Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » سموراج » کنا داغستان  ۔۔۔ رسول حمزہ توف؍غمخوارحیات

کنا داغستان  ۔۔۔ رسول حمزہ توف؍غمخوارحیات

سرلوزنا بدل سر لوزاتا بارواٹ گڑاس لس و ہیت !
تغ آن بش مننگ تون یکدم نپاد آن چست مرسہ دُن نَرپہ دُنکہ کس پائے نے خلنگو بلکہ اسیکہ ہمو تغ نا بارواٹ سوچ ہرادے نی خنانس :
بالی جہاز آسمان اٹ بال کننگ آن مُست اسیکہ بھلو زانب و زینب ئس کیک۔ تیویٰ بالی پٹ نا چکر ءِ خلسہ رَ ن وے آ بریک ۔ ولدا غومباریسہ رُم کیک وداغٹ گڑاتے کننگ آن پد بال کیک :
ہیلی کاپٹر ءِ رُم کننگ نا ضرورت تمپک ‘ ولے بال آن مہُٹ اوہم بھلو زامب و زیمب توارتوار ئس کیک ۔ لڑزک ، سُرک اندن ، دُن کہ اودے مرگی الے:
دابیرہ مَشی آبانز ءِ کہ تینا تلار ان چست مننگ تون سدھا آسمان نا شابیتی آ سرمریک و بھاز سوبروکبینو‘ وڑوڈول ءَ سے ٹی تہوٹی بال کرسہ بڑز اِنسہ کیک ‘ بڑز پین بڑزانداخس کہ خنک اودے تُد تمنگ کپس!
اسہ گچینو کتابہ سینا بناء ہم اندن مرے ‘ مُرغن و دم دریفوکو سرلوزءَ سے آن بید ۔ اگہ نی سانڈ ءَ سینا مرغ آتے ہمووخت ہلنگ اٹ سرسوب متوس ہراوخت ودِرِکسہ سا نا پہناد آن اِننگ ٹی مریک توولدااونا لِٹک ٹی السہ اودے تورینگ ممکن مفک:
فرض کہ اسہ شعرپاروک ئس تینا پاندور*(1)ءِ دوئی کرینے ‘ ای چاوہ کہ اونا تواربے حد پُرسوزوسُریلا ءِ ‘ ولے شعرءِ بناء کننگ آن مُست اونا ہورک اُسل بے مسخت تاراتے انتئے سُرفینگو؟
ا ندا سوج ہمو تران نابارواٹ ودی مریک ہرا سازوزیمل دیوان ءَ سے نا کننگ آن مُست مریک وہمو تران ہرا ڈرامہ سے آن مُہٹ تننگک یاہمو پنت و نصیحت نا بارواٹ ہرادے اسہ مالم ئس تینا سالم ءِ ایتک۔ بجائے داناکہ او تینا سالم کن اِرَ غ ئس کے وجواننگا وڑوڑنا تام ءَ تون اوار شراب آن پُرانگا پیالہ تے اونا مون آ تخءِ :
اسہ دے شاہ میل*(2) نا چندی مریداک تولوک اسٹ ایلوآ تینا ذَمغ آتا سگاراتا تیزی نا رعب ءِ شاغنگ اسُر و دا دآئن نا سوگؤی نا اسٹ ایلو آ داشت ءِ شاغنگ اسُرہراڑن داذمغ آک جوڑ کننگاسُروقرآن پاک نا ہمو پاک انگا آیات آتا زکرءِ کننگ اسُرہرا ہندا ذَمغ آتے آنقش ونگارٹی نوشتہ اسُر۔ دامریدآتیٹ بزرگ آ شاہ میل نا خلیفہ حاجی مرادہم اواراس۔ اوپارے :
’’پینگُن آ چنار نادرخت نا پُدینا سیخاٹی تولوک نُم انت شرہ (بحث) ئس کننگورے ۔ پگہ سُہب تون ہرا جنگ مریک ہموٹی تو نما ذَمغ آتا غزہ وکرامات مونا بریک‘‘:
ایلو داہم ارے کہ کنا مَشی آ وطن ٹی دا رواج اف کہ ہُلی سوار اُرانا سُروگ آن ہُلی آسوارمرے ۔ ہراوخت اسکان اوخلق آن پیشن متنے وہُلی نا لغام ءِ دوٹی ہلوک پیادہ انسہ کیک ۔ دانا سوب دامننگ کیک کہ او دوران او ‘وار وارسوچ خلیک کہ ای انتس ہلسہ اِننگ اُٹ وکسرٹی مون مستی اوڑتون انتس مروئی ءِ ۔ اواخس اشتافی مرے ولے خلق نا دَنگ آن پیشن اسکان ہُلی نا لغام ءِ دوٹی ہلوک سوچیسہ کراکرااِنسہ کیک ۔ولدا اندن اسہ دِرِک تون ہُلی نا زین آ تولوک دُنکہ او رکاب ءَ اسُل نت ءِ ہم تختنے ‘ ولدا اوہُلی نا کاٹم پارہ غا ڈول مرسہ ہُلی ءِ کُڑی کیک و دنزولوڑنا جمرتیٹ اودیم مریک:
ای ہم تینا کتاب نا زین ءَ درِک ترسہ سوار مننگ آن مُست گڑاس سوچسہ اِننگ اُٹ ۔ ہُلی نا لغام ءِ دوٹی ہلوک خیال آتیٹ گُم اوڑتون اوار اِننگ اُٹ ۔ گڑاس پاننگ آن مُسٹ ٹَک خلنگ اُٹ ۔
________________________________
*(1): قفقاز نا علاقہ ٹی پنی و ساز ئس
*(2): شاہ میل (1798ء تا1871ء) اسہ بزرگ ئس اس ‘ ہرا علاقائی زردار و روسی زادِ شاہی نا خلاف داغستان ٹی تینا مرید ءَ تون اوار سلہہ بند بغاوت نا بیرک ءِ چست کرے۔ اوفک امامت نا دعویٰ ءِ کریر‘ راہشونی نا لائخی و فوجی گشادکاری نا درشانی ءِ کریر۔ خلق گونیب اٹ تینا اُرا ٹی اوفک1809ء ٹی سلہہ بٹیر۔ منہ وخت کالوگا پنی آ شاراٹ قید ہم مس۔1870ء ٹی مکہ غا اِنا ہموڑے کذیت کرے :
(برجائے )

Check Also

سرکردہ ۔۔۔ ذوالفقار علی زلفی

اقتباسات وہ پیدا تو دبئی میں ہوئی مگر شاید وطن کی مٹی کی کشش کا ...

Leave a Reply

Your email address will not be published. Required fields are marked *