Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » جی آر۔ ملا ۔۔۔ ضیاء شفیع

جی آر۔ ملا ۔۔۔ ضیاء شفیع

سنگت تو گنوکے منی خیالا
چیا سنگت۔
تو گنوک مبوتینے گڈا انکسیں دراجیں سفرے کجا جتگ۔ خیر اے منی گنوکی ایں یا کہ منی مہر۔ بلیں منا واجہ ہر ھالا گندگی ایں۔بس لہتیں سوالانی جواب و واجہ پہ چم گندگ لوٹیں۔
واجہ شہ بلائیں نام و توار منی وتی پسنی آ کپتگاں۔ ترا ہر وڑیں سوال و نند و دیوانے استیں گوں ہمیشاں بکن۔ تئی منیر، تئی قاضی، انور صاحب خان، و دگے بازیں۔۔۔۔۔۔ آ مرد پدا موڑے مردمے۔ نزانیں گوں من و گوں ترا ملیت کہ نا۔ پدا من اشکتہ کہ مروچاں سک کماشیں۔ کماشیں مردماں گوں نندگ و پادایگ زور لوٹیت۔ تو سنگت چونیں گپ کنگائے۔ چونیں گپ۔۔۔۔؟ ہمے کہ واجہ کماشیں۔ نزانیں گوں تو ملیت یا نہ۔ آبلائیں نامے۔ من تو اگاں بہ رواں منا و ترا گندیت گڈا زیادہ وش بیت کہ انگہ منی راجے ورنا وتی کماشانی عزتہ زاناں۔ پدا وتی راجے مزں نامیں لبزانک زانت و شاعرانی مہر ایشانی دلا است۔ من دگہ زامے وا جت نہ کنیں کم از کم واجہے جندا بگندیں۔ پدا مں کہ وتی شارے ناما گرین کہ من خارانا شہ تئی گندگا آتگوں گڈا واجہ سک باز وش بیت۔ سک باز۔ تو بی یار۔۔۔۔۔۔۔۔۔۔۔ گڈا تو تیارے۔۔؟
من۔
او تو۔ منی پسنی آنزینکی بس گوں تئی جندا ایں۔ بلیں تو بی یار سک نخرا کنگائے۔
بچار منی گوں تئی اے واجہ کارا ہچ نہ لگیت۔ آ دگہ گپے کہ واجہے یک یک شعر منا سک باز دوستاں۔ بلیں واجہ کہ ہر کسہ گشیت گڈا ہمدا جوں نہ کنت۔ 
واجہا کہ را گشتہ۔۔؟
کئے را گشتہ۔۔۔ سید ہاشمی، عطا شاد، کریم دشتی،مراد ساحر، گل خان ، بیدار ، غنی و قاضی آ بگر تاں مرچیگیں دؤرے نام منیر مومن۔ ایشی کس معاف نہ کرتہ۔ ہر کسہ ایشی دیما کپتہ گشتگے۔ پمیشہ منا گوں واجہا نہ لگیت۔
سنگت من نزانی تو گنوکے یا من، یک زبانے ہما وختہ تک ترقی نہ کنت کہ آئی تہا تنقید کار مہ بیت۔ واجہا کسی زاتہ سرا گپ نہ جتا۔ اگاں گپ جتا گڈا آئی ازمے سرا ۔آئی شاعری ے سرا۔ آئی کمہ و کوتائی دیما آورتگاں۔ بلیں تو من نزانیں۔۔۔۔۔۔ تو وت ہمے راہے یک بے تواریں مسافرئیے۔ بائدیں دور بچار۔ 
دور بچاراں۔۔۔۔۔۔۔؟ چوں دور بچاراں۔ ہما مرداں کہ دور چارتگ ایشی وتی زامے دیما پروشتگ و دور داتگاں۔
بچار سنگت ترا گوں واجہ ءَ اگاں ذاتی دژمنی ے است آوتی جاہ بلیں تا منا واجہے ادہ روگا داشت نکنے۔ پدا ہم ۔۔۔۔
پدا ہم چے۔۔۔۔۔۔؟بس برواں کمو پسنی ویلفئیر سوسائٹی آیک و دو سنگت استاں ہمایاں گنداں۔ ہمے کرایے زراں کہ تو پہ منی و پہ وتی روگے واستہ دیے ہمیشاں بدے شپی گوں شرابا دیوانے کناں۔
نا سنگت اے جوانیں گپے نہ ایں۔ ہما روچا کہ من شالاشہ درایگہ اتوں من ترا گشت کہ واجہے ادا رواں۔ تو نا نہ کرت۔ بلیں انوں کجام شیطاناتئی گردن بست کہ بے زبانی کنگائے۔
بے زبانی۔ واجہے گس زانہ کعبہ ایں کہ تو اگاں نہ شتے ترا گناہ رسیت۔ 
منی واستہ کعبہ ایں جگر۔بلیں تو نزانی چی لوٹے۔۔۔۔
من ہچ نہ لوٹاں۔ بس تو منی مہمانئے۔ ہر چی من گشاں ہما بکن۔ تئی واستہ جوانی ہمیش ایں کہ تو واجہے خیالا شہ وتی دل و دماغا بکش۔
واجہے خیال شہ دل و دماغا کدی ہم در نہ ایت۔ چیا کہ واجہ یک سوچے یک فکرے و یک راستں راہ و راہبندے، ہما راہبند کہ ترا تئی راستی و امن و ایمنی ئے راہشونیہ دنت۔
تو بی یار پشتا کپتگے۔۔۔۔۔۔۔۔۔۔ منی دل چونہا شہ واجہا دیریں پرشتہ۔ تو کہ اینکس ضد کنے گڈا من کایاں۔ بلیں مروچی نہ باندہ۔بلیں یک دگہ گپے۔۔۔۔۔۔ سنگتی و مہمانی وتی جاہ ترا شپی یک بوتلے گرگی ایں۔
منا قبول ایں۔۔۔۔۔۔۔ بلیں تو اگاں شہ وتی زبانا باندہ پدا پرشتے گڈا۔۔۔۔۔۔۔؟
من نہ پرشاں۔ تو کہ منا بوتلے دیے گڈا من کجا پرشت کناں۔۔
’’ شپا منی پسنی ئے پلیں سنگتاگوں چیزے سنگتانی ہمراہیا بوتل وارت و پدا منا باز تژن و شگان جتے کہ منی وڑیں کہ گنوکے کہ مکرانا کیت گڈا مستیں دریا و تاسکیں مچی ئے ورگا سر منا مجبور کنت کہ من واجہا گندگ لوٹاں‘‘
دومی روچا کہ من و منی سنگت شہ پسنی آدیم پہ واجہے ھلکا دراتاں گڈا منی سنگتے موڑ سک بند ات۔ من سرپد اتوں کہ واجہے موڑ چیا بندیں۔ بلیں مجبور ات کہ منا زبان دات۔۔۔۔ کجام زبان۔۔۔ ہما کہ پہ یک بوتلا۔
نیمروچا ہما واجہے ھلکا سر بوتاں۔ منی سنگت کہ وت شاعرے و دو شاعری ئے دپترانی واہند ایں ، یک و دو سنگتاں گوں وتی ھال ھوال کنگا پد گوں دو سنگتانی ہمراہیامنا واجہے گسا برت ایش۔۔۔
شہ کساں و ویرانیں بازارے دامنا ہما یک گسئے تہا پترتاں۔۔۔۔۔۔۔ سہتے آ پد منی ہما واجہ بزاں جی آر۔ ملا ہمے دیما تہتے سرا گوں ہما گپا ات۔۔۔۔۔۔۔!

Check Also

April-17 front small title

انگئی؛ مزاحمتی نسوانی چیخ ۔۔۔ بارکوال میاخیل

جس طرح ایک استحصالی طرز حکومت میں برسراقتدار طبقہ اپنے عوام کا استحصال کرتا ہے ...

Leave a Reply

Your email address will not be published. Required fields are marked *