Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » فیس بک کا موت سے رشتہ ابھی نیا ہے ۔۔۔ ثروت زہرا

فیس بک کا موت سے رشتہ ابھی نیا ہے ۔۔۔ ثروت زہرا

موت نے کو ئے ابد سے آکے
خاموشی سے
ٹائم لائن پر جگہ بنا لی
آئکن ۔۔۔ اپنی شکل پہ رکھے
جذبوں کی تصویر بنانا بھول گئے ہیں
ہند سے۔۔۔۔۔۔
لامتناہی گنتی گننے چلے گئے ہیں
جلتی بجھتی تصویروں کے سب انگار ے
راکھ میں ڈھل
کراسسٹیٹس کو ڈھانپ چکے ہیں
حرف کی دھڑکن
گوندھنے والی
ساری گرہیں ۔۔۔ اک اک کر کے کھلنے لگی ہیں
ماتمی دف پہ ساری
سطریں ناچ رہی ہیں
پروفائل ا ور البم کی ساری تصویریں
دم سادھے حیران کھڑی ہیں ۔۔۔۔
جذبوں کے تالاب سے
ہلچل کھیلنے والے
دل اور آنکھیں خاک ہوئے ہیں
خوابوں کی اعصابی لہریں
انٹرنیٹ کی حد میں نہیں ہیں
شعر کے مصرعے موت کے منہ میں
گھونگھے ڈالے بول رہے ہیں
موت جرس کے آواز ے نے
فیس بک کو گھیر لیا ہے
مگر ابھی تو
فیس بک کا موت سے
رشتہ بہت نیا ہے ۔

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *