Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » وینس ئے وا پاری ۔۔۔ شیکسپیئر/ جیندجمالدینی

وینس ئے وا پاری ۔۔۔ شیکسپیئر/ جیندجمالدینی

پورشیائے پِس ئے مزنیں ارمانے اتت کہ آنہی جِنک وتی مردوت گچین پہ باز سمجھداری و ہوشیاریا گوں پیکنت۔ آچہ مَرگا پیش یک اٹکلے کرت کہ تانکہ پورشیا وتی مردا وت گچین پیکنت و آنہی دست کمک ببیت۔ آنہیا سہ مزنیں پیٹی جوڑ کنا ئینتہ۔ یک پیٹی اے طِلائے اتت۔ دوہمی چاندی ئے وسِیمی گلٹے اتت۔ چہ ایشاں یکے تہا پورشیا ئے عکس اتت۔ آنہی پتئے ارمانث کہ پورشیا گوں ہماں مردما آروس پیکنت کہ آبزان کہ پورشیائے عکس کجام پیٹی ئے تہا ایریں ۔ و اندازہ کنوکیناں چہ ہر یکے اے قول پیکنت کہ اگہ آں وتی اندازہئے تہانا مُراد بُوت گڑاں رنداگوں ہچ زالبولے آ آ روسہ نہ کنت۔ پورشیا فکرے کُرت کہ آں وتی پثئے اے خواہشئے عزتہ پیکنت۔ چوس کہ آنوں زندگ نہ انت۔ حالاں کہ اے ہبر ہم اتت کہ چومہ بیت کہ آنہی عکسا انچین مَردے درمہ کنت کہ آں آئرا دوست مہ بیت۔ ولے گڑہ دہ آنہی اِرادہ اتت کہ آوتی پثہ خواہشئے عزتا پیکنت۔
اے ہبرئے زانگا گوں بازیں مردے اے لیبا چہ دست کش ات کہ چہ ایشی پورشیا دل جم بُوت پَرچے کہ تَنے وہدا آتنو کاں چہ یکے ہم پورشیا دوست نہ بُوتت۔ آوتی سکریٹری نریسا گوں گپہ کرتے و گُشتے کہ یہ بے واک اتنت و بے شوق انت۔ وچہ جوانیں کہولاں نہ انت۔ یک مردمے کہ چے اے پیٹی آں پاچ کنغئے ہمتہ کرتت آمرا کوئے شہزادگ اتت۔ آنہیا طلاایں پیٹی پاچ کُرت آئی فکر اتت کہ طلا ایں پیٹی پورشیا ئے مَٹ انت۔ آنہیا کہ پیٹی پاچ کُرتہ شہ آئی تُو کا مَرگئے بیمناکیں عکس درآت۔ گچین کنو کاں چہ دوہمی مردما اسپین ءِ شہزادگ اروگان اتت۔ آنہیا چاندی ئے پیٹی گچین کُرت و پاچ کرت کہ شما نہی لافا یک نمشتانکے درکپت کہ نمشتگ اتت کہ اے پیٹی ہر کسا گچین کرت آئرا ہما مِلیت کہ آنہی مٹ انت۔ آنہیا اے نمشتانک ونت و فکر کرت کہ اے راست انت اگہ آگوں پورشیا آروس کنگے لائق نہ انت آئرا اشی اجاز ت مہ بیت۔ بَلے یقیناً گوں آئی آروسئے لائق انت ۔وہدے کہ آپیٹیا پاچ کنگا اتت و فکر کنگا اتت ۔امیت انت کہ آنہی اندرا پورشیائے عکس انت۔ بَلے انچو کہ آنہیا پیٹی پاچ کرت تو آنہی دیما یک گنوکیں مردے عکس اتت۔ آ دل پُروش بوت و درکپت۔ چہ ایشی و رند پورشیا آ حال رست کہ بسا نیو اتک و آنہیا گوں وت یک سنگتے آورتگ کہ آنہی نام انت گریٹیانو۔
گریٹیانو ، نریسا ئے زلفا نی گنوک اتت۔کہ آ پورشیا ئے کارکنوک اتت۔ آئرا امیت اتت کہ آنریسا آ پہ عاروسہ منینیت۔ وہدے کہ بسا نیو پورشیا گوں آئی ءَ عاروسا پہ دل مانگ ات۔
بسانیو سر بوت تو پورشیا گوں وشیا ائیرا وش آہت کرت۔ آنہی آتناچہ پورشیا وش اتت و گونے عاروسا دل مانگ اتت۔ آئیرا ترس اتت کہ چودگرانی پیما رَدین پیٹیا پاچ مکنت ۔ پورشیا ئے مُراد اتت کہ آبسا نیو آ پیٹی گچین کنگا کمک پیکنت بلے آزانتے کہ آاے کارامکنت ۔ آنہیا بسا نیو آ گوئشتہ کہ پیٹیا گچینا چیزے روچا پَد بہ کنت۔ تانکہ آچیزے روچ یک جاہ بینت ۔ ولے بسانیو گیشتر انتظار نہ کڑتے ۔ آپیٹی ئے گچین کنگ پہ بیمسرک ات۔ آئرا ہر سہ ایں پیٹی طلائی، چاندی و گلٹے پیش داشتنت۔
بسانیو تن دیر فکرے کُرت و آ ایش آسرا سر بوت کہ طلا و چاندی زیبا انت ولے اے پیما بازیں خرابیں شہ اں چو طلاء رنگ دینت و جوڑ کننت ۔ چارگا چو طلا و چاندی درابنت بلے اندرا بے کاریں و خرابین شہ انت۔ گِلٹ سادگ انت و آئی نقلا کس جوڑ کُرت نہ کنت۔ آنہیا گلٹئے پیٹی گچین کرت۔
پورشیا پہ وشی آئیرا چارگا اتت۔ بسانیو گچین کُرتگیں پیٹی آ پاچ کُرت تہ چہ آئی تو کا پورشیائے عکس در کپت۔ آئی دیم گردینت و پورشیا چارت کہ آہم چو آئی گلان ووش ات۔ آئی ہما دما اے گُشت کہ آہم گوں بسانیو مہرہ کنت۔ آئی چہ وتی ہُوراں یک چلّوے کشت و بسانیوآ داتے و گُشتے کہ ایش چَلّوا چہ وت ہچ دور مہ کنئے نہ توامئے مہرئے سیادی پرشیت ۔بسانیو پہ وشی چلّو زورتے و قول کُرتے کہ آ اے چَلّو ءَ گارہ نہ کنت و نہ چہ وتا دورہ کنتی۔ چہ ایشی رند بسا نیو و پورشیا یکے گوں اے دگرا وتی مہرا درشان اش ۔
گِریٹیا نو او نرسیا ہر دُوک اے وہدا کُو ٹو ئے تہا آوانی کِرّا اتنت۔ آوں ایش کل گوں وتی چماں دیست انت۔ گِریٹیا نو دیما اھت و وتی امیتا درشان کناں کہ بِسانیو پورشیا وَش و وش حالیں زندے گوازیننت ۔ آنہیا اے ہم گُشت کہ آ و نرسیا ہم آروس گنگ لوٹنت ۔اِش اُشکنگا چہ پورشیا و بسانیو ہم وتی وشی دَرشان کرتننت ۔ و پہ آوانی آروسا وَتی رضا مندی ہم پیش داشتنت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *