Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » شہید وکلا کے نام ۔۔۔ مسرور شاد

شہید وکلا کے نام ۔۔۔ مسرور شاد

میں اس جہد و جسارت میں
ازل سے برسرِ پیکار
کہ
تیرے مذموم عزائم سے
جرائم سے
ہٹا کر
سبھی پردے، سبھی پرتیں
مٹا کر
سبھی سودے، سبھی شرطیں
معزز ابنِ آد م کو
مؤقربنتِ حوا کو
تیری زور اکیوں ، چالاکیوں کے بھینٹ چڑھتے
رَوتے آنکھوں،
لال رخساروں
لرزتے ہونٹ
ہراساں چہروں والی آدمیت کو
میں امید او ر دلاسے
میں بس انصاف دینا چاہتا تھا
یہی اوصاف دینا چاہتا تھا
کہ میرا چاگرد ایسا ہو
یہاں دو گز زمیں، روٹی کے دو لقمے
یہاں مذہب، قبائل پر
گریں لاشیں، نہ کھل کے گولیاں برسیں
بلکہ
رواداری ، مساوات اور میٹھی بولیاں برسیں
مگرافسوس صدافسوس
تیری مہربانی سے
میں اب انصاف لینا چاہتا ہوں
میں اب انصاف لینا چاہتا ہوں

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *