Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » میرگل خان نصیر ۔۔۔۔ ضیاشفیع

میرگل خان نصیر ۔۔۔۔ ضیاشفیع

منیر بادینی گوں ارسیں چماں میر گل خان نصیر ے زند و آئی کردے سرا گشتانک دیگا ات۔ نوشکی سیکرٹریٹ ہال شہ پر وابیں زانتکاراں کیل انت۔ ۔۔۔۔

گل خان تو نوشکی ے سرمگیں ہاکے تہا پرچا نہ شتے۔۔۔۔ گل خان تو ۔۔۔ تو شہ کوہا جپ چیا نہ جت۔۔۔۔ گل خان تو پہ وت دگہ راہ و رابندے چیا در نہ گپت۔۔۔۔ گل خان تو پہ وتی گسءچے کرت۔۔۔ بگش منا ۔۔۔۔ پہ وابیں راجا بوت کنت تو باز کرت بلیں تو پہ وتی۔۔۔۔ گوہر ملک و گل بانو چے کرت۔۔۔۔۔تو پہ وتی مہروانیں گہارا چے کرت۔۔۔۔۔ تو وتی گسءبید ارسءدگہ چے دات۔۔۔۔ ہچ نا؟؟؟؟؟ ۔ دیوان خاموش ات۔ ہرکس پہ وت حیراں ات کہ منیر بادینی چے گشگ لوٹیت۔ آ چیز کہ منیر بادینی ءگوشگی ات آئی گوشت۔ ۔۔۔ گل خانءپہ وتی گسءچے کرت؟؟ اے یک انچیں سوجے کہ ایشی ے جواب منا ترا دیگ انت۔ چیا کہ گل خان یک فرد نہ بوتگ۔ بلکیں گل خان یک فکرے۔ یک ادارہے۔ یک تحریکے ۔ گل خان یک انچیں منزل ے نامیں کہ آ وتی نام وتی زانت وتی فکر وتی راھبند وتی دود وتی زبان و وآگہی وت ایں۔ گل خان و آئی فکر نہ زی کسی محتاج بوتگ و نہ مروچی ایں زردوستیں عہدے محتاج ایں۔ ۔۔۔ گل خانءمچی کدی نہ لوٹتگ۔ بلیں گل خانءعمل ے سکین داتگ۔ وانگ و زانگے سکین داتگ۔۔۔۔ منیر بادینی ے وتی گشگیں کہ گل خان کہ وھدا منا دیستگ گڑا بس ہمے پنتے داتگ۔ بوان ۔۔۔۔نوکری کدی نکنے    ۔

پدامروچی اے سرجمیں سالے آسر بوھگا پد من ہمے سرپد بیاں۔ کہ او کہ اے سرجمیں سال میر گل خان نصیر ے ناما کنگ بوت و بازیں سیمینار و ساز و زیملی دیواں جم دارگ بوت۔ جائیا گوں سروزاں نازینگ و جائیا گوں نورل ے توارا۔ جائیا ہوٹل گوں گل خان ے عکساںدولدار کنگ بوتاں و جائیا زانتے جا نازینگ بوتاں، جائیا درا شاعر یکجا کنگ بوتاں و جائیا ہارون شیخ ے توارا گل خان ے شعرانی نوار کشگ بوت۔ کہ آئی گل خان ے مبارکیں لبزاں گوں بے حرمتی کرتگ۔ پدا ہم درا جانکش کشگا آن کہ ہما گل خان ے حق ادا کرت۔ بلیں حقیقت ءبچارے گڑا سرپدیں مردم ہمے زانت کنت کہ گل خان و آئی جہد و فکر نہ سیمینارانی محتاج ایں نہ کہ دگے۔۔۔ پدا اے سیمینارے کنگ، کتابانی چھاپ کنگ اے ہما ادارہانی کار انت کہ آ پہ زبان ادبءجد و جہد کنگا انت و دیما ہم کن انت۔ بزاں سرکاری حوالہ ہچ نہ بوتگ۔۔۔ منی خیالئ ۔

گل خان نصیر آئی فکر و آئی جدوجہدے حق ہما وھدا ادا کنگ بوت کہ گل خان ے ناما یونیورسٹی، کالجز و ادبی ادارہ پچ کنگ بوتیں۔ گل خان ے ارواھ ہما وختءتاھیر رست کرت کہ گل خان ے ناما لائبریری پچ کنگ بوتیں۔ اے سیمینار اے ساز و سروز اے مشاعرہ چے دردے وارت کناں۔ بلیں سال سرجم کنگی ات۔ پہ ساز و سروز پہ دروگ و دراج ، پہ ورگ و چرگ۔۔۔۔۔ جوان بوت کہ جلدی آسر بوت۔۔۔۔ اے سال ہم لاتیں مردمے گشگے پدا سک دراج ات ۔۔۔۔ ادا بکن اودا بکنانگہ ہلاس نہ بیت۔۔۔۔ جوان بوت کہ شت ہمے جان و چٹ ات، سک باز نقصان ہم بوت ۔۔۔۔ بلیں نام و پجارے داتے کہ من ۔۔۔۔۔۔۔۔۔۔۔!

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *