Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » نعت رسول مقبول ؐ  ۔۔۔ محمد رفیق مغیری

نعت رسول مقبول ؐ  ۔۔۔ محمد رفیق مغیری

تھئی نا م احمد مثل شہد شیریں
ٍ تھئی زیارتا باز دل مئیں زہیریں
موسم مدینہ ئے باغ وبہاریں
دوذانظر کھئے گل وگلزار یں
کل چیترو ایذا موسم چھیاریں
وش گواث کھشوں گومسکا اواریں
تھئی دربار مدنی چھکر بے نظیریں
تھئی زیارتا باز دل مئیں زہیریں
ایذا گواریث شف روش رحمت خدائی
تحفہ سلام ئے رسوں بے بہائی
درود ئے مسلماں کھنوں خوش ادائی
تھؤ مئے شفیع اے کھنے مئے بھلائی
تھئی محبتا مومن ئے دل اسیریں
تھئی زیارتا بازدل مئیں زہیریں
تھئی حسن مولا باز بے حساویں
نوریں خدائی آں لاجوا ویں
تھئی حسن ئے تعریف عملیں ثواویں
تھئی صفتاں کھنغ وث خدائی کتا ویں
آں تھئی غلامیں آں شاہ شیریں
تھئی زیارتا باز دل مئیں زہیریں
نویؐ آخری اے تھوے رب جانی
توے سرس کلاں نئے تھئی مثل ثانی
کھثئے ماہ کھوٹغ کشف تھئی نشانی
تھئی کل خلقتا ونڈژی مہربانی
آدم باغ ئے تھو درشکئے کبیریں
تئی زیار تا باز دل مئیں زہیریں
تھئی نورا شہ بیثا مدینہ منور
دنیا ئے گہین ایں اے گبندِ اطہر
نام تھئی وشیں چھو تسنیم کوثر
یادیں منا اے شف روش اکثر
دیثیں رفیقاؔ شالا دل پزیریں
آں روضائے اطہر تھئی بے نظیریں
تھئی زیارتا باز دل مئیں زہیریں

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *