Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » شکاری ۔۔۔ نزآروخ : پروفیسر گل بنگلزئی

شکاری ۔۔۔ نزآروخ : پروفیسر گل بنگلزئی

25 دسمبر1967
(خلقی او قصہ اس)
بنوس قِصہ ئِ نی لُمہ او مارنا
ارے عام و گپ اس کناد یارنا

اولیا دتون دوستی پاک ئِ لُمہ نا
راستی نا تہ مونا ہر دوستی خاک ئِ

پّر ک چنا کہ ساہ اُونا ہر دم
بخشندہ چنانا کیک اُودے بے غم

کائک شکار ا ورناس اُراغان
پیش تمک گُڈس لُمہ نا دُعا غان

بغل کیک تو فک تیر و کمانے
دروت لُمہ ئِ کیک ہم ایڑ جانے

ہم زائیفہ غان اِجازت ہلیک ئَ
ہُلیّ ئِ ما میز ہمووخت خلیک ئَ

ارے اُوکہ رائی تینا کسر ا
ہُلیّ تون اوارارے اُوسفر ا

وختان منہ گُڈا یڑے رسینِگک
اوتیس کا ساہدار ہم دم درینگک

تفک ہُلیّ ئِ سر خلپ ہننگ کن
مَش تیٹ کائک اُوگڈ خلنگ کن

خلیسہ پرغیسہ مونی روانے
علاقہ ئِ مُست آن خنانے

آخر ے حد ا اُوہنا سرمس
جٹ اس خاچا تو جان تہ شرمس

کو پہ ٹی شاغا تُو فک نا بندے
ہنے سہ ہُرا کہ گڈا تار ند ے

لگیسہ دڑیسہ خنک تہ توروک
تُوفک نا پٹہ دُوئی پُوروک

خنا کڑدہ اس مُرگڈ ا تاخواہوک
گٹ و تلار نا سختی تے چاہوک

کرے راست تُو فک ئِ تورے تہ دُوٹی
پارے رسینگوا مر خُڑک زُوٹی

اس مُش تاچوچہ لوڈ کرے ہندان
خڑکی آن تہ کڑدہ ترہ کرے گندان

رسیفے دا گند ے تہو مس بہانہ
دُراخا داکڑدہ مس دانہ دانہ

جٹ اس ہموڑے وٹ ٹی اڈالک
دانگ اینگ ہُرا تلارا سے وڈالک

انتیکہ خنا اُودانگ گڈمنٹ اس
چوچہ تلارا تا مُست آن تینٹ اس

سما ہچ متوتہ شوق اٹ ہنے سہ
کنڈا اُومیل تا تلارا لگیسہ

وختس ہُرا اُومونی کووٹے
ہننگنا مونی کسر دنکہ گٹے

خیدس یلہ مس جانان اُونا
مونے خنا خڑک دنکہ اُومونا

سلوک تلارا ہُرا شیف روہے
پارے اُست تہ باتِسُس گوہے

حیران مس خنا کہ تلشپا تلارے
داڑے سرمروکا دیر پا ئے سارے

چُڑط ٹی دے ساروئَ گوڈ خلک
جمراس تہارو آسمان ئِ بس الک

روشنائی ہنا بس شام اس تہار و
اناڑتوں شولنگا یخ اس زار و

خیال بس تہ پارے اینوزِند لاش مس
انداڑ تو ئِ کپ آن تُو بے پاش مس

تُو بے نا خننگتون مون تہ ملنگا
مُونجائی تہ جٹ اس اُستان دڑنگا

تُو بے ئِ چائس اُو تینکن پال اس
انداڑ توجوان و بس اُودخیال اس

کاریم ئِ اُودا پگہ کن اِلاّ
خاچنگ نا خیال آن ہم دُوتے سِلاّ

مُرغن کرے نت تے اُو تو سُ
جمراتا تفنگنا اس جوانی اٹ گوسُ

نمبی نا پورنگ جمّتے کرے مُچ
نا تڑسا گوریچ شینکاتے کرے لُوچ

تُو لنگ تلارنا مس اُوڑ کہ جیل اس
جمتاّ ہُننگ مس اوڑکن کھیل اس

تخا اُستا تفنگ و کشکنگ ئِ تا
خاہوت آن پداہر یفنگ ئِ تا

کریکہ اُوما لوم لُمہ ایڑ و اُرا آن
خواہانے کنکن دُعا دیر خدا آن

کبُین دامُسِٹ آن کنے دیر چائکِ
گوازی ئے جمراتاراست دیر پائک

تو لوک ئَ چار واس دیر غٹ نن
لگیتو پا بو ہراِسٹ نا تا خن

مَس استارس انداٹی شیموش بُڑزان
کنگ دنکہ لوڈویخ و لپٹزان

دے ٹِک تننگا اس خڑک ہمووخت
اوکان تینے کشنگ اس بھاز سخت

بِٹتہ خدا غا پارے اُو تینے
چندی تا بیڑا ئِ اُو پارے کرسینے

بے دس مدت آن تہ اف کنے وس
مَش تیٹی داڑے کرودیر کنے ڈس

لُمہ ءُ ایڑتہ اُرائی ہم اُونا
خنک اسو تو روک شکاری نا مونا

وختس کہ خفتن خلک چا گِدارا
اُست اُو تا تما غُٹ نا اوارا

گڑتی ہر فے تا حیران اسُر
دروازہ اِسکا ہنا ربسر

نت یتان تمار اُوک نیم شف اِسکا
باک تا ہنا سُردنکہ خف اِسکا

شف گیری نا آرام آن اُوک
ہن و برتادنکہ مس پوک

اومیتا اُسراُوک غٹ خدانا
صبر اُو کریر ہیل ئَ اللہ نا

نن مرغنا کین کس کریسہ
سر ککُ نا ڈولٹ مُستی سُریسہ

ڈغار داپدین ئَ اُوتیا تین اس
ہم اُست ٹی تا شیطان لعین اس

نیمہ آن زیات نن خلک گِدارا
صفت ئِ کریرہ خدانا کرارا

تُغ زور ے بینان داد ے بنوس نی
ارے دا حقیقت داد ے منوس نی

زائیفہ آن پدتغ بس ایڑا
ہُرے اِسکا تُولنگ جانے تہ سیڑا

تغ ٹی خڑکا ونا تہ اس گوس
لمُہ ھنینا نن درست تُوس

تتوکہ تُغ انت بلاس اس
مارنا خننگ کہ سختان ملاس اس

ارے لُمہ تو لوک تینا اُراٹی
روح اس تو روک مُرنا مشاٹی

تینا نوردیدہ نا اُوخننگ کِن
اِشتانی بھاز اس اُونا بننگ کِن

کُمک رب مریس کنا اف اُونا ئے
خرین کیس شالہ نی اُونا ساہے

بیدس نیان کیوای دیر ے زاری
واراتہ سینگس نے کیوہ زاری

کنا خول خوئِ رب نی امان تیس
پیری ٹی یارب مُرغمان کیس

دُعا آن بیدس کنے پین وس اف
بیدس دامار آن پین کس اف

در ا رب پین تا سلیف پیس
ہم خِزم آتا ذرہ رلیف پیس

بازنگا فکران اُست ریش مس
گِڈّیسہ تو لوک روش پیش مس

رب تس شرف اُونا دُعا ئے
کشاّروہ تیان اُونا چُنا ئے

دے ٹک تننگتون گڈاتے خنوک مس
زُوایڑے رسینگ کن دنکہ گنوک اس

کرے یات حُب اٹ تینا خدا ئے
داروہ و تلاران کنا کشہ سا ئے

داقیذ نا زندے چود اِسکا سکوٹ
امرد ا بلا تیان داجانے کشوٹ

راضی مس خدا جان لُمہ و ما ر ا
رسینگا دے ٹک تون بندی نا واراَ

گڈّاتے مُراَمر اُودخنے فے
نا گمان روہ ءُ تلاران لگے فے

پیشن مس تو کشارب نا شکُرے
گُڈس داڑان کرے گٹ نا فکر ے

حپرک اس کشکوک گڈا تا کُنڈان
خلک اُو مخواس ہمے روہ نا چنڈان

تو فکے تورے وختان کہ راست اس
خلک سبّرو گڈس کہ چاست اس

گڈ ے تڑے توس کے جٹ اس ٹی
کرے بڈشکار ے پد مس رائی

ہُلکی سلوک اس اُوڑکن ہراکہ
خننگان تہ مُست ساہدار شہاکہ

دوڑدس کرے خننگتون اُونا
کہ مُرسہ سُس خواجہ درونا

ہلُی نا ہر فے موڑہ و دانا
تفے تا سوگو جند نا تہ جانا

توکّل کرے توسُ ہلُی نازینا
ساہدار ے سر تِس ساف تون پدُین ءُ

کرار و کرار پدان مس اُو تیز
اس کشک دنکہ اشکُنا ریز

ہلُی تون اوارخلک ہر چُرو جل آن
تِکّہ ءَ بُٹ آن ہر وٹ ول آن

کشا اُو تینے نا ہارا مش تیان
جان مس سبک دل ترخ ئَ کش ( فاصلہ) تیان

آخر اُو سر مس تینا اُرا ئے
مُصلّہ ئَ تو لوک خنا قبلہ گاہے

ہلُی ئَ خنا درست کرے ساہے
کرے سجدہ خدا نا بارگاہے

خن تیان و ہارہ خڑینکاک اُونا
باز دڑددرے سَس اُوتینا جانا

کرے خمب تینا پیر پنڈ ئِ ھنینا
گوری مریونے کن کنا مار کبُینا

کنے نا مُری کرے جوڑ گنوک اس
بیدس نیان کناز ند پوک اس

خدا جان ہیس نے اُویک تنا ئِ
کنکو نا غریب نا اُوبنگ دُعا ئِ

خنا ٹہ امرآسرا تاز ند ئِ
امرایسوٹہ جوڑتیابشخند ئِ

ولدی تِس لُمہ دہن اُود پار
نا جان کنا تو اُست نا تار ئِ

اریرغٹ دا تو قذرت نا کاریم
تخک است ءُ وختس کس ئِ ناباریم

خرینکاک وہار لپَ لپَ ئَ
ہُرانٹ ہر چوٹ ءُ چپ ئَ

اخہ وار کِشکا اِستونا جمر
پا بو کنے نُم کے اُست باور

تفنگ ئِ تا گر ہُراسس خیال اٹ
بفروٹ اُونانہ تو ای چال اٹ

اڑ ءُ اُرائی نا سئی مس جوابان
غلط کرے اُوتے تینا حسابان

ولدی اُودے دہن لُمہ جان تِس
مس ہستو کنا اُست خان ہِس

نن درست جمک داخہ کشکار و تفیر
گوریچ و نمبی ٹی اس کش و بگیر

پاننگ درستے اے لُمہ جان نا
رب ایتے توفیق نن قدرے چان نا

مہر لُمہ جان نا کُلان زور ے
اولیاد کن تینا خن تیان کور ے

اولیاد کہ تینا اُود اوڑزراکہ
خن تیان خڑینک لپ لپا وہاکہ

نوٹ:۔ دا قصہ ئِ1976 ٹی سما اف دیر آن نوشتہ کریٹ ۔ بھاز وختان یانی چہل ہفت سال آن کنا کاغذاتے تی گار تموک اس ۔ امرکہ بنگوسُٹ تہ ہمن پیش کمننگٹی اُٹ تہ۔ کنا خیال ٹی ازاتو نظم سے نا جوانو نمونہ اسے ۔ بائدے براہوئی ادب ٹی ہند تننگے تہ۔ دا کس ئِ نا امانت اس کنتو۔ بھاز وختان پد خناٹ تہ تو پیش کننگٹی اُٹ تہ۔

Check Also

March-17 sangat front small title

نظم ۔۔۔ زہرا بختیاری نژاد/احمد شہریار

میں جبراً تم سے نفرت کروں گی تمہارے عشق سے میری زندگی کے حصے بخرے ...

Leave a Reply

Your email address will not be published. Required fields are marked *