Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ماما خدائیداد صاحبی ۔۔۔ نوشین قمبرانی

ماما خدائیداد صاحبی ۔۔۔ نوشین قمبرانی

خَستہ حال کمرے میں پڑی اک چارپائی پر
تمہارا زندگی کے قد سے بھی اونچا سراپا
سامنے میرے پڑا تھا،
ہنی لوشن سے پاؤں چرپ کرنے کو
تمہارے پَیر اپنی گود میں لے کر جو بیٹھی
یوں لگا جیسے
تَپِش سے زندگی کی لَوئیں اْٹھتی ہیں۔

جو اب بھی جِھلمِلاتی ہیں
اْنہی اَشکوں کی لڑِیاں ہیں،
جو تیرے لَمس کی گرمی سے میری
سرد۔رنگ آنکھوں کی کالی کوٹھڑِیوں کے
دَر و دیوار چَمکانے کو اْترے تھے۔
جہاں پر سْرمئی سائے
زَماں کے دائروں سے چْھپتے پِھرتے تھے۔

مگر وہ لَو یقیناً زندگی کے خواب کی لَو تھی
کہ اْسکے بعد جینا اسقدر آسان تھا
کہ زندگی کے کرب کا چہرہ
میں اپنے ہاتھ میں تھامے
تمھارے راستوں کے رنگ و آہن سے
سجاتی ہوں۔

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *