Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » نثری نظم ۔۔ خراجِ تحسین۔۔۔ نور محمد شیخ

نثری نظم ۔۔ خراجِ تحسین۔۔۔ نور محمد شیخ

عبداللہ جان جمالدینی صاحب (94ویں سالگرہ کے حوالے سے ،ماہ تاک ’سنگت ‘ کے سرورق پر ، محترم عبداللہ جان جمالدینی کی تصویر دیکھ کر۔ ایک تاثُر)۔

افضل انسان
عبداللہ جان

تازہ فوٹو دیکھا
پُر نور چہرہ دیکھا
احساس مُسرت سے
دل باغ باغ ہوگیا
ذہن میں بہار کی ہوا چلی
رگ وپے میں پھول کھِل اُٹھے
وجود نہال ہوگیا
اور فضا میں
قوس وقزح کے رنگ بکھر گئے

عبداللہ جان جمالدینی :
ایک مثالی زندگی کا سفر
عوام دوست علم ودانش کا سفر
اقدارِ حیات سے پُر مایہ
اظہار خیالات کا سفر
اور ترقی پسند شعور کا سفر

عبدللہ جان جمالدینی:
ایک باغ وبہار شخص
جس نے محبتیں پھیلائیں
آگہی کا اجالا پھیلایا
اپنی دھرتی پر
عقلیت اور رواداری کے
چھاؤں دار درخت اُگائے
اور احترامِ آدمیت کا سبق پڑھایا

سر زمین وطن کی
سرزمین وطن کی
آنے والی نسلیں
اپنی زندگیوں میں
مثبت تبدیلی کے لیے
اپنے پس ماندہ سماج سے
گُھٹن دور کرنے کے لئے
جب ، قلم وکتاب سے
سچی دوستی کریں گی
اور جہد حیات کی
روشن راہوں پہ چلیں گی
تب، یقیناً،وہ
عظمت انسانیت کے مینارِ نور
ماما جمالدینی کو
دل کی گہرائیوں سے
یاد کریں گی

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *