Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » قلم خاموش انت ۔۔۔ ثناء سیاہ پاد

قلم خاموش انت ۔۔۔ ثناء سیاہ پاد

کوریں چمّئے اَرس
گنگیں زبانئے پریاتاں
نزورو نازانتئے راھشونی
راجئے باندات ئے رنگ وژنئے
گریب و لاچارو بزگرانی
شہ بیوسی آ
شہ بیکسی آ
کپنت ھر روچ جون شہر ا
تراک انت و تیرگواری
ھزاراں بچّ بیگواہ انت
ایدنیا زندانے دروشما انت
کئے اے گما انت
راست دروگا بدل بوان انت
زلم ئے داستان گل بوان انت
اے ھیسکگاں ھچ کسے نہ اشکیت
کدیں کٹیت اے شپ تہاریں
کدیں بانداتئے بام درپشیت
کدیں جہدانی درچک بر کنت
اے ترس و بیمارا چیرو سر کنت
کہ گْنگ انت مارشت و واجہ مرچاں
یا چرپیں نانے بہا پہ شامی
یالہتیں کلدارئے اوستا اے وڑ
چم پَچیں کور انت
گوشی ایں کر
لبز لوٹیت
نبشتہ کئیبے کنت
اے سنگ اَنت انسانیتئے قبرا
قلم چو خاموش انت پرچا

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *