Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » گلیلیوئے زیندھ ۔۔۔ بریخت /شان گل

گلیلیوئے زیندھ ۔۔۔ بریخت /شان گل

(3)

10جنوری1610 : دور بیناگوں گلیلیو گیلیلی آ آزمانہ چکا کڑ دے ہمنگیں حالت دیثغنت کہ ہما ہا ں کو پرنکسہ نظریہ ثابت کثہ۔ وختیکہ گیلیلی سنگت آنہی تحقیقہ نتیجہاں ژہ آنہیا ہژمبینغئے ثنت تو گلیلیو انسانہ عقلہ چکاوثی باور ہ و یقینہ درشاں کنت۔
دہ جنوری شانزدہ صذودہ۔ گیلیلی بہشتہ جھینی۔
پاڈوآ لافا گلیلیو ئے کار کنغہ کوٹو۔
شف۔ گیلیو او ساگریدو بزیں جراں جانا کثیا دور بینہ چکا گاٹثیا یاں۔
ساگریدو: دور بینا مں گنداناں، او وثار گوں ٹوکا کناناں: نوخہ کندھی تہ بالکل گرایاں ، دتّانو، او بڑزوجھل، او ہماں کوٹغ کہ تھاریں او آنہی کندھیا کہ کمڑ و روژنائی ایں، او ذاٹمکوخیں ٹِک انت ، یکا پذدوہمی گندغہ کیث ۔ شمے ٹکاں روژنائی بہا ناں بہا ناں تالاں بی ، ودھاناں روث، اے حدّا کہ آں ہماں دوہمی روژنائیں بہرہ گوں اوار ہ بی۔
گلیلیو: ہمے جلشکوخیں ٹک تئی دل شی چے اَنت؟
ساگریدو: اے گوئشتہ نہ یئیے۔
گلیلیو: گوئشتہ کیث ، بالکل گوئشتہ کیث۔۔۔۔۔۔ اے ٹیٹر نت۔
ساگریدو: استار ہ چکا ٹیٹر؟
گلیلیو: ہا، مزں مرّیں ٹیٹر۔او ہمے جلشکو خیں ٹک ہمے ٹیٹرانی چومبی انت کہ روش مانا غیں نش ۔ اشانی باقی بہر‘ بزاں سرائیر غانی چکا دانڑ تی شفیں ۔ گندغائیے نہ کہ روژنائی چومبیاں ژہ تلشکاناں جھلا دامانانی چکا ایر کفغئیں!
ساگریدو: پر، استا رانی علم دو ہزار سالا ژہ ہر چی کہ گشاناں آغئیں ، اے تو آنہی برخلافیں۔
گلیلیو: ہا، ہمنگاتہ استیں۔ مرشی ہر چیزے کہ تہ دیثہ آں پیشایک انسانیا دِہ نئیثہ‘ اژمں بغیر ۔ تہ دوہمی انسانئے !
ساگریدو: ماہ، زمیں تہ بیثہ نوی گوں ٹیڑاں، سرشماں ۔بالکل ہماں رنگا چوکہ زمیں یک استارے بیثہ نوی۔
گلیلیو:ماہ دِہ زمیں بیثہ بی گوں ٹیڑ اں ، سرشما‘ او زمیں دہ یک استارے بیثہ بی ۔ماہ آزمانئے ہزاریں استارانی ڈولیں یک معمولی ایں استارے۔اغدہ جوانیا گند۔ماھہ تہاریں بہر بالکل تہاریں چہ؟
ساگریدو: نہ۔ ہیٹر تیا گندغاں تہ یک نزوریں روژنائی اے ، پُر ہ رنگیں روژنائی اے اشی چکا کفغیں ۔
گلیلیو: ہمے روژنائی گڑہ چے بیثہ بی؟
ساگریدو:؟
گلیلیو: اے مئے زمینہ روژنائی ایں۔
ساگریدو: اے بے کاریں ٹوکے ۔ زمیں شوں جلشکثہ بی؟ ۔اے تہ بے ساہیں، اشی چکاتہ جنگل ، ٹیٹر او زِر انت ۔
گلیلیو: ہمے ڈولا جلشکثہ کنت چو کہ ماہ بلغیں ۔ ہمے دوئیں استارانی چکا روشہ روژنانی کفی، ہمے خاطرا اے بلنت ۔ہر ڈولے کہ ماہ پر ماخیں، ہماں ڈولا ما پہ ماہا ؤں۔ ماھہ چکا ژہ مئے زمیں دِہ وختے نوخہ ڈولا بارغیا گندغ کیث، وختے چار دہی ماھہ ڈولا پیلویا ،او وختے اصل سہرا نہ وی۔
ساگریدو: گڑہ مطلب اے بیثہ کہ ماہ وزمینہ لافا ہچ فرق نے؟
گلیلیو:انّا۔
ساگریدو: دہ سال بیثہ کہ رومہ اندرا یک مڑدے زیندغیا شوشے جیثغث۔ آنہی نام، گیور دانو برونو اث۔ ہما نہیہ دہ ہمنگہ گوئشت۔
گلیلیو: ہا۔ آنہیہ دِہ ہمنگہ گوئشت۔ او نِیں تہ ما اے حقیقتا اوشیشیاگند غاؤں۔ چماں دور بینا ایرکں ساگریدو! تہ ہر چیزے کہ گندئے آنہی مطلب ایشیں کہ زمیں او بہشتا ہچ فرق نے ! ۔مرشی شانزدہ صدودھہ سالیں او جنوری ئے دَھہ روش۔مرشی انسان وثی کتابہ چکا لکھی: ۔۔۔۔۔۔ بہشت جھیثہ۔
ساگریدو: اے تہ حیرانی ٹو کے ۔اغرارے۔
گلیلیو: مں یک دوہمی حقیقتے دِہ دریافت کثہ ۔ اشیا ژہ دِہ حیران کنوخیں ٹوکے۔
سارتی: استاد گیلیلی، رجسٹرار صاحب آتکہ۔
رجسٹرار۔۔۔۔ زہرینیااندرہ پیہی
رجسٹرار: بشکا کں، مں اے شفا آتکغاں۔مناں گوں تو ایکا ٹوکے کنغی۔
گلیلیو : ہر چیزے کہ مں اَش کثہ کناں ہما نہیہ ساگرید و دِہ اش کثہ کنت۔
رجسٹرار: بلے بیثہ بی ساگریدو صاحب ! کہ ہمشی اش کنغ ترا وہش مہ یئے۔ بے بختی کہ یک برّیں کارے بیثہ۔
گلیلیو: مئیں باروا ہر چی کہ برّیں ٹو کے بی ساگریدو ہما نہی اشی کنغا ہیلاکیں۔
رجسٹرار: ( دور بینہ پلوا اشارہا کنت) ٹوک ہمے زبردستیں چیزئیغیں۔ اے تہ اغر ڈھیرے آچغل داثیں تہ جوانہ۔ اے بے کاریں، بالکل بے کار۔
ساگریدو: کہ ہمے نیا ما وزتیا چیار مں کنڈی چر غایث یک دم :چے مطلب ایں تئی؟
رجسٹرار: ترا سمائیں کہ تئی کہ ہمے ایجادکہ تہ وثی ہبدہ سالی پور ہاتہ میوہ گوئشتہ آں اٹلی اندرا ہر گلی اے آ دوپیسوا بہائی ایں؟ ۔اوشمانہیا دِہ مزائیں ٹوک اشیں کہ اے ہالینڈ ہ اندرا ٹھیثہ ۔ اے وختا ،یک ڈچ آفی جہازے آ بندرگاھا پنچ صد دوربین ایر گیژتہ۔
گلیلیو: جائی؟
رجسٹرار: مں تئی ہمے اندام وایمنیا پوہ نہ ویثغاں۔
ساگرید و: تہ پچے پر یشان بیغئے ؟۔ مں ترا گشاں کہ ہمے سجلیں روشاں واجہ گلیلیو آہمے ازبابا گوں کا ئناتہ بارہا انقلابی دریافت کثغنت۔
گلیلیو:کنداناں: پریولی تہ اشی اندر اجھا تیا تہ جن ۔
رجسٹرار: مں گشغا ں کہ پر مں کھوڑ بیثہ۔ مں ہواں مڑداں کہ پہ ہمے بیکاریں چیز ا استاد گلیلیوئے پگھاردوڈوڑکنا ئینتوں ،پہ ہمے در یافتا ۔ او بالکل ہمے وخت اث کہ مئے شرفناخیں مڑداں اے گنڑ اناں کہ آں رپبلککاپہ یک ہمنگیں ازبابے دستکوئی کنغا ینت کہ آں چھڑوایذا پید اکثہ کئے ۔ آنہاں سری دھکا اشی اندرا جھاتیا جناناں اے خیال نیا تکہ کہ کلاں ژہ نز بخیں گلی ئے کنڈ کہ ہپت ڈوڑ مزن بیثغت یک عامیں مڑدمے یک شیئروسوتے قیمتاہمے ٹیو باشو شکغیں۔
گلیلیو ٹہکو جنت کندی
ساگرید و:منی عزیز یں واجہ پریولی،مں اے ازبابہ قیمتہ ،سوذاگری اندرہ تکثہ نہ خناں ، پر فلسفہ اندرا اشی قیمت اکھر زیاتیں کہ ……..
رجسٹرار: فلسفہ اندرا ! ریاضی دانیں واجہ گلیلیوئے گوں فلسفہاچے کاریں ؟ واجہ گلیلیو، تہ شہراپہ یک باز جوائیں واٹر پمپے ٹا ہنیتغہ ، اوتئی آوداری و آبپاشی منصوبہ بازجوانیاکارا کنغیں ۔ گذگفوخ دِہ تئی مشینانی تعریفہ کننت۔ گڑہ دِہ مناں ہمنگیں چیز ے امیدنہ یث۔
گلیلیو: اکھر اشتافی مہ وی پر یولی ۔سمندری دگ دانڑتی درا ژ، غیر یقینی او گراننت۔مادانڑتی آزمانا ہچ ڈولیں باورداریں گھڑی اے نہ داروں ۔سمندری مسافر یاّپہ لہتیں دگ ڈسیں تھمبو۔نِیں گوئرمں اے باوردارغاپہ دلیل استیں کہ اے ٹیلی سکوپا گوں باقاعدہیں دگانی چکاجز وخیں کڑدے استارانی سوادھ اچّائیاکثہ کیث۔اِستارانی نوخیں چارٹسمندری مسافری اندرا لکھیں روپئی آں پھجینتہ کننت،پریولی۔
رجسٹرار:بس کس۔ بازبیثہ ۔مں اشتؤ باز اش کثہ۔ مئیں نیخی جواب تہ اے داثہ کہ مناں شہرئے چگھ ورارایانی باو اکثئے ۔مں ہر وختے ہماں رجسٹرار ہ ڈولا گیر ارغ بیاں کہ یک بے قیمتیں دوربینے آ دھوکہ داثہ۔ ترا کندغئے ہر حق گوئریں ۔ تراوثی500 سکوڈی (روپئی) گوئر یں۔ پر مں تر اگشاں ،ا وایماندار یاگوں گشا ں، کہ اے دنیا ئی مناں بذگنڑیں۔درہ درکفی، وثی مسکا دروازغہ زورہ گوں بند کنت۔
گلیلیلو: زہر گیڑت تہ کاہریاّ سنہڑاما نہ کئے ۔ تہ آنہی اے ٹوک اش کثہ کہ ہمنگیں دنیائے کہ اوذہ سوذائے بُن کرّغ نہ ونت آنہیا نفرت کنت!
ساگریدو: تراہمے ہا لینڈی انسٹرومنٹانی بارہا سمائیں؟
گلیلیلو: ہا، ہا، افواہاں ژہ۔ مں کوٹوہ یک سرکاری افسرہ پجیا کارہ کثہ کناں؟۔ اوورجینیا آپک اشتافی یک لائخیں دانائے گزربی۔ آ عقلمندنیں۔ او، گڑہ مناں کتابانی گرغ شرلگی۔ ۔۔۔۔۔۔ چھڑو فزکسہ بارہانہ۔۔۔۔۔۔ او مناں جوائیں خوراک باز وہشاں۔ مناں تہ ورغہ وختا کلاں زیات روحانی و جدان رسی۔ یک سڑثغیں عمر ہے!۔ آنہاں مناں تہ اکھر زردِہ نہ ذاثہ ہمانکر کہ آنہانی شرابہ ریڑھیِ چکی۔ ریاضی چکا دو لیکچرانی عوضkindling wood ءِ چیار cords۔
نیں مں شمانہاں500 سکوڈی (روپئی) پرنچثہ ، پرمں دانڑتی دِہ وام داراں، اشاں ژہ کڑدے تہ گیست سال کہنیننت ۔ پنچ سال ریسرچہ واسطامُہلت، او مناں ہر چیز ثابت کنغی اث۔ نیں مں ترا دوہمی چیزے ڈساں۔
ساگریدو : ٹیلسکوپہ نزیخہ روغہ کوئی ۔ گلیلیو، مناں ہژمبہ ڈولیں چیزے بیغیں۔
گلیلیلو:مں نیں تراگلیکسی ئے جڑاں ژہ یک بلکوخیں ، شیرہ ڈولیں بگی ایں جڑے ڈساں۔ڈس اے چے چے چیز اں گوں ٹھیثی ایں ۔
ساگریدو: آں استارنت ، بے اشماریں استار۔
گلیلیو:چڑو یک اوریون نا میں استارانی مچی اندرا پنچ ہزارفکس و سک کثغیں استارنت۔ آں بازیں دنیا انت، بے اشماریں دوہمی انت کہ آنہانی جندہ دوہمی استارانی بارہا جیارڈنوآ ٹوک کثہ۔آنہیا آں دینثغنت نہ ، آنہیا آنہانی پیش گوئی کثغہ۔
ساگریدو: پر تو نڑیں کہ زمین یک استارے بی گڑہ دِہ کو پرنیکسئے اے دعوی بازدراژیں پند ھے کہ اے روشہ گڑدہ چری۔آزمانہ چکا ہمنگیں ہچ استار نے کہ آنہی و ٹایک دوہمی استارے چری۔ باج ژہ ماہا کہ زمینہ گڑدہ چرّی۔
گلیلیو: ساگریدو، مں حیران بیاناں آتکغاں ۔ مں پَیریا ژہ حیراناں۔ آں جو پیٹریں، آں آنہی چکاٹیلسکوپہ فوکس کنت۔ آنہی و ٹاچیار ا ستار نت کہ چھڑو ٹیلیسکو پہ گوں دیثہ کاینت۔ من آں دوشنبہ روشاد یثغثنت، پر آنہانی ہندئے ہیڑ تیا خیال نہ کثغثوں۔ زی مں اغدہ دور بینا دیثہ۔ مں سوغندہ زیراں کہ ہمے ہر چیار یں وثی ہنداں ژہ جزرتی ایثنت۔ مں اشی ئے نوٹے ٹاہینتہ۔ نیں آ ں اغدہ وثی ہنداں ژہ جرزتیایاں۔ اے چے؟ مں چار دیثہ۔ جذباتا پریآ: گند ، گند !!۔
ساگریدو:مں تہ سئے دیثہ کنغاں۔
گلیلیو:چارمی پکوئیں۔ اے پہاڑہ انت۔ مار حساب کتاب کنغ پہ کاریں کہ آنہاں چکھر مزل جثہ۔
آں جذبگ و جوشا گوں نشتغنت۔سٹیجہ چکا تہاری ودہا ناں روغیں، بلے گڑدیں اُفقہ چکا جوپیٹر اور اِشی طفیلی استارو سیٹلائٹ دانڑتی سہرایاں۔ وختیکہ اغدہ روژنائی بی، گلیلیو اور ساگریدو دانڑتی ہموذا ڈولوآں، وثی زمستانی پوستیناں گراکثیا۔
گلیلیو: اے ثابت بیثہ۔ چیار می چڑو ،جو پیٹرہ مُسُکہ شتہ بی، کہ شموذا آں دیثہ نیئے ۔اوذا یک دوہمی استارے استیں کہ آنہی گڑدا یک دوہمی اے چرغیں۔
ساگر یدو: ہماں جلشکوخیں گوڑوکہ گوں ہمانہاں جوپیڑلگڑتی ایں ؟
گلیلیو: ہا۔ آں نیں پکوئیں؟ جو پیٹرشوں ہمنگیں چیزے آ گوں سلھاڑتیہ بی و ختیکہ دوہمی استار آنہی گڑدا چرغاینت؟ ۔آسمانہ اندرا فریم ورک نے ؛ کائناتہ اندرا ہچ چیز فِکس نَیں۔ اغدہ یک دوہمی روشے!۔
ساگریدو: اند ا ماکں۔ تہ بازا شتافی فکر کنئے۔
گلیلیو: اشتافی! وثار بڑز کں سنگت! ہر چی اے کہ دیثہ آں اولاکسانہ دیثہ ۔ ہماں راست اثنت۔
ساگریدو: کئے ؟ کو پرنیکسی؟۔
گلیلیو: او دوہمی دِہ! دراہیں دنیا آنہانی دژمن اث او آں راستثنت۔ اے آندریا یا پہ یک چیزے ! آں گوں جذبہ و جوشا دروازغہ پلوا رمبی او واہو ءَ داری:
سگنورا سارٹی، سگنورا سارٹی!
ساگریدو: گلیلیو، اندام بی!
گلیلیو: ساگریدو، وثار جذباتی کں! سگنوراسارٹی!
ساگریدو: دوربینہ دیر ہ کنت: تہ گنو خانی ڈولیں ڈریتھوآں دارئے؟
گلیلیو: او تہ ہموذا ’’کا ڈماہی ‘‘اے ڈولا اوشتاثیا یئے۔۔۔ وختیکہ راست دریافت بیثہ؟
ساگریدو: مں کاڈماہی اے ڈولا نہ جکثیاں، پر مں لڑزغاں نواں کہ اے جائی راست بی۔
گلیلیو: چے؟۔
ساگریدو: تہ سُدھاں شتغئے چہ ؟ ۔تہ جائی نہ زانئے کہ تہ چے اندرا ما نا تکی ئے ، او آں چی آں کہ تہ گند غئے آں راست بنت گڑہ ؟ ۔او تہ واہو آں دراغئے کہ بلاں کل اش کننتی: اے کہ زمین یک استارے او اے کائناتہ مرکز نَیں۔
گلیلیو: ہا ! اواے کہ دراہیں ، مزں پاندیں کائنات گوں سجہ ایں استاراں مئے کستریں زمینہ گڑدہ نہ چری۔ اے ٹوک بایدیں ہر کسا معلوم بی۔
ساگریدو: اے کہ اوذا چھڑو استار نت! ۔۔۔ او گڑابھگوان پکوئیں؟۔
گلیلیو: چے مطلو؟۔
ساگریدو: بھگوان!بھگوان پکوئیں؟
گلیلیو زہرنیا: اوذانَیں۔ آں زمینہ دیثہ بیئے ، اگر بڑزا ہموذا وجود بیثے ننت او آنہاں آں ایذا پولث!
ساگریدو: گڑہ بھگوان پکوئیں؟
گلیلیو: مں پنڈت آں چہ ؟ مں ریاضی دانے آں۔
ساگریدو: ژہ کلاں پیش تہ یک مردمے یئے۔ اومں اشتؤپولہ کناں، تئی کائنا تہ اندرا بھگوان پکوئیں؟
گلیلیو: مئے اندرئیں ، یا ہچ ہندیانَیں ۔
ساگر یدو:واہوآداراناں: چوکہ بدعتی ایں جیا رڈ انوآگو ئشتغہ ؟
گلیلیو: چوکہ بدعتی ایں جیا رڈ انوآگو ئشتغہ۔
ساگریدو: ہمے خاطرا آں آس دیغ بیثغہ ! دہ سال دِ ہ نہ گو ئستہ !
گلیلیو: اے خاطراکہ آنہیا ہچ ثابت کثہ نہ خث ۔ اے خاطرا کہ آنہیاچھڑ و ہمنگا گو ئشتغہ۔ سگنورا سارتی !

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *