Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ بیرم غوری

غزل ۔۔۔ بیرم غوری

مختلف حوالے ہیں شب کا مرثیہ ہے ایک
ہم کو اس زمانے سے کون سا گلہ ہے ایک

بھوک، بھوک ہے صاحب جس زبان میں لکھیں
ہم لغت زبانوں میں اس کا ترجمہ ہے ایک

ہے جدا جدا منزل سب سفر نصیبوں کی
ہر طرف سے سورج کا پھر بھی راستہ ہے ایک

کوئی بھی رہے موسم، دن ، زوال کے دن ہیں
صد ہزار ہیں دل کا آئینہ ہے ایک

لوک گیت ہیں جیسے دل کی دھڑکنوں کی دھن
ہجر کی ہواﺅں کا جیسے سلسلہ ہے ایک

غمزدہ ستاروں کے جھرمٹوں کا شہری ہوں
خواب نام کا خطہ، درد منطقہ ہے ایک

تم جہاں کہیں پر ہو، نغمہ و نشاط و کیف
یوں تو بس اداسی ہے یوں تو ہر جگہ ہے ایک

فیض ہوں کہ حمزہ توف مارکس ہو کہ ہو شاویز
گل نصیر کا میرے دل میں مرتبہ ہے ایک

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *