Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » ماث ۔۔۔ میکسم گورکی/شاہ محمد مری

ماث ۔۔۔ میکسم گورکی/شاہ محمد مری

مزدورانی میتگہ ئے دوت او لیغاروئیں آزمانئے تہا فیکٹری ئے تُو تُو آ ہر ردش لڑزینوخیں گُرہاٹ کث۔ غم جث و بیزاریں انسان تننگا ساہی دیو کیں وہا واژہ سیر نہ بوت انت کہ تُو تُو ئے ہمے واہو آ ہاغہ کث انت۔ آں وثی کسان کسانیں گپوئیں لوغاں ژہ ہژ مبثغیں جو جو آنی ڈولا در کپتنت۔ آں ساڑت و تہاریں ساہتا کچائیں سڑکہ چکا فیکٹری ئے ہماں بڑز و کوہیں ماڑی پلو ہ سرگپت انت کہ لا تما او ہشکیں بے پرواہیا گوں آنہانی ودار ا اث، او وثی بے اشماریں چیار کنڈیں کھڑکیانی روغن ایں چماں گوں سڑکا روژنا کنغایث ۔ آنہانی پاذانی شیرا گپ و آف چیتاڑے جیغا ثنت۔ آنہاں وثی وہاوینگیں گرائیں توار ا گوں واہو داشتنت، زا او گیثئے ہلجا آ گوں ڈیھ پہ سر ا زُرت ۔ وثی واہو چیکا پجی پجیا آنہانی گوشاں دوہمی لواہم کاتکنت۔ مشینانی کوجھائیں ژڑونگھاٹ اوبھاپ ئے کفشکاٹ۔ فیکٹری ئے دراژ و سیاہیں دو د کش ( چمنی) سوٹایانی ڈولامیتگہ چکا ہژ مبینوخیاڈولواث۔
روش ٹبالوغانی کھڑکیانی اندر امنتغیں ساکہ دیثنت تو فیکٹریاوثی کوہیں سغند انا ژہ مردم ہمنگا چغل داثنت چوکہ آں بس لیغارثنت۔ ہماں مخلوک اغدہ سڑکانی چکا کاتک ۔۔۔۔۔۔ گریسا تر بڑ او چرپیں سیاہیں دیماں گوں۔ آنہانی شذی ایں دتاں جلشکثنت او آنہانی جانا ژہ مشینہ تیل ئے بدیں بوکاتک ۔ نیں آنہانی توار زیات تازہ ات، جوش او مستاگا پرات۔۔۔۔۔۔ کہ یک دگہ روشے ئے کار ہلاس بیثہ ، او لوغہ نغن او واب آنہانی ودار اتنت۔
روش فیکٹریالوہڑ ثہ، مشیناں مزدورانی ہون وثی گزر ئے کچاپرنچتگت ۔ روشانا شیکیں نشانی اے دہ نہیشتہ او جھیثہ۔ او انسان وتی قبرہ نیمگایک دگہ گامے آ ودھثہ۔ بلے نوں ہریکے آرام ، او دوتا پریں شراب خانہ ئے چسانی ہیل منداث، ہمے حاطر ا دل اش وشثنت۔
سنڈے او موکل ئے دوہمی روشاں آں صحبہ دہ بجہ آ داں وپتنت او گڑہ پیرنڈ او ، سیر و لوغی مرداں وثی پاک او پلگاریں جر، جانا کثنت او عبادتا شتنت۔ راہا ورنایانا مذہبا ژہ دوری ئے سر ا بد و رد گوئشتش۔ عبادتا رند آں لوغہ کاتکنت، ہاخے پرے وارت اش او اغدہ بیگھاداں وپتنت۔
سالانی مانغانیاں اوار بیثو آنہانی شُذچٹ ختم کثغث۔ ہمے سببا آنہاں شراب واریا گوں شذہ گیش کنغ ئے گوشست کت او ’’واڈ کا ‘‘ ئے تہلیں ڈَنگ او کنٹغاں گوں وثی لاف عذاب کث۔
شفاں سیلہ درکپتنت۔ ڈغار ستر ہشک بیثے گڑہ دہ ہر کسے آ گوئر کہ ہور ئے ربڑیں چوٹے استہ، پاذہ کثنتی او ستر روش درکپتیا بیثے گڑہ دہ ہر کسے آ گوئر ہورانی سر سائے استث زڑتی۔
آپتیایکو فیکٹری، مشین او فورمینانی پچار کث اِش ۔ آنہانی سجہ ایں مجالس وثی زیند او کار ئے بارہاات۔ کزینہی وختے، مژاروئیں خیالانی رولوئیں چڑنگ آنہانی زیندھئے بے رنگ او بے کیفیں یکسانیتہ تہا ٹمکث انت۔ لوغہ کاتنت تو وثی زالاں گوں اڑثنت او چماٹ و ڈانگاں گوں کٹ اثنت اِش ۔ ورنا شراب خانہا شتنت یا وثی سنگتانی لوغاں ۔ ہارمونیم ، وجینت اش ، بے وزنا کوجھائیں شیر جثنت، چاپ او دھریس کث، زاگیث کث و مست بیت انت۔ پچے کہ آں گرانیں پورہاتاں مانیت او ٹکرٹکر کتگ اتنت ہمے حاطرا یک دم نشہ آ گپتنت، او یک عجب ایں نازانتیں ڈکھ اے ءَ آنہانی ڈوبراں پشومانی اے ودی کت کہ درا در کفغ ئے راہ پولثی۔ ہمے سببا آنہاں تسلا دیگ موقع دہ یلہ نہ داث ، او کستریں ٹوکانی سرآنہاں رسترانی ڈولایک دوہمی سرا اُرش کرت۔ آسر، اے بیث کہ ہوں ریشی بیث۔ بازیں وختاں ہمے مڑائیاں بازیں مردٹپی بیث انت او وختے وختے تہ کشت و کوش دِہ بث۔
آنہاں آپتیا دِہ کست او دژمنی ئے سیادی داشتنت۔ او ہمے ٹوک ہمکر کہن اث چو کہ آنہانی ہڈ و گوژد ئے دراہ نہ ویوخیں مانغانی کہن اث۔ آں روح ئے ہمے نادراہیاپجیا پیدابیثنت کہ شہ پث و پیرکانی پلوا میراتی رست اِش او تہاریں سائے ڈولا داں مرگا ہمشانی سنگت اث او شمانہاں ہمنگیں کارکنائیں تنتی کہ آں وثی احمق ایں بے رحمی سببا سک قابل نفرت معلوم بیث انت۔
سنڈے آں موکل اث۔ ورنا شفا دیر گڑت کاتکنت۔ ۔۔۔۔۔۔ پُچ دڑتیا، سرداں پاذاں ہا خاں ہا خولی کثیا، گپاں لڑثی آ ، چم سیثی آ، پونز ا ہوناں چریناناں۔۔۔۔۔۔ آں وختے وث گلائی آ کناناں کاتکنت او وختے وثی بے عزتی سرا مونجھا ، زہرن او گریواناں کاتکنت۔ آں نشہ آ گپت مست او ، بزگ او، درپد رکثنت۔
بازیں وختا ں ماث او پثاں وثی بچ کہ نشہ آ بے سدھی آ شراب خانہ ای فرشے چکا ، یا دیوالے سایا کپتی آ دیثنت او لوغہ کاڑتنت تو زہر گپتنت او بد و رد گوئشتش ، بازیں شراب واریاں ژہ نزور بیثغیں آنہانی جان باز کٹث اِش او فکر مندیا گوں کٹہ سر ا واپینت انتش ۔ بلے ہمے زہر بس صحبا داں بیث چے آ کہ کارخانہ ئے تُو تُو ئے چینہاٹ پذی شف ئے ڈوبر ا راسیاہیں لیکے ڈولا چیراناں اندر اپیھ اث تو آں یک دم ہاغہ کنغ بیثنت۔
بلے ورنایانی مڑائی او شراب واری یک حقیقتے ڈولا ہر کسامنثغ اث ۔ پچیکہ پث وثی ورنائی وختا دِہ ہمنگا مڑ ثنت او شراب وارت و انوش بیثنت۔ او آنہانی ماث و پثاں دِہ آں ہمے رنگہ جت او کٹ اثنت۔ زیندھ ئے رنگ یکو ہمش اثنت۔ زیندہ سالانی سالاں ہمے لڑدیں کور ئے ڈولابہنداث ، مدام مدامیا، یک بھیری آ ۔ ہمے یک بھیری، یک رنگی ئے عادت کہ پاڑ اِش باز ڈونگھا او استور اثنت، ہمک چیزانا تکڑائیایک ہندے آ بستیا یث۔ ہچ کسے اندرا کسترڑوئیں واہگے ہم نہ اث کہ ہمے زیندھہ لافا تبدیلی ئے بیار ی۔
وختے وختے دوہمی ڈیہاں ژہ نوخیں مڑدم پہ ساہڑغا فیکٹری میتگا کاتکنت۔ اول اولا نوخ آہتگی سببا مہلوکہ آنہانی نیمگا دلگوش کت، بلے پدا ہمے توجہ ساڑت بیث او چھڑو دوہمی جاگہانی ( کہ اوذ ا کارکث اش) قصہانی سببا چیزے دلچسپی برجاہ داشت۔ بلے ہمے نوخی زوت ہلاسہ بوت۔ مخلوک ولدہ بث او ہمانہانی نیمگا دلچسپی کُٹ اث۔ نوخ آؤخانی ہبراں ژہ سہرابث کہ پوریاگرانی زیندھ ہر ہندے آ یک وڑاانت، او اغہ ہمے ہبر راست اث تو گڑہ پہ کنغہ چے ٹو کے سرہ کیث؟۔
بلے ہمے نوخ آؤ خاں کڑدے ہمنگیں ٹوک کثنت کہ پہ میتگ والایاں نوخ اثنت۔ بحث تہ کسہ نہ خث بلے ہما نہانی ٹوک گوں شکا اش کث اش ۔ کڑدے ہمے ٹوکانی سرا بے سببی آ زہر گپت ۔ کڑدے ہمے ٹوکاں ژہ ہژ مبث ، او کڑدے آ امید ئے نا شیکیں لا نٹے اندراخطرہ کپت۔ او ہمے سببا آنہاں انگت زیات شراب واڑت کہ ہمے ناوشیں خطرہاں دلاژہ کشتہ بہ کن انت کہ زیندہا انگت زیات پیچیدہ ٹاہین انت۔
میتگ والایاں اغر نوخ آؤ خے لافا شک مندیں ٹوکے دیستیں تو دیرداں ہمے ٹوک وثی دلہ داشت اش ۔ آں ہر ہماں مرد ا ژہ خبردار بیثنت کہ ہمانہانی جندہ ڈولینے مہ ویثیں۔ بزاں خطرہ اث اش کہ ہمے مڑد آنہانی زیندھئے مونجھائیں یک بھیریں باقاعدگی آ لوڑگوڑ کنت۔ چیا کہ آنہانی زیندھ ستر کہ ڈکھیا اث بلے کم از کم خاموش او چپ چاپ تہ است اث۔ آنہاں عادت بیثہ کہ زیندہ بلاّں ہمے یکیں بھیراآنہاں ویلاں داث ۔ او پچیکہ آنہاں جوانہہ ئے ہچ امید نیست اث ہمے حاطر ا آں پک اثنت کہ ہر تبدیلی اے آنہانی ڈکھاں گیشہ کنت۔
آنہاں چُپیا شماں مڑدہ چمہ جث کہ نوخیں پکرے پیش داشتی ۔ ہمے سببا نوخ آؤخ موڑی سرشموذاں شتنت۔ اغر کزینہی کسے مہ شتیں او ہمید ا کار کثینی تو یا تہ سو کا سوکائی دوہمیانی ڈولہ بث یا گڑہ شما نہاں جتا او تنیاوثی زیندھئے گوازینغہ شروع بث۔۔۔۔۔۔ اندازاً پنجاہ سال ہمنگیں زیندہے گوازینغا پد مردم مڑت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *