Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » گلیلیوئے زیندھ ۔۔۔ بریخت /شان گل

گلیلیوئے زیندھ ۔۔۔ بریخت /شان گل

گلیلیو: ہمے ٹوکیں۔ مں گندغاں کہ تہ مئیں کاغذہ لافا باز غلامی ٹوکاں گندئے۔مں کوششیں کثہ کہ اے جوانیا غلامانہ بہ بی ۔باز روایتی مہ وی ۔ہمے مارگ مہ وی کہ گوئر مں مناسبیں عاجز ی گھٹ ایں۔ یک بے تواریں چھٹی اے تہ ہر کسے لکھثہ کنت آنہیا گوئر کہ ار سطوئے ورداسئے صلاحیت بی انت ، پر مں ہمنگا کثہ نہ خناں ۔ مئیں ڈولیں مڑدے چڑو وثی لافا گوں گوخوئیا آیا ناں یک عزت داریں ہندے گپتہ کنت ۔ اوتراسمائیں ،مں ہواں مخلوقاژہ سردڑ دی آں کہ ہمانہانی دماغ آنہانی لافہ پر کنغہ لائخا مہ ونت۔
سگنوراسارتی او ورجینیا عبا دتا پہ گوئز نت۔
ساگرید و: فلو رینسا مہ رو، گلیلیو۔
گلیلیو: پچے مہ رواں ؟
ساگرید و :پچے کہ ہموذاپنڈتانی کنٹر ولیں ۔
گلیلیو:فلورینسہ دربار انا مد اریں عالم انت۔
ساگریدو:دُمبوانت۔
گلیلیو:مں ہمانہانی گُٹاں گران و دور بینہ دیمہ کاراں ۔ پنڈت دِہ تہ انسا ننت ساگرید و۔ آں ثبوتہ اگھاہتھیاراں پریننت۔ شموش نہ کہ کو پرنیکسالوٹثغث کہ آں ہمانہی اعداد و شمارانی چکا باور ابہ کننت ؛ بلے مں تہ چڑ واے لوٹاں کہ آں بلاں وثی چمانی سرا باورا بہ کننت ۔ اغر راست وثی جندہ حفاظتا پہ دِہ کمزوریں تو گڑہ بایدیں کہ حملہاسہی۔ مں آنہاں گراں او ہماہاں ٹیلی سکو پہ اندرہ گندغہ پہ مجبور کناں۔
ساگریدو: گلیلیو، مں گند غاں کہ تہ ہژمبناخیں دگے آروغاتیا رئے ۔ ہماں شف تباہی ئے بی کہ او ذامڑ دے راستا بہ گند ی ۔ او وہم ودغائے ساھتے بی وختیکہ آں انسان نسلئے سلیمیں عقلہ چکاباورا کنت۔آنہی بارہا کسّے گشی کہ ’’آں پچیں چماں گوں ہمے پلواروغیں ‘‘؟ ۔تباہی دگارو وخیں مڑد۔حاکمیں مڑدم ہواں مڑدہ شوں یلوی ءَ کلنت آں کہ راستہ زانت، تو نڑ یں کہ آں دِیر پاند یں استا رانی بارہابہ بی؟۔ تئی چے خیالیں کہ پوپ تئی راستہ چُپی ءَ اش کنت وختیکہ تہ گشئے کہ آں غلطی چکیں ؟ ۔تئی اے خیالیں چہ کہ آں بس وثی ڈائر ی لافہ لکھی : جنوری دہ،1610 ۔ آسمان و بہشت جھیثہ؟ ۔تہ شوں رپبلکہ الغہ لوٹئے کہ راست تئی پدوئیں ، اوتہ ٹیلی سکوپادستا کثیا ملاّ او شہز اذ غانی دام و ڈبانی لافا کفغا باڑا بیثہ بئے ؟۔ تہ وثی سائنسہ اندرا شکہ کنغا ہیلاک بیثغئے۔ تہ چکانی ڈولا ہر ہماں چیزہ چکا جھٹہ گوں باورہ کنئے آں کہ تئی کارہ اندرہ کمکہ کنت۔ تہ ارسطوءَ نہ منئے ،بلئے فلور نسہ مزائیں ڈیوکہ منئے۔ دروکاپیش ، مں کہ تر اوثی ٹیلیسکو پہ چکا گند غئے ثاں او تہ ہماں نوخیں استار دیثغنت ،تو مناں ماناغایہ چوکہ مں ترا سجی بلوخیں آسہ نیا ما جکثیا گندغایاں ، اوو ختیکہ تہ گوئشتہ کہ تہ ثبو تہ منئے تو مناں گو ژدہ ششغہ بومانا تکہ۔ مناں سائنس دوستیں ،بلے مناں تہ زیات دوستئے ، منی دوست ۔ فلورنسامہ رو، گلیلیو!۔
گلیلیو:اغرآں مناقبول کننت تومں رواں ۔ پر دھہ دیماآنہی چھٹی ئے آخری تاک سہرا بی:
’’وختیکہ مں وثی دریافت کثغیں ہمے نوخیں استارانی چکامیڈیسیؔ خاندانہ ناما ایرکناں ، تومناں سمائیں کہ ، یک زمانہہ اے آ استا رو ئیںآزمانہ اندرا سربلندی چڑودیو تااو ہیر وآنی اث ، پرایذا معاملہ چٹ فرقیں۔ میڈ یسی ؔ ئے مزں شانیں نام اے استاراں ابدمانیں مشہوری ئے ضمانتہ داث۔ من، وثار تئی بازیں تابعد ار ووفاداریں نوکراں ژہ یکے ڈولہ گنڑاں۔ہمنگیں یکے ڈولا کہ تئی رعیتا مں بیغہ کلاں ژہ مزائیں اعزازے گنٹر یں ۔
مں تئی نز یخ آغاژہ زیات دوہمی ہچ نہ لوٹاں ،او، درکفو خیں روش! کہ جہانی تاریخہ لافا اے زمانغہ روژ ناکنت۔
گلیلیو گلیلی

گیلیلو آر پبلک آف وینس،فلورینسہ درباراگوں سوذا کثہ۔ ٹیلی سکو پاژہ آنہی دریافت او ذاعالمانی اندرا بے باوری آگوں دیم پہ دیم بنت
قدیمیں گشی: مں ہر ڈولے آکہ نیں آں یکو ہمنگااثاں ۔
نوخیں گشی: اغرتہ جوائیں نے نہ ئیے، تو برو۔
فلورینسہ لافا گلیلیو ئے لوغ
سگنورا سارتی گلیلیو ئے مطالعہ کوٹوا ۔ آنہیا مہمانانی وشاتکی واسطا تیار کنغیں۔ آنہی بچ آندریا نشتؤ استارانی چارٹاں اچاّ کنغیں۔

سگنوراسارتی:شماں و ختا کہ مابخت والائیں فلورینسا آتکغوں شماں وختا ڈولو بیغ و رہڑغ او تُک سٹائی اصُل نہ جے ہنت۔ دراہیں شہر ہمے نلکہ لافا ژہ گندغا پیذاغیں، مناں آنہانی روغا رنددھک مں دھکی فرش ا چاکنغی بی!۔ او اے بالکل دِہ شر نہ لگی۔ اغر ہمے دریا فتانی اندرا چیزے بیثے تو پاکیں پادریاں کلاں ژہ سری سما کپت۔ مں مزائیں پادری فلپوؔ پجیا چیار سالادہ کار کثہ او ہچ وختا آنہی مزائیں لائبریری پیلویا اچاکثہ نہ خثوں۔ پوستئے کتاب چھتا داں مانا تکی ایثنت۔۔۔۔۔۔ او ہمے جوائیں مزائیں پادری ڈولیں مڑدے آشوں سمانہ کفی کہ چے، چے ایں؟ ۔ او مروشی ہماں مزائیں تماشا کہ بیثہ، بانگھا مں اغدہ شیر والائے دیمہ دیثہ نہ خناں۔ مناں سما اث کہ مں چے چیزہ بارہا ٹوکا کنغئے ثاں وہدیکہ مں آنہیا سری نصیحت کثہ کہ وثی نلکہ اندرا سوادھہ کنائینغاژہ پیش آں معتبراں پہ یک شفہ نغنے بندبستا بہ کنت۔ پوکڑی گوژدی گپلے۔ پر نہ !آں گلیلیو ڈائیں آں کنت :’’ گوئر مں ہوا نہاں پہ تی چیزے استیں‘‘۔
جہلا ژہ طاق کڑکینغہ توار کیث۔
سگنورا سارتی کھڑکی ئے شیشہ آژہ جھاتی ءَ جنت: رکھ حذا ۔آں تہ مزائیں ڈیوک ایں۔ او گلیلیو دانڑتی یونیورسٹی اَیں! ۔
آں رمباناں پوڑیاں جہلہ روث او مزائیں ڈیوک کو سیمو ڈی میڈیسی ءَ اندرہ کاری کہ وثی مزائیں افسر او دودرباری زالاں پجی اَیں۔
کوسیمو: مں ٹیلی سکو پہ گندغا باڑایاں۔
مزائیں افسر: سائیں تکاں ترا صبر اگوں ہیل بیغی بی داں وختیکہ سگنورگیلیلی او دوہمی جنٹلمین یونیورسٹیا ژہ بیاینت۔
سگنورا سارتیا گوں: سگنورگیلیلی آ استارزانتاں ژہ نوخیں میڈیشیائی استارانی دریافتہ پڑتال کنغہ عرض کثہ۔
کوسیمو: آں ٹیلی سکوپہ چکا باورہ نہ دارنت۔ بالکل نہ ۔ او آں استیں پکو؟
سگنورا سارتی: بڑزا، آنہی مطالعہ ئے کوٹوہ لافا۔
چورو سغرہ رنگینی ، پوڑیانی تکا اشارہا کنت، او سگنورا سارتی ئے اثباتہ لافا سغر جزرینغا گوں رمبی بڑزہ روث۔
مزائیں افسر یک بازیں پیریں مڑدے: سائیں!

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *