Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ اکرم خاور

غزل ۔۔۔ اکرم خاور

وہ دل میں ہی اترتا جا رہا ہے
تعلق روگ بنتا جا رہا ہے

وہ اقرار محبت کر رہا ہے
میرا شک اور بڑھتا جا رہا ہے

جنوں میں بے وجہ خاموش لہریں
سمندر اب کیوں چڑھتا جا رہا ہے

مرا افسانہۂ الفت ہے جھوٹا
مگر وہ پھر بھی پڑھتا جا رہا ہے

وہ بے خوف و خطر کودا تھا اس میں
مگر پھر بھی وہ ڈرتا جا رہا ہے

قفس پنچھی کو راس آنے لگا ہے
وہ اپنے پر کترتا جا رہا ہے

جو کہنے کو تو زندہ اور خوش ہے
وہ اندر سے ہی مرتا جا رہا ہے

جو ساون کی طرح برسا تھا خاورؔ
وہ بادل اب بکھرتا جا رہا ہے

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *