Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ عاصمہ طاہر

غزل ۔۔۔ عاصمہ طاہر

شام دل کو بجھائے جاتی ہے
تیری باتیں سنائے جاتی ہے

یہ اداسی بھی خوب صورت ہے
مجھ کو رنگیں بنائے جاتی ہے

رات کی آنکھ سے اسے دیکھو
کیسے منظر دکھائے جاتی ہے

ایک لمحے کی روشنی مجھ میں
ایک دنیا بسائے جاتی ہے

کتنی گھمبیر ہے یہ تاریکی
میرے اندر سمائے جاتی ہے

ہجر کی شب ھماری جانب کیوں
دیکھ کر مسکرائے جاتی ہے

زندگی بے وفا سہی لیکن
ساتھ پھر بھی نبھائے جاتی ہے

آپ تعبیر جانتے ہوں گے
چاندنی بوکھلائے جاتی ہے

زندگی لاڈلی سی شہزادی
میرا آنچل اڑائے جاتی ہے

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *