Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » تمنا ۔۔۔ سعدیہ بلوچ

تمنا ۔۔۔ سعدیہ بلوچ

وصیت لکھی جا سکتی ہے
گر کچھ اثاثہ بچتا ہوتو

ماں کے پاس لوریاں تھیں
جو بچپن سے آگے
ساتھ نہیں دے پائیں

میرے یار نے میرا سہرا لکھا تھا
جسے سرشاری میں گانا
ثواب قرار دے دیا گیا ہے

میں اپنا نوحہ لکھنا چاہتی ہوں
اسے ہر وہ زی روح گنگنائے
جس نے زندگی کو بھگتا ہو۔

تم کہیں نہیں ۔۔۔۔۔۔۔۔

میں نے تجھ سے خوشی کشید کی
اور اسے بدن بنانے میں جت گئی
خون جگر سے افزائش ہوئی
اور بلآخر
محبت کوجنم دیدیا
جنم کے ساتھ کی آلائیشیں ٹھکانے لگانے تو تم کو آنا ہی ہوگا
یقیں رکھو
میں اور محبت تم کو نہیں روکیں گے
کہ اب اس تثلیث میں تم کہیں نہیں رہے۔

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *