Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » پیڑ کی شاخیں پیاسی ہیں ۔۔۔ عیسیٰ بلوچ

پیڑ کی شاخیں پیاسی ہیں ۔۔۔ عیسیٰ بلوچ

چاروں جانب سے آتی ہوئی
سڑکوں کے مِلن مقام پر
ہرے پتّوں سے بھرا
ایک تناور درخت تھا
بدن کی تھکن پی کر
جواں ہو چکی تھیں شاخیں اس کی
گول دائرے میں کھڑی
عمارتوں کی آڑی ترچھی
دیواروں کی پوشاکیں
اُتار دیں تھیں سمندر کی خنک ہوا نے
سود و زیاں کی بھول بھلیوں سے ناآشنا
زندگی کے بَیل کو ہانکتے تھے مکیں اُدھر کے
چوراہے کی ایک نکڑ پر ہوتا تھا چائے خانہ
جہاں شام اُداسی
ڈُوبی جاتی تھی چائے کی پیالی میں
جھوٹ فریب اور دغا جیسے لفظوں کا
کوئی وجود نہ تھا
بس حرف کی پہچان رکھنے والے
کچھ سیانے لوگ تھے وہاں
آج بلیئرڈ کلب ہے
اسی چوراہے پر چائے خانے کی جگہ
کچھ بھی تو نہیں بدلا ہے
بس پیڑ کی شاخیں پیاسی ہیں

Check Also

April-17 front small title

شازیہ کی بیٹی ۔۔۔ آمنہ ابڑو

شازیہ، وہ کمسن ماں جسے بیٹی پیدا کرنے کے جرم پر شوہر نے کلہاڑیوں کے ...

Leave a Reply

Your email address will not be published. Required fields are marked *