Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » مستونگ….ظفر معراج

مستونگ….ظفر معراج

(تمام تیزاب متاثرہ خواتین اور بچیوںکے نام)

سنا ہے روند ڈالا ہے

خدا کے نام پہ تم نے

نئے موسم کے پھولوںکو

خبر پہنچی کہ ایماں نے

چمن کے خوبرو چہرے سے

خوشبو نوچ ڈالی ہے

صداآئی کہ تتلی کے

دھنک رنگوں پہ

کالک پھیر دی تم نے

تمہاری چشمِ غیرت سے

کوئی پتا نہیں ہلتا

تمہارے رعبِ وحشت سے

کلی کھلتی نہیں کوئی

تمہارے زورِ بازو نے

جڑوں تک کھود ڈالا ہے

ہوائیں رقص کرتی تھیں

وہاں پہ دھول اڑتی ہے

تمہیں کیا نام دوں بھائی

تمہارا کیا تعارف ہے؟

یہاں کے تم نہیں لگتے

کہاں سے چل کے آئے ہو؟

بہشت پانے کی لالچ میں

میری جنت جلاتے ہو!

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *