Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » رشتے سے پرے ۔۔۔ محسن شکیل

رشتے سے پرے ۔۔۔ محسن شکیل

کلیوپیٹرا نے جب خدا سے کہا
کہ وہ اتنی حسین نہیں تھی
جتنی الزبتھ ٹیلر !
تو اندازہ ہوا
وہ ہمارے عہد کے حسن کے تاثر سے
کہیں بڑی تھی!

الزبتھ ٹیلر
ہمارے احساس اورجمالیاتی تجربے کی روشنیوں پر
اپنی لپ اسٹک کے نشان لگائے
اونچی ایڑی کی سینڈل پہنے
سینے کے گہرے ابھار کے ساتھ
مارلن منرو کے مجسمے کی اڑتی فراک کے پاس
صوفیہ لارین سے مسکرا کرکہہ رہی ہے
رچرڈ برٹن
سب مردوں میں
سب سے وجیہہ رہا
کہ میں دوبار اُس سے رشتے میں جُڑی
اور بے شمار مرتبہ رشتے سے پرے!

الزبتھ ٹیلر کو یہ احساس رہنا چاہیے
کہ ہم سب اُس کے واسطے
رچرڈ برٹن رہے!
جیسے کلیوپیٹرا کے لیے
مارک انٹونی
اور تاریخ کے مُڑے ہوئے اوراق میں
کئی بے نام مرد!!
(الزبتھ ٹیلر کے لیے)

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *