Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » حال حوال » سنگت اکیڈمی آف سائنسز

سنگت اکیڈمی آف سائنسز

سنگت اکیڈمی آف سائنسز کی ڈسٹرکٹ کمیٹی اور مرکزی کمیٹی کے مشترکہ اجلاس کی رپورٹ
رپورٹ:جاوید اختر

کوئٹہ

18مئی2014 کی شام چار بجے سنگت اکیڈمی آف سائنسز کی ڈسٹرکٹ کمیٹی اور مرکزی کمیٹی کا مشترکہ اجلاس سنگت بک شاپ عظیم سنٹر فاطمہ جناح روڈ کوئٹہ میں منعقد ہوا ۔ اجلاس کی صدارت سنگت اکیڈمی مجلس کے سیکرٹری جنرل جئیند خان نے کی ۔ اس اجلاس میں عابد میر، پروفیسر عزیز مینگل، ڈاکٹر منیر رئیسانڑیں، جئیند خان ، جاوید اختر، ضیاءشفیع، محمود شکیب، اصغر سافی، جی آر شاری، عبداللہ دشتی نے شرکت کی ۔
اجلاس کا ایجنڈہ25 مئی2014 میں ہونے والے سنگت پوہ زانت کی نشست کی تیاری تھا۔
سب سے پہلے اجلاس میں مرکزی کمیٹی کے ممبر ضیا شفیع نے سنگت اکیڈمی آف سائنسز خاران یونٹ کی کارکردگی کی مختصر رپورٹ پیش کی۔ اس نے کہا کہ سنگت اکیڈمی آف سائنسز خاران یونٹ نے بھی طے کیا ہے کہ رواں سال کی ہر پوہ زانت نشست گل خان نصیر کے صد سالہ جشن ِ ولادت کے سلسلے میں منعقد ہوگی۔ اب تک اس سلسلے میں پوہ زانت کی ماہانہ نشستیں منعقد کی گئی ہیں ۔ جن میں گل خان نصیر کی شاعری تاریخ نویسی، سیاست افکار اور شخصیت کے کسی نہ کسی پہلو پر بات چیت کی گئی ہے۔ یہ سلسلہ رواں سال کے اختتام تک جاری رہے گا۔
اس کے بعد عابد میر نے اجلاس کا ایجنڈا پیش کیا اور شرکاءاجلاس کو بحث کی دعوت دی۔ ایجنڈے پر بحث کے بعد مندرجہ ذیل فیصلے کےے گئے:
-1 پوہ زانت نشست مورخہ25 مئی شام کو شام ساڑھے تین بجے بلوچی اکیڈمی کوئٹہ میں منعقد ہوگی۔
-2 پوہ زانت کا پہلا حصہ تین مقالات پر مشتمل ہوگا۔ گل خان نصیر کی شاعری اور شخصیت پر پروفیسر اے آر داد کا مقالہ ہوگا۔ گل خان کی فارسی شاعری پر شاہ محمود شکیب کا مقالہ ہوگا جبکہ کارل مارکس اور مزدور تحریک پر جاوید اختر کا مقالہ ہوگا۔
-3 25 مئی2014 کو پوہ زانت نشست منعقد ہونے سے پہلے صبح دس بجے کتاب میلہ کا انعقاد بلوچ اکیڈمی کوئٹہ میں کیا جائے گا جس میں مختلف موضوعات پرسستی قیمت پر کتابیں فروخت کی جائیں گی۔
-4    پوہ زانت کے دوسرے سیشن میں بین اللسانی مشاعرہ ہوگا، جس میں اردو، فارسی، بلوچی ، براہوئی، سندھی اور سرائیکی کے شعراءاپنا کلام پیش کریں گے۔
اجلاس کا باقاعدہ اختتام شا م سات بجے ہوا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خاران

18مئی2014 کو بلوچستان انٹرنیشنل ہوٹل کوئٹہ میں سنگت اکیڈمی آف سائنسز (خاران) کا پوہ و زانت نشست خاران زون کے سیکرٹری جنرل پروفیسر شکور زاہد کی زیر صدارت ہوا ۔ نشست میں ڈپٹی سیکرٹری جنرل ضیا شفیع، جی آر شاری، اصغر اصفی، سجاد میر سجاد، کبیر حکمت، سہیل شاہ دشتی اور داد شاہ مینگل نے شرکت کی نشست میں میر گل خان نصیر کے صدسالگی پروگرام کے بارے میں بحث ہوئی۔بحث و مباحثہ کے بعد یہ فیصلہ کیاگیا کہ چونکہ یہ پورا سال میر گل خان نصیر کے نام کیا گیا ہے توسنگت اکیڈمی آف سائنسز ایک گورنمنٹ ڈگری کالج خاران میں میر گل خان نصیر سد سالگی روچ کی مناست سے ایک سیمینار منعقد کرے گی ۔ جس سے نوجوان نسل کو کسی حد تک میر گل خان نصیر کے بارے میں نزیکی ہوجائے گی ۔ پھر یہ طے ہوا کہ اس سیمینار کے بارے خاران میں پہلے پوہ وزانت نشست بلایا جائے گا جس کے بعد سیمینار کیا جائے گا ہوسکے تو کوئٹہ سے سنگت کے مرکزی رہنماﺅں کو بھی بلایا جائے ۔ پھر ایک مشاعرہ بھی ہوا جس پر وفیسر شکور زاہد ، ضیا شفیع ، جی آر شاری ، اصغر صفی اور عطا شاد اکیڈمی تربت کے پریس سیکرٹری سہیل شاہ دشتی اور مستونگ کے سجاد میر سجاد نے اپنے اشعار سے نشست کو رنگین بنا دیا۔

Check Also

April-17 front small title

آل پاکستان ادبی کانفرنس ۔۔۔ نعیم بیگ

اتوار21 مارچ 2017 کو انجمن ترقی پسند مصنفین پنجاب لاہور نے آل پاکستان ادبی کانفرنس ...

Leave a Reply

Your email address will not be published. Required fields are marked *