِیں ایں دریافتاں گوں پجھارو کثہ کناں۔
کوسیمو دربارہ ڈولا کل پلواں ڈولوبی ، آندریا اگھادِہ
مذہبی سربراہ: فرشہ چکا پرشتغیں بطلیموسی ماڈلا گنداناں:مڑدم شی ایذا چیزے پرشتہ۔
کوسیمو اشتافی جھلا ڈولوبی او انداماگوں ماڈلہ آندریا یہ داث۔ ہمے نیا ما گیلیلو چُپی چپی آ دوہمی ماڈلہ لکینی۔
گیلیلو ٹیلسکو پہ چکا: عالیجاہ ،چو کہ شمار سمائیں مااِستازانت و اسٹرونومراں وثی حساب کتابہ اندرا باز مشکل اثنت۔پہ ہمے کارہ ما باز کہنیں نظامے گزر کنوں کہ آں فلسفہ آ گوں تہ یکہ بی ، بلے حقیقتا گوں نہ ۔ ہمے کہنیں نظامہ (بطلیموسی )چناں، استارانی جزر پزر باز پیچیدہ گنڑغ بنت۔ پہ مثال، گنڑغ بی کہ وینس نامیں پلینٹ اے ڈولیں گردشہ دگ بزاں’’ آربٹے‘‘ رندہ روث۔ یک بلیک بورڈے چکابطلیموسی تصور ءَ بھیرہ وینس ئے آربٹہ عکسہ ٹاہینی۔بلے ہمنگیں پیچیدھیں جزر پزرانی قبول کنغارند دِہ، ما استارانی پوزیشنانی ٹھیکیں حساب کتابا کثہ نہ خنوں۔ ما ہما نہاں ہما ں ہندہ نہ غندوں ہموذ کہ بیغی اثش۔ او اغدہ، استارانی کڑدے ہمنگیں حرکتنت کہ ہما نہانی ورداس بطلیموسی نظامہ اندرا چٹ موجود نَیں۔ اے ڈولیں حرکت منی نزدیکا گردش کنوخیں استار جو پیڑہؔ گڑدئے کسائیں استاراں گوں بیان کثہ کیث، کہ مں سجلیا دریافت کثغنت۔ بیائیں تمنداں،جو پیڑ ؔ ئے سٹیلائٹ( گڑدا چروخیں استار)بزاں میڈی استاراں بہ گِندنت۔
آندریا: سٹولہ اگھاایریں ٹیلسکو پہ پلوہ اشارہا کنت:بیائیں ایذانندیں۔
فلاسفر: مہربانی منی چُک ۔ منی خیالا معاملہ اکھر سادہ نہ ینت۔ سگنور گیلیلی تئی مشہوریں اوزارہ دیمانندغا پیش ما یک تکرار ے چسہ گرغہ لوٹوں۔ سر حال: ہمنگیں پلے نٹا آنی وجود استیں؟
میتھ زان: اے یک جائزیں بحث وتکرارے۔
گیلیلیو: منی خیالیں کہ شوا ٹیلسکو پہ لافا گندیں او وثار قائل کنیں۔
آندریا: ایذا، صاحب۔
میتھ زاں : بالکل، بالکل۔ تراسمائیں نہ کہ یک مرکزے گڑدا چروخیں قدیمیں استارانی ڈغارا بغیر وجود بیثہ نہ وی۔ او نَیں ہمنگیں استارانی کہ آسمانہ ٹیک مہ وی ثش؟
گیلیلیو: ہا
فلاسفر: او ہمنگیں استارانی امکانا ژہ جدا کہ میتھ زانتا(آں میتھ زانتہ دیمہ ڈولوبی) شک کثہ ، مں، دراہیں عاجزی آ گوں، فلاسفرے حیثیا، اے پولہ کناں: ہمنگیں استار ضروری انت چہ؟Artistotelis divini universum……….
گیلیلیو: ما مقامی بلولی آٹوکا جاری مہ داروں چہ؟۔ منی سنگت سگنور فید روزونی لاطینی ءَ پوہ نہ وی۔
فلاسفر : اے ضروری ایں چہ کہ آں مئے توکاں سر پد بی؟
گیلیلیو: ہا۔
فلاسفر: بشکاکں۔ منی خیال اث کہ آں تئی لینز(Lens) ٹاہینوخیں۔
آندریا: سگنور فیدرزونی یک لینزٹا ہینو خے ،او یک سکالرے۔
فلاسفر: مہربانی ، منی چک۔ اگر سگنور فیدرزونی ہمنگا گشی تہ۔۔۔۔۔۔
گیلیلیو: مں ہمنگہ گشاں۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *