Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » خواستی خان ۔۔۔۔۔۔ زبیر شاد۔ خاران

خواستی خان ۔۔۔۔۔۔ زبیر شاد۔ خاران

خواستی خان ئِ جند ئِ گُشگ ئِ پدا کہہ من ماں 1935 ئِ زمین چنڈا 10یا دوازد سال ئِ ئیگ بوتگن ! ہمے واجہ ئِ گپ ئِ پد بزاں واجہ 1924 ءُ 1926 ءِ نیام ئَ ماں (کُنگر)شیروزئی ئَ ودی بوت !آنہی پسّ واجہ دوست محمد اَت کہ شاعر ہاران کسان ات کہ اے کوہڑیں دنیائے یلدات ! چرائی مَرگ ئَ او رند آئی ئِ ناکوئے ئَ آنہی جند ئِ گشگ ئِ پد ا آ وہد ئَ چشیں اسکولی وانگ نہ اَت البہ ماں مُلا عبدالرحمنا گوئر سی پارگ ءُ قرآن مجید ئے در بُرتگ اَت!
رند کہ واجہ کمیں رُست ءُ مزن بوت ماں ” ریاست خاران“ ئِ پوج ( لیویز) ئِ ہوار بوت!
خواستی خاران ماں ہاران ئِ سَر ڈگار ئِ واستہ چہ ربّ ئِ نیمگ ئَ ٹیکی ئے اَت ! آں یک اِنسان دوست ءُ مہروانین تب ئے ئِ واہنداَت ! حاجی خواستی خان یک عہدے ئِ نام اَت ! شاعری بزگانی توار اَت ! آئی ئِ شاعری ئِ تہا چاگردی رنگ مان گندگ ئَ کات ! آئی ئَ چاگردی جنجال نا تپاکی! بزگی، غریبی و چاگرد ءِ ہر رنگ چہ وتی شیر کنیں شاعری ئَ دیم ئَ آور تنت!
خواستی خان چہ محمد نصیر کبدانی ئَ سک باز اثر مند ءُ مُدام واجہ ءُ گشت کہ محمد نصیر کبدانی منی شاعری ئِ ”اُستاد“ انت !آنہیا چہ وتی جند ئِ شئران ابید مُلا پازّل ۔ ملا عزتّ ملا قاسم، ملا بوہیر،جام درک ، ملک دینار میرواڈی ، محمد نصیرکبدانی ، رحیم خان ایجباڑی ، ملا خدا بخش، مُلا جلاّب ، سعید چنگانی، گریم، مُرید ءُ ہانی، بالا چ گور گیج حمل کلمتی ۔للہ ءُ گراناز ، کیاءُ سدّو ۔ عومر ءُ مہناز ، شہداد ءُ مہناز ئِ دِگہ بازیں شاعرانی شئیرانا زبانی مجلسان ونت انت ائے ! آنہی زبانی شیئرانی گشگ ئِ وتی یک جتائیں رنگے اَت! واجہ یک حاضر دماغیں شاعر اَت !
خواستی خان مُدام ئَ گپ ءُ تران ئَ مجلس و دیوان ماں شاعری ئَ بوتگ اَنت۔ شاعری ئِ سرا واجہ را حاسیں دست رس ئے اَت! کہ آئی ءَ وتی شاعری ئِ تہا ہر وڑیں چاگردی رنگ گوں شرّیں وڈے ئَ پیش داشت انت۔
گوں شاعری ئَ ہوار خواستی خان خارنا ئِ تہا مہذب و گران شرپ ایں مَردم ئے زانگ ئَ بوت! اگں ہارانئِ توک ئَ یا چہ خاران چے ڈنّ اگں ہارانی مکردمانی سرا ویل و جنجال ئے بوتیں! گڈا پہ تو جیل ئِ واستہ خواستی خان مُدام سکروگ اَت!
ویل و جنجالان ئَ واجہ ئَ شریں وڈے ئَ ہلاس کرتنت !آنہیانود سالیں عمر ئِ تہا ہچ کسّے ئَ چہ و تا زہر نہ کرتت او چہ واجہ ئِ دستا کسے ئَ زِنہ رست اَت ! آں یک مہروانیں اِنسان ئے اَت ! آئی ئَ گوں گونڈ و زنڈا یک پیمیں مہرے داشت!
واجہ خواستی خان ئِ شاعری کہنیں شاعری رنگ ئَ اَت! ءُ واجہ ئِ شاعری تہا ہچ کدی مارا دری لبز گندگ ئَ نیئت ءُ واجہ ذگریں بلوچی ئِ لبزماں وتی شئران مُدام کارمرز کرتگت! آنہی شئرانی دپتر پہ چھاپ بوہگ ئَ جریدگ ئَ اِنت! ءُ زوت ئَ انشاءاللہ وانو کانی دست ئَ بیت!
اے مہروانیں اِنسان ءُ زانتکارایں شاعر ءُ مار ا 24 اکتوبر2012 یل دات !

 

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *