Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » میر گل خان نصیر او ہستیں عہد ۔۔۔۔۔ مسرور شاد

میر گل خان نصیر او ہستیں عہد ۔۔۔۔۔ مسرور شاد

بلان بیت دیر نہ انت بانگواہ
یلیں نی بیل بنت آگاہ
روان بنت درکپنت بن گاہ
شہ دشت و کوہ بنے دُلگاہ
بلان بیت سکّہ لالانی
گلیں ڈیواشمالانی
میر گل خان نصیر او استیں حالاتانی بشد ر ا اگہ بچارئے نہ بلوچ راج ءُ بلوچ سر ڈ گارا راہد ا وند ئَ پما نیا مت بکشاتگ انت کہ آدگہ دنیا ئے راجانی تہا گندگ نہ بنت ۔ جی ہﺅ ! میر گل خان نصیر یکیں وختا شائر ، لبزانت راجدپتر نولیں، تا کار ، سیاستدان او یک رژ نا پگریں رہد ربرے اَت۔ او آئی شائری ئے ہر بندو ردانک ئِ ہر لبز و ہر ٹکّر کہ چھاپ بوتہ او دیما آرگ بوتہ یا کہ انگہ چھاپ کنگ ودیما آرگ لوٹیت اے گپّ ئِ مانزمان انت کہ میر گل خان نصیر انقلابئِ اوّلی سرپ و لڑ ئِ مردمانی اِمام انت ئَ آدرد کہ گل خانا شہ نوشکی ئِ سر زمینا دستا گیپت ءُ کدی دیوان و مراگاہانی براہ و شرپ ےے جوڑ کنت و کدی قلی کیمپ، کوٹ لکھپت و ساہیوال بندی جاہانی ندارگاں پیش داریت۔ آدرد کئی انت ؟ آدرد منی انت ، تئی انت ، منی و تئی پد منتگی و ناونتگی ئِ درد انت بلکیں بلوچ راج ، بلوچستان و تیوگیں دنیا ئِ لگتمال و ظلم آماچیں انسانی درد انت او ہمے درد ئِ سوز مان و مارشت انت کہ گل خان نصیر روتاک نوائے وطن و استقلال ئِ یک یک تاک ئَ پہ بانک گوہر ملک دیم دنت تاکہ آوت بواینت او سر بد بیت و وتی چاگردئے زالبولاں ہم بوانین ایت و سر پد بکنت تاکہ مئے چاگرد ئِ مردیناں ہوار زالبول ہم زانتکار ببنت او وتی اوبادگ و پد ریچ ئِ رھشونی ئَ کرت بکن انت۔
گل خان نصیر ئِ زند ئِ مستری بہر بندی جاہاں گوست او زند ئِ ہمے بہر ئِ باروا گوہر ملک وتی گلگرارے کہ واجہ یوسف گچکی ئَ گپتہ او واجہ اے ۔آر ۔ داد ئِ نز آﺅ رتگیں کتاب” نیا د ئِ بہار گاہ “ ئَ ہوار انت ۔ کتاب ئِ تا کدیم لبر166 ئِ سوجے ئِ جواباگشیت کہ ۔
” ما دگہ ہجی نزانت بس ہمیش دیست کہ ہر کسی پس ساڑی انت ءُ مئے پس ادانہ انت ءُ پرچا ادانہ انت۔ ما کہ وتی نا کو ءُ ایدگہ سیاد ءُ آزیزانی زہگانا دیست کہ آوان گوازی ئَ پد وتی پسانی زاں سراں سرا یر کرت او پس آن پہ مہر آوانی سرا دست مُشت تہ چوشیں ساعتاں پس مارا سک یات کات ۔ وختے ما مستربوتیں تہ مار مار اِت کہ پس ایوک ئَ مارا نہ بلکیں تیوگیں بلوچ راج ئَ وتی زہگ لیکھ ایت و مرچی اگاںمنا کسے زانت و دوست داریت گڑاپمے ہاترا کہ آ ایوکا منی پس نہ ات او اگاں منی جند ئے پس ببوتیں تہ نہ منا کسے ئَ زانت ءُ نئے کہ گل خان نصیرئَ “۔
ایش اَت گل خان ئِ پگر ، دل سہتگی ءُ نا مداری ئِ راز اگہ گوہر ملک ئَ پہ وتی پِس ئَ زہیر کنت ءُ آ ابسوزی ءُ بژنیگ انت بلیں گل خان نصیر زندان و بندی جاہاں ہم وتی راج و سرڈ گارو دوست و آزیزاں ہم بے حال نہ انت و وتی شئیراں چے گشیت ۔ کمّو دل گوش لوٹیت۔
تسلاّیاں دیاں چُکّی ءُ پیاساں دل گنوکین ءَ
برے چو پارگ ئَ لرزیت ، برے کوشتیت بے سار ئَ
غم ءُ درداں جتائی ئِ دل گوں تاب ءُ پیچان انت
جنان انت مں دل ئِ بندں منی ڈنگاں چو سیا ہمار ئَ
زہیراں گوں سہرگوات ئَ دل ئَ تلو سّگے داتگ
گرانیں زرتگ اومانے دل ئَ پہ دوست ءغم خوارموار ئَ
اگہ پگری حوالہ ئَ بچارے کہ گل خان نصیر کئے انت ؟ گڑا بلوچ راجی سﺅت ”ماچکیں بلوچانی“ ئِ شئر ءُ سرخیلیں استاد عبدالمجید گوادری وتی گلگدارے ئِ تہا گشیت کہ !
” گل خان نصیر ئِ وش بھتی انت کہ آئی چار زبان زانت ءُ چارین زبانانی تہا شائری کرت۔ شہ ایشی ابید آسکیں نامداریں سیاسی ءُ قومی سرو کے بوتگ ءُ پہ قوم ئَ جیل بوتگ ، تکلیف ےے کشّ اِتگ پمے ہاترا آئرا یک مزنیںشائرے ئِ منزنیں سیاسی سرو کے ئِ حیثیت ئَ عزّت ءُ احترام رستگ“۔
پابندی جنوک ئَ را معلوم نہ انت کہ ہما چیز کہ آئی سرا پابندی لگ ایت ۔ آئی لوٹ گیشتر بیت ءُ آئی قدر ءُ کیمت یکے صہ صد و دیت ۔ آ پہ پابندی خئبگ ئَ پہر بندیت ءُ ما گلا بال ایں کہ ما ہما مردم ئِ اوبادگ ءُ پد ریچ ایں کہ آشہ ریاست و سرحدانی گر و دار و پابندی آن برز تر انت او تیوگیں دنیا ئَ وانگ بیت ، پہمگ بیت ، نبیسگ بیت پجّہ آرگ بیت او گل خان نصیر وتی شیئر ے تہا اے وڑیں عمل آن نیکیں پال حساب کنت چوشہ۔
موجانی نصیر نیک پالی
صحبی یات کنت تئی نام ئَ
ترنذاںبنت گروک پکرانی
زنداں روک بیت الہام ئَ
گل خان نصیر ئِ زند ئِ یک دلگوش کرزیں تکّ ےے ایش انت کہ آئی انقلابی و سیاسی ءُ تحریکی پگر ئِ سببا بازین ئِ ہیال انت کہ گل خان نصیر مہر ئِ شائری نہ کرتہ ءُ بازین ئِ ہیال انت کہ آئی شائری ئِ تہا لال ئِ دلبریں بالاد ، چم ءُ پونزءُ لنٹ ءُ زلپانی سپت ءُ ستا کم انت بلیں گل خان نصیر ئِ چیزے انچیں شیئر است کہ شہ آوان زاہر بیت کہ اگہ گل خان نصیر ئِ مہر پہ راج ئَ بوتہ ، وطن ئَ بوتہ بلیں آئی وتی دوست ہم دلانہ بُرتہ ءُ پہ گوم ےے نازنبتہ
چوشکہ
منا بوجہ سمین ئَ بیت ، کجئے مِسک ءُ زبادانی
مشیت انت کنلیںزلپاں ءُ سیاہیں بیکّ ءُ گیوارا
دگہ جاہے گشیت کہ !
من چو مرید ءَ پُل گدیں سر پہ پکیری کشّ اتگ
آ چو کہ حانی درمگوریں ماڑی ئَ نِشتگ چاکری
او شتنت ءُ چار انت مہوش ئَ حور ءُ پری ءُ پریشتگاں
دلبر پہ دمانی بہار لڈّیت چو کبگ ءُ کوتری
یکیں اے نہ بلکیں دگہ انچیں شئیر پہ مثال است انت کہ :
پیغام دلبریں مہتوس ئِ
نوداں چہ رچنت گوربام ئَ
پکرانی جہان وادان بیت
وش روئیں کج ئِ اِکرام ئَ
یا کہ
بہشت دید ءُ دوزہ جتائی انت تئی
گنوک بیتہ مُلا دگہ وازکنت
کجا ہوش مانیث ، کجا بیت سار
بِر آدست ءُ دیماں کہ گراں نازکنت

 

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *