Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » وہ مٹی پال لگائی ہے ۔۔۔ نسیم سید

وہ مٹی پال لگائی ہے ۔۔۔ نسیم سید

جو چیزیں تم کو بھیجی ہیں
یہ میرے بیتے موسم ہیں۔
یہ عشق ہیں
یہ پاگل پن ہیں
تم ہنسنا مت !!
یہ دارجلنگ کی چائے کی پتی
اس کی مہک
بالکل ویسی ہے
جیسے تمہارے حرف
تمہاری نظمیں، باتیں
ایک کتاب ہے
اس پر میرانام لکھا تھا
اپنے نام کو کاٹ دیا ہے
اور تمہارا نام لکھا ہے
’’آنکھیں آہن پوش ہوئیں ‘‘ کے
کچھ اوراق ہیں
اس کا خالق۔۔۔۔۔۔۔۔۔
یہ سمجھو ،،، بس یہ بھی پرانا عشق ہے میرا
اس کے لکھے
سارے اوراق کی کھوج ہے۔
شاید۔۔۔۔۔۔۔۔۔۔۔۔۔۔۔۔
میری کھوج میں اب تم بھی شامل ہوجا ؤ
The LZu Dancer
میری پسند یدہ یہ کہانی
مجھکو تمہیں سنا نی تھی
اس کا خالق
یاسوناری۔۔۔۔۔۔۔۔۔۔۔۔
اس کی تحریروں کے عشق میں
تین سال تک جا پانی لفظوں کو سیکھا
عشق کہویا پا گل پن۔۔۔۔
اس بے ربطی سے عشق رہا
اس عشق میں سب برباد کیا
اب ہا تھ سنے ہیں مٹی میں
اور چا ک پہ ڈھلتی سو چیں ہیں اطراف مرے۔
اب ایک نئی بے چینی ہے
اک سوچ کو چاک پہ ڈھلنا ہے
اک پیا لہ ابھی بنا نا ہے۔۔۔۔۔
لیکن یوں ہے۔۔۔۔۔۔۔۔۔۔۔۔۔
اس پیالے کی جو مٹی ہے۔۔۔۔
وہ مٹی پا ل لگائی ہے
اس مٹی کو۔۔۔۔۔
ست رنگی چھب میں گوندھنا ہے
وہ پیالہ تم کو بھیجنا ہے

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *