Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » زندگی ے سفر وش کتگ سنگتاں ۔۔۔ ضیا شفیع

زندگی ے سفر وش کتگ سنگتاں ۔۔۔ ضیا شفیع

من زندگی سک باز رنگہ دیستہ۔ کدی گوں چیزے سنگتاں ماں تاریں کوٹیاں و کدی ترند آپ و موسمے وشیں لزتہ گوں ہمرہاں ۔۔۔۔۔۔ من نزاناں دنیا منا کجام رنگہ سرپد بیت بلیں من زاناں کہ من کسی واستہ ہچ ہم نہ کرتہ بلیں منی واستہ۔۔۔۔۔۔۔۔۔۔۔ او منی واستہ منی زندے ہمرہاں سک باز کرتہ، من وت نزاناں کہ من کئی نامہ شمے دیما بیاراں ، منی دیمادرا سنگت قابل عزت انت، من کدی کہ کوئٹہ بہ رواں گڑا چیزے انچیں جاہ است کہ ھودا ہر ھالہ رواں، ماما عبداللہ جان جمالدینی گس بزاں سنڈے پارٹی بہ بیت یا کہ مری لیب و بلوچی اکیڈمی۔ اے جاھاں من داں کہ سجدہ نہ کناں منی کوئٹہ آیگ بزاں بے پاھدگ۔۔۔۔ واجہ محمد بیگ بیگلہ کئے نزانت، پدا ظفر علی ٖظفر کہ وتی خیالانی تہا مدام گوں شراب گلائیش۔۔۔۔۔ 10 اکتوبر 2015شمبے روچہ واجہ ظفر علی ظفر و واجہ محمد بیگ بیگلے شرپہ دیوانے ماں بلوچی اکیڈمیا چلگہ ات، دیوانے تہا بلوچیے بازیں نام منیر بادینی، اے آر داد، رحیم مہر، اللہ بکش بزدار، ایوب بلوچ، نعمت اللہ گچکی، عبدالواحد بندیگ، قاضی عبدالحمید شیرازی، ممتاز یوسف، عبداللہ بلوچ، مجاہد بلوچ، اقبال ظہیر، جی آر شاری، دادشاہ و دگہ بازیں نام ساڑی اتاں۔ دیوانے نندوکاں واجہ بیگل و دومی واجہانی وشیں تران و واجہ ظفر علی ظفرے شعر گوں جوانیا گوشداشت انت و واجہ ممتاز یوسفہ گوں جوانیں رنگ و درشمے دیوان آسر کرت ۔ ہمے وختہ مارا ھال رست کہ بلوچی زبانے جوانیں توار استاد عارف بلوچ و شاہ جان داؤدی بلوچی اکیڈمیا رستگاں۔ ہما چیزے سنگت شت انت گوں عارف بلوچ و آئی سنگتاں ھال ھوال کرت و بازیں سنگتاں عکس ہم کش ایت و پدا ہرکس وتی وتی بوت۔ گوں استاد عارف بلوچہ ھال ھوال کنگا ہمرا ہمے ھال رست کہ باندہ شپہ قلاتہ ہمیشانی یک پچیں میوزیل شوہے بوھگا ایں۔ اے ہمے واستہ باز وشیے گپے ات کہ استاد عارف و آئی سنگتاں گوں ملاقات نصیب و پدا ستادا وت ہم گشت کہ شما باندہ الم مئے اے دیوانہ بار بہ زور ایت۔ ۔۔۔۔۔ دومی روچ چوشکہ یکشمبے ات و شما وت سرپدو کہ یکشمبیا ڈاکٹر شاہ محمد مری ے جم داشتگیں سنڈے پارٹیا اگاں کوئٹہے آؤکیں سرپدیں سنگت ساڑی نہ بوتاں بزاں آیاں کوئٹہ ندیست۔
ادا شمارا من یک ھالے دیگ لوٹاں کہ منی چیزے انچیں خاصیں سنگت بوتگ انت و لہتیں انگہ سلامت انت کہ آیاں منی زند بدل کرتہ، کم کمہ انشااللہ دریانی نام شمے دیما کایاں بلیں انوں من وتی دوست براس وتی دیریگیں سنگت حفیظ رندے نیمگہ آیگ لوٹاں کہ منی و حفیظے نزیکی ماں خضدارے تاریں کوٹیا منی خیالہ 2008 بوت۔ دگہ ہم بازیں سنگت آئی گونہ ھوار ات بلیں من انگہ سرپد نہ انت کہ کئے مرت و کئے انگہ زندگ انت و زندے گرانیں سہتاں پہ وشی و ایمنی گوازینگہ انت بلیں حفیظ داں مرچیا تک منی ہمراہ انت و من امیت کناں کہ زندگے ہمک ساتاں انچو منا وتی کنت۔۔۔۔۔ حفیظ رند سکیں سرپد و ادبی سنگتے و منا مدام گشتگے کہ ہر کجاہ کہ ادبی چست ائیر بیاں منا الم بگش کہ من ہم بہر بہ بزوراں۔ 2008 منی و حفیظے ناسرجمیں نند و نیادا چے پدا2015 ماں سنڈے پارٹیا منی و حفیظ رندے پدا ملاقات بوت۔ سنڈے پارٹیے تہا دگہ ہم بازیں واجہے ساڑی ات کہ آیانی تہا ڈاکٹر شاہ محمد مری، عابد میر، بندیگ، جئیندخان، شبیر رکشانی، سعید کرد، شاہ بیگ شیدہ، قاضی شیرازی، اکبر ساسولی، جاوید اختر و آئی محبت خیرجان ۔۔۔۔۔ سنڈے پارٹیا بازیں بنگپانی سرا گپ و تران کنگ بوت انت و پدا آسری گپ ہمے بوت کہ داں کہ ملا و سردار زندگ انت انسانیت انچو گار و بیگواہ بوان بیت، سنڈے پارٹیا چے پادایگہ پد من وتی پلیں دوست و براس سنگت حفیظ رندا سر سری گشت کہ شپی مئے ارداہ استیں کہ قلاتہ استاد عارف بلوچ و شاہ جان داؤدیے دیوانہ بہر بہ زوراں، چونہا من سرپد نہ اتاں کہ حفیظ وت ہما نیمگے نندوکے و پدا حفیظ منی بکواسے سرا انچو عمل کنت کہ گوں ہمے گپے جنگہ منا گشتے ’’ ضیا عارف منا سک دوست بیت پروگرامے اٹینڈ کنگا رواں‘‘ پدا من وتی وڑا عابد میر زرت و دیم پہ گسہ بزاں سریابہ شتاں۔ منا چے خبر اے مردچوش زوت گاڑیے بست و بند کنت و منا ھال دنت من تئی نیمگہ آیگہ انت تو کجائے۔۔۔۔۔۔۔۔۔۔؟
سنگتہ منا گسہ چے زرت و پدا دگہ سنگتے کہ آئی نام ندیم لہڑی ات ہم ما وتی ہمراہ کرت و دیم پہ قلات دراتاں۔ منا ہمے وختہ وتی گوادرے ٹرپ سک یاد آیگہ ات کہ ڈاکٹر شاہ محمد مری، جئیند خان جمالدینی و عابد میرے ہمراہیا ہما لہتیں روچ وتی یاد گار کرت اتاں۔ انوں یک رندے پدا سنگتانی ہمراہیا یک نوکیں دنیا ے گندگ و زندے یک روچے وتی سنگتانی نامہ کنگہ اتاں۔ حفیظ رند ا کوئٹہ بگر داں مستونگہ تک منا بور نہ کرت۔ حفیظ سک باز زانت۔۔۔۔۔۔۔۔۔ سک باز، بلیں منی گلگے گوں حفیظ استیں کہ حفیظ نبشتہ نکنت، دنیائے ہرکجام بنگپہ تو آئی دیما ائیر کن ترا شریہ سرپدی دنت بلیں نبشتہ کنگے کہ وخت کئیت بزاں وتا پشتہ داریت۔ پدا حفیظ بلوچستان و آئی کوھانی باروا سک باز سرپد انت ہرجاہ کہ کوہے کیتیں ہما کوہے جتائیں رنگ و جتائیں قصہے مردمے دیما ائیر کنت۔ ۔۔۔۔ مستونگے سنگابیں کوہ بزاں کوہے آماچے ساہگے چے مئے گاڑی گوست گڑا گشتے اے ہما کوہ انت کہ بلوچے بازیں سکی سگ ایتگ و انگہ بگند کہ وش و سلامت انت و وتی ساہگہ چے گوستیں مسافراں پہ جوانیا شہ مستونگے سارتیں سرگواتے نیمانہ اللہ ے میار کنت۔ پدا دیما انچو روانہ شیرناپ و پدا چوریے کوہ ہم دیما کپت۔ سنگتانی گشگ ات کہ اے کوہے چوری ے تہا مار انچو باز انت کہ اگاں کسے شپے دیما بہ روت آئیرا مار پہ وابا نیل انت۔ ۔۔۔۔۔۔پدا دیما جنزاں جنزانہ کوہے زرد و دگہ بازیں بلوچیے دارو و درمان و مارموتکے پسل گندگ ہم بوت انت، شدو پد منگچرے نزینکہ یک برز و بلندیں کوہے ہم ہم مئے دیما کپت کہ مغل کڈے نامہ زانگ بیت۔ اے ہما کوہ انت کہ ایشی تہا مغلاں وتی زمانگہ جنگ و جدل کرتہ و پدا ہمے کوہے تہا شہ دزمنے ترسا وتا کڈایش کرتگ،پدا دیما کرکی و خالق آباد و کلی حاجی بہادر خان رند ۔
شہ خالق آبادا نورآحمد رندکہ حفیظ ے ناکوزاک ات ہم مئے ہمراہ بوت و ہم ما کہ قلاتہ رستاں روچ پخیر بوت ات ہما ورگے واستہ حفیظے نزینکیں سنگت جاویدے گسہ شت انت و اودا گوں دگہ بازیں سنگتاں ہم ملاقات بوت کہ انگہ نام یاد نہ انت ۔ پدا ہما شت انت دیم پہ دیوانہ۔ ۔۔۔۔۔ قلات سک سرد ات و پدا ہما گیشتر گرمیں علاقہاں بوتگ انت و ہمے واستہ سک باز سرد ات۔ قلاتے سنگتاں ہمرا کوٹ و چادر دات و ہما وختے کہ دیوانہ رست انت گڑا استاد عارف بلوچ گوں ہمرہاں دیست انت کہ عارف سک لرزینگہ ات۔ منا کہ دیستے گشی اتکے دیوانہ من گشت او۔۔۔۔۔ پدا گشیت ’’ یار قلات سک سرد انت ۔ ما تربتا چے پیداکیں تربت تندورے قلاتے دیما‘‘ سنگتاں باز اندیت و پدا بازیں دزبندیا پد استاد عارف بلوچہ ہمے داتگیں چادر زرت۔ دومی روچا ہما شاہی محلا شت انت و پدا خوانین قلاتے قبرستانا ہم۔۔۔۔۔۔۔ بچار ادا یک حقیقتے استیں کہ مرگ انت کہ ہر ھالہ ہمے سرا کئت بلیں پدا ہم بازیں مردمے ایشیا چے وتا دورر دارگے واستہ بازیں تگ و تاچ کنت۔ یک چیزے کہ المی انت و الما انسانے سرا کیت گڑا شائی ترسگ پرچا۔۔۔۔۔۔۔ بائدیں مردم گوں وشیا مرگہ وتی بکنت ، تا کہ واجہیں خدا ہم بہ گندیت و ہمے سرپد بیت کہ منی جوڑ کرتگیں انسان لگور نہ انت، بلیں پداہما گپ۔۔۔۔۔۔۔۔۔۔۔ کئے سرپدبہ بیت؟
سنگتاں بازیں عکسے گپت و قلات گوں سردیں موسما ہمااللہ ے میار کرت و دیم پہ منگچر ۔۔۔۔ بزاں حفیظ رندے ھلکہ شتاں۔ سنگت ندیم گیشتر منی و حفیظ ے گپاں سرپد بوھگہ نہ ات چیا کہ ندیم بلوچیا بلد نہ ات و من براؤئی، حفیظ منی واستہ براؤیا گپ کنگا نہ ات۔ ہم ما منگچرے ھلک کہ حاجی بہادر خانے نامہ ائیر کنگ بوتگ سرجما حاجی بہادرخانے وتی پث و پیرلی میراث سوپ و سنجد و دگہ بازیں میوگ و یک مڈل سکول و ڈسپنسریے ہم جوڑ بوت ات ہم ما دیست انت و پدا اے ہما ھلک انت کہ اے کہ ایشی تہا انگہ ہما پیشے روایت زندگ دارگے جہد و کوشست بوھگا ات۔ ہما وادی دورے اسٹوپ ، ہما دورے ٹپرے کونٹ ، پرکٹ و جالگ و دگہ بازیں چیزے منی دیما شہ گوستاں کہ من ھیران بوتاں کہ دنیا یک نیمگا بگند کہ آسمانا سر انت بلیں بلوچ۔۔۔۔۔۔۔۔۔۔۔۔ او بلوچا انگہ وتی ہما روایت و نندگ و پادایگ بیھال نہ کرتگ انت۔ پدا حفیظ رندے وریں یک سرپدیں ورناے کہ شہ ہمے چپ و چاگردا ردوم زوریت و مزن بوان بیت و بازیں داد و داھشتاں وتی نام کنت و دنیائے بازیں رنگ و دوشماں گندیت و انگت وتی چپ و چاگرد و ہما پیشی جاگ و جاشپالاں بیھال نہ کنت۔ ایشیا چے مردم ہمے سرپد بیت کہ ہمے باندات گار نہ بیت۔۔۔۔۔ شال چونہا دیما ات ہمے نیمونہ ہما زندے چیزے سہت گوں گپ و اندگا ں گوازینت انت و پدا وتی کوئٹہ رستاں۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *