Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » وقت نابینا ہے ۔۔۔ احفاظ الرحمن

وقت نابینا ہے ۔۔۔ احفاظ الرحمن

وقت رُکتا نہیں
سانس لینے کو دَم بھر بھی رُکتا نہیں
اُس کی آنکھوں میں آنسو نہیں جاگتے
اُس کے ہاتھوں میں خوشبو نہیں جاگتی
وقت رُکتا نہیں

زرد پتّوں کا غم بانٹنے کے لیے
وقت رُکتا نہیں
وہ پگھلتا نہیں
کوئی منظر اُسے روک سکتا نہیں
چیونٹیوں کے لبوں پر لرزتی ہوئی
نیم جاں سسکیاں
زخم خوردہ پرندے کی بے کس زباں
تتلیوں کے دلوں سے بچھڑتا ہوا
آرزو کا جہاں
گھاس پر رینگتے ننھے کیڑوں کی آنکھوں میں
لرزاں جہاں
نوحہ خواں زندگی، گُم شدہ بستیاں
کوئی منظر اُسے روک سکتا نہیں
وقت رُکتا نہیں
خوش اداآرزوؤں کے سب مقبرے
سبز خوابوں کی دھڑکن کے سب مقبرے
سامنے ہیں، مگر وقت رُکتا نہیں
اُس کے ہاتھوں میں خوشبو نہیں جاگتی
اُس کی آنکھوں میں آنسو نہیں جاگتے
وقت رُکتا نہیں
وقت نابینا ہے

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *