Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » کپٹل ۔۔۔ کارل مارکس؍ شان گل

کپٹل ۔۔۔ کارل مارکس؍ شان گل

بیائیں ما دو کمانڈٹی زیروں :گڈو بر، او آسن ۔ اے دوئیں ہماں نسبتاں گوں کہ یک دگراگوں مٹ وسٹ ( تڑبند کنغ) بنت، ہماں نسبت تونڑیں ہرچی کہ بنت، ہر وخت یک فارمولہ اے آگوں پیش داشتہ کا ینت کہ ہما نہی اندرا گڈو برئے یک مقراریں اُشمارے ،آسن ئے یک مقراریں مقدارے آگوں برابر بیت ۔ مثال: یک کوارٹر گڈو بر= الف Cwt آسن ۔ *ہمے فارمولا مارچے ڈسی؟۔ اے مارڈسی کہ دو جتائیں چیزانی ( بزاں گڈو برئے یک کواٹرے، او آسنئے الف cwt)اندرایک ہمنگیں چیزے برابریں کچے آموجودیں کہ دوئینانی اندرا مشترک واواریں ۔ ہمے خاطرا لازمیں کہ ہمے دوئیں چیز یک سیمی چیزے برابر بنت۔ یک ہمنگیں سیمی چیزے ئے کہ وَث ہمے دوئیں چیزاں ژہ جتاایں۔ مطلب اے بیثہ کہ ہمے دوئیں چیز (دانکو کہ تڑبندی قدرہ ٹوکیں )، خامخا ہمے سیمی چیزا داں گَھٹ آرغئے لائخا ینت ۔
جیومیٹری ئے یک سادائیں مثالے اشیا بگی کنت ڈسی ۔ ،ماچیار کنڈی(rectilinear) صورتانی حساب کتاب کنغ و آپتی بھیٹ کنغا پہ آنہاں سہ کنڈیانی (triangle) اندرا بہر کنوں۔ بلے سہ کنڈی جندہ پاندو رقبہ اشی جندہ ظاہری صورتا ژہ بالکل جتائیں صورتے آدرشاں کنغہ بی۔ بزاں ، ہماں چیزکہ سہ کنڈی ئے پاندہ درشاں کنت ، آں ہماں مقدارہ کوٹغ ایں کہ سہ کنڈی ئے قاعدہ ( base) ءَ آ نہی عمودی(altitude) ءَ گوں ضرب دیغہ گوں رسی۔ ہمے ڈولا لازمیں کہ کماڈٹیانی تڑبندی قدر اے لائخا بنت کہ یک ہمنگیں چیزے نسبتا گوں درشاں کثہ بیا ینت آں کہ کُل کماڈٹیانی اندرا مشترک ہم بی، او جتا ہم ۔ او کہ ہما نہی کم یا گیشیں مقدارئے نمائندگیا کماڈٹیانی ہمے تڑبندی قدر بہ کننت۔
ہمے شریخیں ’’ چیز‘‘ کماڈٹیانی نَیںیک جیومیٹریکلیں خاصیتے بیثہ بی، نہ یک کیمیکلیں ، یا دوہمی قدرتی خاصیتے ۔ہمنگیں خاصیت مئے دلگوشہ ہماں وختہ وثی پلوہ کننت وختیکہ آں ہمے کماڈٹیانی گزرہ چکا اثرے پریننت، ’’ گزرہ قدر‘‘ ٹاہیننت۔ بلے کماڈٹیانی مٹ وسٹ سہرائیا ہمنگیں عملے کہ ’’ گزرہ قدرا‘‘ ژہ پیلویں چم بوٹیا گوں اکّیلائیں۔ گڑہ یک گزرہ قدرے دوہمی گزرہ قدرے ڈولا جوان یاڈھلائیں، شرط چھڑو ایشیں کہ ہمے کھوڑو کافی ایں مقدارا سانڑیں بی۔ یا چو کہ پیریں باربنؔ گشی ’’ یک ڈولیں سامانے دوہمی ڈولیں سامانہ ڈولا جوانیں ، اغر قدر برابر بنتش۔
برابریں قدرہ والی چیزانی اندرا ہچ فرق و اکّیلائی نے ۔۔۔۔۔۔سی ہو(lead) یا آسنئے صذ پاؤنڈہ بہا والی سیہو یا آسن دِہ ہمکر زیات قدر یغیں ہمانکر کہ صذ پاؤنڈہ بہا والی چاندی یا تنگو ‘‘۔(2) گزرہ قدرانی حیثیتا ، کماڈٹی جتا جتائیں خاصیتیانی انت، بلے ایکسچینج قدرہ (تڑبندی قدرہ)حیثیتا آں چھڑو جتائیں مقدارنت، او ہمے خاطرا ، گزرہ قدرئے یک ذرہ اے دِہ نہ دارنت۔
گڑہ اغرما کماڈٹیانی گزری قدرہ فکر و گنڑتیا یلہ کنوں، تو آنہاں گوئر چھڑو یک اواریں خاصیتے سرہ کیث، اے کہ سجہ ایں کماڈٹی پورہاتہ پراڈکٹنت ۔ او پورہاتہ پراڈکٹ تہ وث مئے دستانی اندرا باز بدل بیثہ ۔ اغرما کماڈٹی ئے گزری قدراتجرید(abstraction )ٹاہینوں، تو ما ہماں یکیں وختاہماں میٹیریل بُن بہر (element)او صورتاں دِہ تجرید ٹاہینغاؤں کہ پراڈکٹہ یک گزری قدرے ٹاہیننت ۔گڑہ ما اشی اندرا یک ٹیبلے نہ غندوں ، یک لوغے ،سُوتے(Yarn) یا دوہمی کار امدیں چیزے نہ غندوں۔ یک میٹیریلیں چیزے حیثیتا اشی ہستی چماں اوڈھر بی۔ نَیں نِیں اے دارتراش، مستری ،او گفوخہ(Spinner)َ پورہاتہ پراڈکٹہ حیثیتہ گنڑثہ بی، او نَیں پیداواری پورہاتئے مقراریں دگہ ڈولیں پراڈکٹہ حیثیتہ ۔ پراڈکٹانی جندہ کارامدیں خاصیتانی پجیا ما آنہانی اندرا استیں پورہاتئے بازیں بھیرانی کارامدیں کیریکٹرا، اور ہماں پورہاتئے اصلیں صورتاں، ہر دوئیناں چماں اوڈھرداروں۔ ہچی سرنیئے باج ژہ ہماں یک چیزا کہ ہمے کلانی نیا ماشریخ و مشترکیں۔ ہمے کل، پورہاتئے یک او یکیں صورتہ سرہ گھٹ کا ینت،اوآنہہ ایں انسانی پورہات ،تجریدہ تہا۔
نِیں بیائیں گندوں کہ ہمے دوئیں صورتاں چماں اوڈھر کنغا رند چے سراتکہ۔ہمے سراتکغیں وثی اندرا ہماں یکیں بے ثبوتیں حقیقتہ داری ،بزاںیک بھیری آ مستؤسِلاّبیثغیں انسانی پورہاتہ۔ہمے سراتکغیں وثی اندرا پورہاتہ قوتہ داری ۔ ہماں پورہاتہ قوت کہ وثی خرچہ طریقہ ئے خیالانخناناں مزں پاند بیثہ ۔ ہمے کل چیز نِیں مارا ے ڈسنت کہ انسانی پورہاتہ قوت آنہانی پیداوارہ اندرا مزں پاند کنغ بیثہ، کہ آنہانی اندرا انسانی پورہات موجودیں۔وختیکہ ہمے کلانی اندرا شریخیں سماجی مواد ا حتمی و قطعی صورتا گندئے تو آں۔۔۔۔۔۔قدراَنت۔
مادیثہ کہ وختیکہ کماڈٹی تڑ بند بنت، آنہانی تڑ بندی قدر وثار، آنہانی گزری قدرہ ژہ بالکل جذائیں ڈولے آ پیش دارنت ۔ بلے اغرما آنہانی گزری قدرہ مجرد کنوں، تو گڑہ آنہانی بڑزا بیان کثغیں قدر سرہ کیث ۔ ہمے خاطرا کماڈٹیانی تڑبندی قدرہ ( ہر وختے کہ اے تڑبند کنغ بہ بنت) اندرا وثار ظاہر کنوخیں اواریں مواد ، آنہانی قدریں۔ مئے پٹ وپولہ پراگریس ڈسی کہ تڑبندی قدر ہماں یکیں صورتیں کہ آنہی اندرا کماڈٹیانی قدر و ثار وث ظاہر کنت۔ بلے اے وختا، مار قدرہ فطرتہ چکا فکر کنغی ایں نہ کہ اشی صورتہ ( فارمہ) چکا۔
یک گزری قدرے ، یا کارامدیں چیزے چھڑو اے خاطرا قدرہ داری کہ آنہی اندرا انسانی پورہات مجردی آموجودیثہ ۔گڑہ ہمے قدرئے پاند شوں کیلغ بہ بی؟ ۔اے باز سادہیں کارے۔ گوں قدر پیدا کنوخیں چیزبزاں پورہاتا، کہ ہمے چیزہ اندرا سانڑیں ایں۔ البتہ پورہاتہ مقدار اشی مُدہ اومعیادا گوں کیلے جی، او پورہاتہ مُدہ اغدہ وثی مانڑہ(standard ) ہفتہ، روش او گھنٹہ آنی اندراگندی۔
کڑدے مخلوق خیالہ کثہ کنت، کہ اگر یک کماڈٹی اے قدر، آنہی چکا مانا تکغیں پورہا تہ مقدارہ گوں مقرار بی، تو مزدور ہر چی کہ ناکارہ او بے ہنر بی، ہما نکر آنہی کماڈٹی قدر ناخ بی۔ اے خاطرا کہ، اشی پیداوارا پہ زیات وخت گزر بی۔ بلے، ہماں پورہات، کہ قدرئے موادہ ٹاہینی آں تہ یکسانیں انسانی پورہاتیں، یک بھیریں پورہاتہ قوتئے خرچیں۔ سماجئے ٹوٹل قوتِ محنت، کہ ہماں سماجئے پیداکثغیں کُل کماڈٹیانی قدرانی مجموعہ ایں، ایذا انسانی قوتِ محنتئے یک بھیریں انبارے بھیرا شمارہ بی، تونڑیں کہ اے بازیں انفرادی یونٹا ں گوں ترتیف داثیا بی۔ ہمے ہر یک یونٹے دوہمی ئے ڈولَیں، دانکو کہ اے سماجئے اوسط پورہاتہ قوتئے خاصیتا داری ۔یعنی، دانکو کہ اے یک کماڈٹی اے پیداکنغا پہ یک اوسطیں گزریں ٹائما ژہ زیات گزرمہ خنت ، سماجی ڈولا ضروری ایں ٹائما ژہ زیات مہ گیڑت ۔سماجی ڈولا ضروری پورہاتہ ٹائم ہما نہیں کہ پیداوارہ عامیں حالتانی اندرا یک چیزے پیدا کنغا پہ گزر بی، او ہماں وختئے رواج کپتغیں ہنر مندی او دل ہیڑتی ئے اوسطیں درجھہ پجیا۔ انگلینڈہ لافا پاور لو مزانی آغاسوتئے(Yarn) یک خاصیں مقدارے گذہ لافا گفغا پہ گزریں پورہات گوئش کہ نیما داں گھٹ آڑتہ۔ اصلامں، دستی لوم گفوخ پیشہ ڈولا ٹائما گرغئے ثنت۔ بلے تبدیلیاں ژہ رندا آنہا نی پورہاتئے یک گھنٹہ اے پیداوارا، سماجی پورہاتئے چھڑو نیم گھنٹہ اے نمائندگی کث ، او نتیجہ اے کہ اشی پیشی قدر نیما داں کپتہ۔
تو گڑہ ما گندوں کہ ہماں چیزکہ ہر شئے ئے قدرہ پاندہ مقرار کنت ، آں سماجی ڈولا ضروری ایں پورہاتہ مقداریں ، یا ہماں پورہاتہ وختیں کہ آنہی پیداوار سماجی ڈولا ضروری ایں۔ (1) ہمے سلسلہ آ، ہر انفرادی کماڈٹی اے، وثی ڈولیں سجہ ایں کماڈٹیانی یک اوسط نمونہ اے ڈولَیں۔ اے خاطرا ، ہماں کماڈٹی کہ پورہاتئے یک کچیں مقدار اندرا نتش ، یا آں کہ یک کچیں وختہ اندرا پیدا کنے جابنت، آں یک ڈولیں قدرے دارنت۔ یک کماڈٹی اے ئے قدر دوہمی ہر کماڈٹی ئے قدراگوں نسبت ہما نہیں آں کہ یک کماڈٹی اے پیدا کنغا پہ خرچ بیوخیں پورہاتہ وختئے دوہمی کماڈٹی ئے پیدا کنغا پہ ضروری ایں پورہاتہ وختا گوں نسبت ایں۔ قدرانی حسابا، سجہ ایں کماڈٹی چھڑومستغیں پورہاتہ وختئے مقراریں انبارنت‘‘۔(3)
یک کماڈٹی اے قدر پائیدار(Constant) مانیث، اغرہمانہی پیداوارا پہ گزریں پورہاتہ وخت ہم پائیدار(Constant )بی۔ بلے پورہاتہ وخت، پورہاتہ پیداواریتئے اندرا ہر تبدیلیاگوں بدل بیاناں روث۔ ہمے پیداواریت بازیں حالتاں گوں مقرار بی کہ ہمشانی اندرا، مزدورانی ہنر مندی ئے اوسط مقدار، سائنسہ حالت ،او اوشی عملی اطلاقہ درجہ، پیداوارہ سماجی تنظیم، پیداوارہ وسیلہ ئے پاند او اہلیت، او فزیکل حالت اوارنت۔مثال، مناسبیں موسمانی اندرا پورہاتئے ساگی مقداردانئے ہشتکاسغ پید اکنت، بلے نا مناسبیں موسماں، چھڑو چیار ۔ ساگی پورہات تنکیں معدنہ کانڑہ مقابلہا بزیں معدنہ کانڑا ژہ زیات معدن کشی۔الماس زمینہ پوستہ چکا باز گھٹیں، ہمے خاطرا اوسطاًاشی دریافت باز پورہاتہ وخت گیڑت۔ نتیجہ اے بی، کہ الما ساژہ ٹھیثغیںیک کستریں چیزے اندرا باز پورہاتہ نمائندگی بی ۔ جیکب تہ شک مندیں کہ تنگواوثی پیلویں قدرہ قیمت ہچ و ختیا نہ رستہ۔ اے ٹوک الماسہ سرا زیات راستیں۔ ایش وِگ گشی کہ ،1823 آداں ختم بیوخیں ہشتا دسالاں دَہ برازیلی الماسہ معدنانی کل پیداوار اژہ اکھر آمدن دِہ نویثہ ہمانکرکہ ہمے ملکہ جندہ اندرا شکر او کافی ئے پصلانی اوسط پیداوارئے یک و نیم سالہ پیداواراژہ بیثغہ ۔ حالانکہ الماساباز زیات پورہات خرچ کثہ ، او ہمے خاطرا زیات قدرئے نمائندگی کثئی، پر زیات بزیں معدناں، پورہاتئے ساگی مقدار وثی اندرا زیات الماس کشی، او گڑہ الماسہ قدر کفی۔ اغرما کار بنا(Carbon)الماسانی اندرا بدل کنغہ اندرا پورہاتئے یک کم خرچے چکا کامیا ب بیثے نوں، تو آنہی قدرخشتا ژہ دِہ جھل کپت۔ موڑی سر ، پورہاتئے پیداواریت ہرچی کہ زیات بی، ہماں چیزئے پیداوارا پہ گزریں پورہاتہ ٹائم ہمانکر گھٹ بی، ہماں چیزئے اندراپورہاتہ مقدار کم بی۔ او اشی قدر کم بی۔ اواشی برعکس، پورہاتہ پیداواریت ہرچی کم بی ہماں چیزئے پیداوارہ خاطر ا گزریں پورہاتہ وخت زیات بی، او ر اشی قدر زیات بی ۔ ہمے خاطرا ، یک کماڈٹی اے قدر ، اشی اندرااستیں پورہاتئے مقدارہ حیثیتا سدھا سدھائی او پیداواریتہ حیثیتا معکوسیں ڈولہ تبدیل بیاناں روث۔
یک شئے ئے یک گزری قدرے بیثہ بی، بغر ژہ قدرے دارغا ۔ اے ہماں وختہ بی، ہر وختے کہ مردماپہ اشی افادیت، پورہاتہ سببامہ وی۔ چوکہ گواث،سوکڑیں ڈغار، چَراغ وغیرہ۔ یک شئے اے کارا مد بیثہ بی ،ا و انسانی پورہاتہ پیداوار ے دِہ ،کماڈٹی اے بیغا بغر ۔ہمنگا دِہ استیں کہ یکے سدھا سدھائی وثی جندہ پورہاتہ پیداوارا ژہ وثی گزراں پیلہ بہ کنت، گزری قدراں پیدا بہ کنت ، بلے ہمے کماڈٹی نہ ینت ۔ کماڈٹیانی پیدا کنغا پہ آنہیا چھڑو گزری قدر پیداکنغی نہ ینت بلکنا دو ہمیاں پہ گزری قدر پیدا کنغی انت، بزاں سماجی گزری قدر۔ (او چھڑو ’’ پہ دوہمیاں ‘‘ نہ ۔ از منہ وسطی ئے راھکہ فیوڈل وام او دَہمی بہرہ دیغاپہ دان پیدا کث۔ پر ہمے دان چھڑو اے سبیاکماڈٹی نہ ویثہ کہ اے پہ دوہمیاں پیدا کنغ بیثہ۔ کماڈٹی بیغہ خاطرا ، کماڈٹی الّما تڑبندیا گوں ہماں مڑدامنتقل بہ بی کہ ہما نہیا اے گزری قدرہ ڈولا کاراداث)(1)۔آخرا مں، ہچ چیزے آ قدر بیثہ نہ وی، آنہی عامیں افادیتہ شئے اے بیغا بغر۔ اغر شئے بے کاریں، تو اشی اندرا استیں پورہات دِہ بے کاریں؛ پورہات پورہات لیکے نہ جی، او اے خاطرا ہچ قدرے پیدا نہ خنت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *