Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » وینس ئے وا پاری ۔۔۔ شیکسپیئر؍ جیندجمالدینی

وینس ئے وا پاری ۔۔۔ شیکسپیئر؍ جیندجمالدینی

وہدے کہ اٹلی شہر نہ صرف و شحال ات بلکنا جہانہ تہا آنہی نام و توار ہم ات۔ آوختا آنہی یک مردمے کہ نام انتو نیواثی و اپار کثی ۔ انٹو نیویاوینس ئے وا پارئے کِرّا بازمال و دولت اتت ۔آنہی گراں بہائیں آفی جہاز دوہمی مُلکان وا پار کُرت انت۔ آں چہ وتی مہروانی اونرم دلی آ ہم سک مشہور ات۔ آنہی دوست و سنگت ہم باز اتت انت۔ ہمے سنگتانی تہایک ورنائین سنگت بسا نیو ات۔ آچہ ہمے شہر ویسترا اتت۔ آں چہ وتی شرافت نیکیانی سببا زانگہ بوت۔ آنیک و شریفا پجیا غریب ہم اتت۔ آ شاہ خرچیں مردمے ات۔ ووتی زند گوازینگا چہ وتی وسا زیات خرچہ کُرتے۔ گوں اے مردا انٹونیو سَک مہر کُرتے۔ ہر وہدے کہ آئرا زرئے ضرورت بوت آئرا زرداتے۔بسانیو یک شریف و ورنائیں مالداریں جنکے آ گوں مہر کُرتے کہ آنہی نام پورشیا ات۔ آنہی پت انوں زوتاں بیراں بوتت۔ پورشیاچھڑو مالدارنہ اتت زیبا او دانائے ہم اتت۔ شہزادگ و دگہ مالدار و امیر گوں آنہی آروس کنگا لوٹتنت۔ اے مردم وہدے کہ پورشیا آ وتی آروسے لوٹا شت انت توپہ پیش دارگا گرا نین ٹیکی برتنت و نوکرانی لشکرے اے ٹیکی آنا سرکرتنت تانکہ پورشیا آنہی شان و شوکتا بہ گندیت ۔ بے وسین بسا نیو اے پیمئے طاقت نہ دَاشتے۔آ گراں بہائیں ٹیکی گپت نہ کُرتے ۔ آئیرا تُرس اتت کہ پورشیا گوں آنہی آروس نہ کنت۔ پرچے کہ چہ ہماں کلاں بسا نیوغریب اتت۔
بسانیو وتی مزن شانین سنگتئے شت کہ بلکینا آں آنہی معاملہ ئے تہا دست کمک ببیت ۔ آنہی انٹو نیو آ گُشت کہ پورشیا ہم آئیرا دوست داریت ۔ بسانیو اے ہیال اے ڈول گپت آگوں یک شرفیں او مال دارئے پیما بروت تو مُراد آنہی پادانی دیما کیت اواگہ انٹو نیو آئر اگزریں زراں پورا بدنت تو پورشیا گوں آنہیا آروسہ رضا مند بیت۔
’’من ہر وہدا تئی کمکا حاضروں آنہیا بسا نیوآ پسودات ۔ولے اے وہدا گوں من زرنیست کہ من تئی کمکا بہ کنیں‘‘ انٹو نیو آ گشت ۔ منی مُچین آفی جہاز اے وہدا زرئے تہا انت۔ ہر کدیں اے آفی جہاز واتر بوتنت گڑاں گوں من زرے زربیت ۔ تاں آوہدا من پَر تو چہ شائیلاکا پورگران و پر تو بندوبست کناں۔
یہودی شائیلاک وینس ئے جہ آروکیں مردے اتت کہ سودہ سرا پُورہ داتے ۔ آسَک امیر اتت بلے زرخرچ کنگہ عادتے نہ اتت۔ آچہ وتی چُوچئے سببا علاقہ تہا شرزانگہ بُوت ہما مردم کہ چہ آنہی پورہ زرتنت واپس کنگہ وسہ نہ داشت نت آشائیلاک بزگی وجُوانی ئے حقا نہ داشتنت ۔ انٹو نیو ہر وہدا گُشت کہ آنہی دیما شائیلاکئے ہچین شرفے نیست۔ پرچے کہ آنہی پُوران واپس کُرت نہ کنوکاں گوں بے بزگی و بے رحمین سلوکان نا وشہ کُرتے۔
انٹو نیو ہم پورہ داتے بلے بے سودئے پوراتنت کہ چہ آئی شائیلاکئے سودا گریا خرابین اثرہ کپت۔ چہ اے دوئیں سبباں شائیلاک چہ انٹو نیو آ بدہ بُرتے ۔ او آ اے ٹو آ اتت کہ آئرا وارے برسیت کہ آ انٹونیوآ نقصان بِدانت۔
بسا نیو گوں وتی عزیز یں دوست انٹو نیو آ شائیلاکئے کِرّا شُت ۔ تانکہ شما نہیا سہ ہزار ڈکیٹ پُور بُزوریت ۔ انٹونیو آئرا گُشتے کہ انچو آئی آ فی جہاز و اتر بوت انت ، آ آئی زران ہما دماں واپسہ کنت۔ آنہیا گشت کہ انچو توزانے کہ انون منی مچین آفی جہاز زرئے تہا انت و زوت گوں گران بہائیں مڈی آں واتر بنت۔ اے حبرا تو جوان زانے کہ من پہ سودہ پُور نہ دئیاں او نہ سود گِرگا جوان زانیں واے منی دوست تریں دوست بسا نیو آ پہ گرگ لوٹیں۔
اول سرا انچو لگیت کہ شائیلاک پور دئیگا پہ راضی نہ انت۔ آئرا اے ہبر معلومت کہ انٹو نیو آنہی بارہا چے گُشیت۔ ’’ تئی آفی جہاز وینسا سر بیگا چہ پیش طوفانہ تہا غرق بوتہ کننت و تو منی پوراں واترکرت نہ کنئے و ترا اے توفیق نہ بیت کہ منی زراں دات کُنے‘‘۔
شائیلاکاکمکیں فکرے کرت کہ بِیا انٹو نیو آ سودگوں یک شرطے آ بِدیں ۔ آنہی انٹو نیو آ گُشت ۔ شرانت من گوں تو چو یک سنگتے پیما ترا تئی لوٹتگیں زراں بیدچہ سودہ دیاں کہ چہ ایشی سہرا بیت کہ من تئی بابتا چنچو سخی و رحم دلاں بلے تو منی باروا نہ زاناں چے چے گشتگے ۔ ولے منی دلا یک عجبیں جوانیں ہبرے کیئت کہ منا اُمیت انت کہ تو آنہیا منئے۔آں ہبرا یشنت کہ اگہ تو منا و ہدہ سرا منی زراں دات نہ کُرتے گڑاں من چہ تئی جانا نیم سیر گُوژدئے ٹُکرے بُراں۔
بسا نیو آ شائیلاکہ نیتہ سرا شَک اتت ۔ہمے خاطرا آنہیا انٹو نیو آ گُشت کہ آں اے شرطا مہ منیت۔ ولے انٹونیو کندانا ں اے شرطا منت ۔ گڑا آہر سے یک وکیلے آ شت نت تانکہ آںیک اقرار نامہ ئے دسخط پیکنت ۔ رندا انٹو نیو آ شائیلاکا زراں زُرت و بسانیو آ داتئے۔ آ بلمونٹ روگا پہ تیاری شروع کرتے کہ اوداں پورشیا اڈ ہ کُرتے۔
پورشیا پِس ئے مزنیں ارمانے اتتن کہ آنہی جِنگ وتی مدد وت گچین پہ باز سمجھداری و ہوشیاریا گوں پیکنت ۔ آچہ مَرگا پس ایک اٹکلے کرت کہ تانکہ پورشیا وتی مردئے وت گچین پیکنت وآنہی دست کمک ببیت ۔ آنہی سہ مزانیں پیٹی جوڑ کنئینت ۔ یک پیٹی ئے طِلائے اتت ۔ دوہمی چاندی ئے وسِیمی گلٹئے اتت۔ چہ ایشاں یکے تہا پورشیائے عکس اتت۔ آئی پتہ ارمان اتت کہ پورشیا گوں ہما مرد ما عاروس پیکنت کہ آبزان کہ پورشیائے عکس کجام پیئی ئے تہا ایرنت۔ واندازہ کنوکیں آں چہ ہر یکے اے قول پیکنت کہ اگہ ں آوتی اندازہئے تہانا مُراد بُوت گڑاں رندا اہچین ڈولے آ گوں ہچ زالبولے آ گوں عاروسہ نہ کنت۔ پورشیا فکر کروت کہ آوتی پتئے اے خواہشئے عزتا پیکنت۔ چُوش کہ آنوں زندگ نہ انت۔ حالاں کہ اے ہبرہم اتت کہ چومہ بیت کہ آنہی عکسا انچین مَردمے درمہ کنت کہ آئرا دوست مہ بیت۔ ولے وَہم آنہی اِرادہ ات کہ آں وتی پتئے خواہشئے عزتا بہ کنت۔
اے ہبرئے زانگا گوں بازیں مردے اے لیبا چہ دست کشت کہ چہ ایشی پورشیا دل جم بُوت پَرچے کہ تنے وہدا آتنو کاں چہ یکے ہم پورشیا دوست نہ بُوتت۔ آوتی سکریٹری نریسا گوں گپا کرتے و گُشتے کہ یہ بے واک انت و بے مِنزرگ انت۔ وچہ جوانیں کہولاں نہ انت۔ یک مردے کہ چہ اے پیٹی آں پاچ کنغئے ہمتا کرتت آں مراکوئے شہزادگ انت۔ آنہی طلائی ایں پیٹیا پاچ کُرت آنہی فکر اتت کہ طلائی ایں پیٹی پہ پورشیائے مٹ انت۔ آنہیا کہ پیٹی پاچ کُرت چہ آنہی تُوکا مرگئے بیمناکیں عکس درآت۔گچین کنوکاں چہ دوہمی مردم سپین ئے شہزادگ اروگان اتت۔ آنہیا چاندی ئے پیٹی گچین کُرت و پاچ کرت کہ چہ آنہی تُوکا یک نمشانکے درکپت کہ نیمشتگ اتت کہ اے پیٹی ہر کسے آکہ گچین کرت آئرا ہما مِلیت کہ آنہی مٹ انت۔ آ ایش نمشتانکا ونت و فکر کرت کہ ایش راست انت اگہ آگوں پورشیا آروس کنگے لائق نہ انت آئرا ایش اجات بایدنت کہ مہ بیت۔ بَلے یقیناًگوں آنہی آروسئے لائق انت و ہدے کہ آں پیٹیا پاچ کنگا اتت و فکر کنگ آتت اُمیت انت کہ آنہی تہا پورشیائے عکس انت ۔ بَلے انچو کہ آنہیا پیٹی پاچ کرت تو آنہی دیمایک گنوکیں مردے عکس اتت۔ آں دل پُروش بوت و در کپت ۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *