Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » با بل ئے لاٹری ۔۔۔ بورخیس/اقبال ندیم/ جاوید اسلم

با بل ئے لاٹری ۔۔۔ بورخیس/اقبال ندیم/ جاوید اسلم

بابل ئے درائیں نندوکانی وڑا یکیں وہدا من او ں وس داروکیں واجہ ئے بوتگ اوں اودرستانی وڑا یک گلامے اوں،من سرجمیں قدرتئے ذلتا بندیگیا چے اوں آشنا بوتگوں بچارئے کہ منی راستیں دستئے شہادتئے لنکک گارنت،گیشتر بچارئے منی قبائے جہلا منی پشتاجوڑ بوتگیں اے سُہریں نقش اوں گندگ بیت۔ اے بئے حرپئے وڑاانت اے سرجمیں ماہ ئے شپاں منا ہما مردمانی سرا تاگت دنت کہ آہانی نشان جیم انت۔ بلے اے منا الف ئے نشان والہانی اوں منوگر کنت کہ تہاریں شپاں جیم ئے نشان والہانی منوگر بنت۔سہب ئے وہدایک زندانے آ من یک سیاہیں سنگے سرا شنگ و شاگیں شاہئے شہ رگ برتگ انت ۔گیشتر حیرانی ئے گپ اش انت کہ یک قمری سالے ئے وہداں منا شوم لیکگ بوتگ ات۔ من سرجمیں زوراگوں کوکار کتگ ات بلے منی توار دیوال و درئے توار جوڑ بوت و بے تواری واتر اتکگ ات۔ آنہی ہچ پسہ نہ رستگ ات من نان دزاتگ ات ۔بلے منی سر چہ بدنا جتا کنگ نہ بوتگ ات۔ من اے چیزا اوں سرپدوں کہ چر آنہیا یونانی اوں سرپد اتنت۔بے باوریا گوں آہانی بے رائتی منا زانگ ئے مارشت دئیگا اتنت۔ منا وت زانت ئے سرپدی بوت انسان آجوودی بوتگ و آنہی زندئے بن ہشت و مکسد آجوئی انت۔ اے یک تاگت بکشوکیں مارشت ئے کہ اشی ثبوت ایش انت کہ رودئے یک کوٹی یے آ پاہو دیوکیں ہاموشیں دزمالئے دیما امیت مدام گوں من ہمگرنچ ات انچو کہ وشیانی ہارا ترسا کدی اوں منی ہمراہی یل نہ کت۔ پونتیکائے ہیر یقتیسا کوسیپی وڑے آ گشت کہ فیثا غورثارا یات ات کہ آچریشیاپیش فیرو آ بوتگ او ایشیاپیسر یوفورسا ایشیا پیسر دگہ چیزے۔اے جہل و برزیانی یات کنگا منا گوں مرگا نزیکی ئے لوٹ و حاجت نیست۔
چُشیں جناوریں وڑے ئے ردا منی زانت یک انچیں گلّ ئے بے منت وارنت کہ آنہی باروا رومی ملک ہچ نزاناں یا آہانی گورا دگہ شگل چے آ چیریں وڑے آ کارا انت۔ اے لاٹری ئے گل ات۔ من ایشی ئے بن دپترئے باروا گیشیں جست و پرس نہ کتگ۔ من سرپداں کہ زانتکاریں مردمانی گورا اے باروا تپاکی بوت نہ کننت۔ ایشی گیشیں مکسدئے باروا من ہمینچو زاناں ہمینچو کہ فلکیاتئے علما چہ نزانتکاریں مردمے ماھہ باروا۔منی سیادی گوں پگر مندیں سلکے آ انت ۔کہ اودا لاٹری ہرراستی ئے بن ہشت انت تاں مرچیا من ایشی باروا باز کم جیڑاتگ من مدام فہما نیاؤکیں اے ھدائی او وتی دلا درکوکیں مارگ و جزبگانی باروا ہمینچو کہ جیڑاتگ۔نوں وہدے کہ من بابل او آنہی شریں دوداں چے گستا اوں لاٹری ئے باروا کمے عجب جیڑاں۔ او اشتاپیں وہدا شگل مٹ کنوکیں انسانانی ہما فترانی باروا اوں پگر مندوں کہ آانسانانی جیڑگانی چپ و چاگرد کنوک انت۔
منی پتا گشتگ ات کہ بنداتاکرناں پیسر بابل ئے لاٹری یک انچائیں لیبے ات ۔آنہی گشتگ ات (من نزاناں اے کجا داں راست ات)کہ سرٹاپ کنوک(حجام)رودئے ہشتانکی ئے بدلاہڈّ ئے یا پوستئے چار کنڈی نقشی ئیں ٹکر داتگ ات ئے کہ آہانی سرا نشان جتگ اتنت۔ شپئے نیما لاٹری در کنگ بوتگ ات۔ کٹوکاناں نگرہئے جوڑ کتگیں ہشتانکی رست انت۔ انچو کہ پدرانت اے پیم بنداتی ہساب ئیگ ات ابرمی رنگا اے لاٹری بے سوب بوت انت۔ ایشانی اخلاقی شری نہ بوہگئے بروبرا ات۔ اے رنگئے چیزئے تہا مردمئے شریاناں کیاس کنگ نہ بوتگ ات۔ایشی دراہیں بگر و بدار ایوک’’امیت‘‘سراات ۔مردمانی بے دلگوشی انچو کہ دیما شت ہما سوداگر کہ آہاں اے زر مچ کنوکیں لاٹری برجاہ داشتگ اتنت تاوان چست کنگا لگ اتنت ۔لہتیں مردماں ایشی تہا شری آرگئے جہد کت ۔کٹوکیں ہندسہ ئے میانا لہتیں دگہ وڑیں ٹکٹ اوں مان کت ۔اے شریا چے نقشیں چارکنڈیانی بہا زوروک یک زرے ئے کٹگئے یا یک دنڈے ئے دئیگ ئے دونیمگی بوتنئے دیمپان اتنت۔ اے گونڈیں ترسا (ہمک سی کٹوکیں ہندسہ ئے سرا یک دگہ وڑیں ٹکٹے ہست ات)ابرمی وڑے آ مردمانی ہدوناکی گیش کت۔ بلے بابل ئے مردماں وتارا اے لیب ئے باہوٹ کت۔ ہما مردم کہ بھت ئے چکاسگا تتک آنہیا را مردماں کپتہ جُہد،ترسوک او بے زانت گشت میزان میزانا اے ہرابی ئے تہا گیشی بوت۔ نوں نہ ایوکا ہما مردم کہ لیب ئے تہا بہر نہ زرت ئے آہاناں ہراب لیکگ بوت بلکیں ببا دئیوک او ڈنڈ دئیوک اوں شریں چمے آ چارگ نہ بوتنت۔کمپنیا را(ایشیا را اے ناما ہما وہدا توار جنگ بوتگ ات)کٹوکانی چارگ و دلگوشی ئے اوں کار کنگ کپت۔کہ آہاناں کٹ اتگیں زرّ داں ہما وہدانہ رست انت تنا وہدیکہ ڈنڈ ئے سرجمیں زر مچ کنگ نہ بوتنت۔ ہمے وڑا ببا دیوکانی سرا قانودی سرو پر اوں بندات بوتنت۔ججا آہاناں ڈنڈا ابید قانودی سرو پرئے زرانی مچ کنگ ئے یا لہتیں روچ بندیگی ئے سزا دات ۔کمپنیا را تاوان دئیگ ئے واستا ہر مردما بندیگی گچین کت۔بنداتالہتیں مردمانی اے پیشدارگی نہ ترسی ئے سوبا کمپنیارا آنہی ہستیں مزنیں بستارے رست۔
لہتیں وہدارند درگیجوکائی ئے لسٹاں چے ڈنڈئے زرّ درکنگ بوتنت او آنہی جاگہا ہر مناسبیں ہندسہ ئے واستا الم آؤکیں بندیگی ئے روچاں گپت۔اے دگہ وڑیں کسانیں رندا باز ارزشت داروک جوڑ بوت ۔اے لاٹری ئے تہا بے مالی بہرے اولی گام ات ۔ایشیا را باز سوب مندی رست۔ لیب کنوکانی ھب و ھدوناکی ئے ردا کمپنیارا ہندساہانی تہا گیشی کنگ کپت۔
ہرکس زانت کہ بابل ئے مردم دلیل ونام ئے باز لوٹوک انت آہاناں اے گپ دگہ وڑ لگ ات کہ وش بہتیں ہندساہاناں گولیں ہشتانکیاں شمار کنگ بہ بیت وہدیکہ بے بھتیں ہندساہاں بندیگی ئے روچاں او شپاں ،بازیں اخلاقئے واجہ کارانی گپ اش ات کہ سیری مدام وشیانی سوب نہ بیت او اے کہ وش بھتی ئے آدگہ نیمگ گیشتر اثر مند انت۔گریبیں مردمانی تہا یک دگہ پریشانی ئے گپ اوں ہست ات۔عیسائی ملاہانی کالج ئے مردماں شرطا جتگیں زر گیش کت انت و ترس و امیت ئے ہورو توریا وت وش بوہان بوتنت اے بدنیتی ئے تہا بوت کنت آہانی اسدئے جزبگ اوں کارا ات۔پرچاکہ لاٹری پیمیں انچائیں چیزے آکپگا چاگردئے نیمگا چے آہانی سرا بندش جنگ بوتگ ات وڑو پیم انچش ات کہ کسے گریب ات یا امیر درستای اے واہشت ات کہ لاٹری تہا بروبری ئے بہرومندی بہ بیت۔اے حقیں لوٹا آترسناکیں جاک و کوکارا را ودی کت کہ آنہی یات اینچو سالاں رند اوں ہلاس نہ بوت۔لہتیں اڑیں مردم اے گپ ئے نیمگا نہ اتنت(یا آزور انچو پدر کنگااتنت)کہ اے نوکیں راج دپترئے گیش وگیوار ئے یک المی منزلے۔یک گلامے آ یک ناسی ئیں رنگے ٹکٹے دزات۔ٹکٹ ئے کشگ ئے وہدا آنہی للکا سوچگ ئے ٹکٹ دراتک سزاہانی تہا ٹکٹ دزوک ئے واستا ہمے سزا ایر کنگ بوتگ ات۔لہتیں بابل ئے مردماں ہمے گپ دیما آرت کہ اے دزی ئے سوبا گرمیں آسنا گوں داگ دئیگ ئے حقدارنت ہما کہ مزنیں واجہ اتنت آہاں گشت کہ جلاد لاٹری ئے سزاآ وت ایربکنت کہ بھتئے ہمے سوڈگ انت۔
اے اڑو کُڈ کم کما گیش بوت او جنگ و مڑ ئے دروشمئے گپت و آنہی آسرا بازیں مردمانی ہون ریچگ بوت۔بلے گڈسرا بابل ئے مردماں ازگارانی گپ نہ منّ ا ت او وتی گپ منارینت۔مردماناں وتی مزنیں مکسد سرجمیں وڑے آ رست انت یکے وَایش کہ کمپنیا را شریں وڑے آ وس رس ات۔(چیا کہ اے وڑیں گام بازیں چیزانی او نوکیں گامگیجا پہ المی ات) دومی رندا لاٹریا را چیرو آزات و لس جوڑ کت۔زرّئے بدلا ٹکٹانی بہا ہلاس کنگ بوت۔یک رندے کمپنی ئے دستا آہگا رند ہر آجوئیں مردمے چہ وت پاکیں نام کشوکائی ئے تہابہر زرت کہ ہر ہپتاد شپا رند دیوتاہانی چکر وکانی تہا کنگ بوت او دیما نام کشوکائیا داں ہرمردمے بھتا را گچین کتگ ات۔ایشی آسر ہسابا دراتنت کجام اوں المی ئیں آسرے کجام مردمے آ را زانتکارانی دیوانا داں پجارینت کتگ ات یا کجام بنامیں یا مزنیں دژمنے آرا آنہی پنجگاں دات کتگ ات ئے یا یک کوٹی یے پُرتاہیریں ساہگا زہرگروکیں ہما جنینا را دیست کتگ ات کہ آنہی دومی رندا گندگا گوں آدلتپرکہ بوتگ ات۔کجام اوں بے وڑیں آسرئے بزانت اے راہے ئے برگ،زلیل و خواری یا مرگ بوت کتگ ات برے برے کجام یک واکیہ ئے پہ درور جئے شراب جاہا کشتگ یا بئے درجگانی تہا دگہ وڑیں مزنی سی یاچل نام درائیوکانی پرکندیں آسرے بوت کتگ ات اے دراہیں آسراناں ہور کنگ وَ گران انت بلے یک گپے یات دارگی انت کہ کمپنی ئے ہست و نیست مزنیں چالاک و ہر چیز کنوک اتنت۔(دگہ است انت)بازیں جیڑہانی تہا اے سرپد بوہگا رند کہ لہتیں وشی ایوک چہ بھتا رست انت،ہما وشیانی شریاناں کم کنگئے ہساب انت چہ ایشیارکگئے واستا کمپنی ئے کاردار دلبڈی او جاتوئے تاگتا کار مرز کنگا اتنت۔آہانی کارو سرو پر چیر اندر ات کجام اوں مردمے چیریں امیتانی او ترسانی درگیجگئے واستا آنہیا نجومیانی و جاسوسانی کار کپتگ ات لہتیں سنگا جوڑ بوتگیں شیراتنت۔یک پاکیں پوہی ئے ات کہ قفقہ گشگ بوتگ ات۔ یک نالی یے آکمے شانک مان ات کہ لس ھیالئے رداکمپنی ئے نیمگا بروک ات۔بدچاریں یا بدیں مردم اے شانکاناں چہ وتی زانتکاریا چے پرکناں اتنت۔راستی ئے وڈوڑیں شریانی اے سرپدیا را ا،ب ئے ہسابایک فائل یے تہا یکجاہ کتگ ات۔
بے باوریں گپ اش ات کہ تکانسری پدا اوں دیما آہان ات۔ کمپنی دور چاری ئے ردا تچکا تچک پسہ ندئیگا ات۔ آنہیا پوشانی کارجاہا دارئے بے کاریں ٹکرانی سراہما کسانین گپ بے وڑیانبشتہ کنگارا ارزشت دات کہ نوں پاکیں قولانی تہ اہوار انت۔ایشی تہا ہما جوانیں گپ ات کہ آایش ات کہ لاٹری اے دنیا ئے بروبریا مردما را یک موہے پجارینت اورد یاناں منگ بھتا را نہ منگ نہ انت بلکیں ایشی ہم سنتی انت گیشتر اے کہ ہما شیر و پاکیں شانک چہ کمپنی نیمگاناجائز گشگ نہ بوتگ انت(او ناں آچہ ایشیا نپ چست کنگئے حقاچے دست کش بیت)بلے آکجام اوں سرکاری دیم زوریا ابید کار کنگءَ اتنت۔
چہ اے جار جنگا مردمانی تہا شنگ بوتگیں تکانسری کمو کمتر بوت۔ایشی لہتیں دگہ اوں آسر دیما اتک کہ آہانی باروا بوت کنت وت نبشتہ کنوک اوں سرپد نہ اتنت۔چہ ایشیا کمپنی کار کرت وجزبگ اوں شریں وڑے آداں بدل بوتنت۔منی گوراوہد باز کم انت مارا پیسرا بڈکی دئیگ بوتگ کہ گراب ارداں چست کنگی انت بلے من جہد کناں کہ اے گپارا شاہگانیادیما بیاراں اے گپ داں چینچو بوتناڈن گندگ بہ بیت،بلے اے وہدا داں ایشانی گورا لیبانی باروا کجام ٹہتگیں لیکہے برجاہ دارگے جہد کنگ نہ بوتگ ات بابل ئے نندوک گیش دور چاروک نہ بنت۔آبھت ئے سوڈگانی منوک انت و وتی زنداں ،ترس و امیت چہ ایشاں بندوک کن انت بلے آہاں ہچبر اوں اے دگہ وڑیں رہبندانی یا ایشانی جار جنوکانی براں گردوکانی باروا جست و پرس کنگ ئے بارو تی کوپگاں نہ زرت بلے اے نہ منتگیں جاراچے کہ آنہی گپ پیسرا بوتگ بازیں قانودی و ہسابی گپ و ترانانی بندات بوت۔ایشاں چے کجام یک سوبے آاے کیاس جنگ بوت کہ اگاں لاٹری ئے مکسد تپاکی ئے گیشی ئے نام انت اودنیاآ پروشت و پروشی ئے آہگ انت گڑا چے اے وڑ شرتر نہ بیت کہ تپاکی ئے آہگ ایوکا نام کشوکائی ئے وہداں بوہگءَابید ہروہداں بہ بیت؟ چے اگپ ئے واستا مسکرایے بیت کہ ایشی ئے ھگماچے کسی ئے مرگئے کارٹہنگ بہ بیت۔وہدیکہ آنہی مرگئے سرجمیں حال، آنہی دگہ وڑیا چیر بوہگ،یا یک کلاکے یا یک کرنے آ رند بوہگ،چہ آنہی دستا ڈن بوتنت؟اے دراہیں وہم و گمانانی سوبا گڈیا لائکیں گپانی تہا شری آرگئے راہ پدر بوت کہ آہانی پیچ و تابی ئے باروا(کرنانی کارا چے دگہ گیشی بوت)بس لہتیں زانتکار سرپداتنت بلے من جہد کناں کہ کسانیں اوچیدگی رنگے آ ایشاں دیما بیاراں بیا ات ما شما اولی نام کشوکائی ئے گمانا کنیں کہ آنہی تہا کجام مردمے واستا مرگئے سزا ئے نام درکیت۔اے سزائے کارگرگئے واستا یک دگہ نام کشوکائی اے بیت۔ کہ چریشی چے(پہ درور) نوں بوت کتگیں جلادانی نام درچنگ بنت چہ ایشاں چاریک دگہ نام ئے مان کت کناں کہ چریشیا راستیں جلاد ئے نام گچین کنگ بہ بیت۔دو دگہ نہ بوتگیں ھگمارا بوتگیں ھگم ئے تہا بدل کت کت کناں(درور انچائیں خزانگے لوٹ) یک دگہ مردمے اے سزاآ را جنگ و پروشگیں مرگے آ بدل کت کن لہتیں کاردار ایشی سرا بوہوکیں کارا چے مکن کن انت اے درست چیدگی ٹہینوکائی بنت راستیا نام کشوکائی ئے ہساب بازانت ہچ سوڈگ(فیصلہ) گڈی نہ انت ہرسوڈگ دومی ئے تہا انت بے زانتیں مردم فہم انت کہ بے ہسابیں نام کشوکائی ئے واستا بے ہسابیں وہد لوٹیت۔گواچنیا اے گپ وہدے باروا باز انت کہ وہد بے ہسابیں وڑے آ بہرو بانگ بوت کنت انچو کہ مارا کپیس و کرگوشک ئے کسہ گشیت ہمے ہسابی لائکے ستائیں حدّے آ پیچءُُ تابیں اناگتی آ لاٹری ئے آزمانی نمونگاگوں ہمگرنچ کنت انت۔اے چیز ئے افلاطونی مردم عبادت کناں مئے رسم و دودانی بگڑاتگیں چیھال طائر ئے کورے لمبا ارش کنگ بیت ایلس ایلس لمپریڈیںآ وتی کتاب انٹویس ہیلی آرگابالس ئے زند ئے تہا گشتگ کہ اے بادشاہ وتی مہماناں رستگیں چیزاں کرکینکانی سرا نبشتہ کتگ ات ئے کہ کئی بہرا دہ پونڈ سہراتک او کئے آرا دہ مگسک،دہ ادرک یا دہ مم۔اے گپ یات دارگہ لاہک انت کہ ہیبوگباس ایشیائے کوچکا مزن بوتگ ات اوآنہی رودینگ دیوتا ایپالمس ئے پادریا کتگ ات۔
بے مردمی نام کشوکائی اوں بوتگ ات کہ آہانی بے گچینی سوڈگ اتنت۔درور پہ ایشا ں کجام نام کشوکائیا چے اے ھگم دئیگ بوتگ ات کہ ٹپروبین ئے یک یاقوتے فراتئے آپانی تہا دور دئیگ بہ بیت یا اے کہ یک مُرگے آرا کجام مینارئے چھتا چے بال دئیگ بہ بیت یا اے کہ بندنی ریکانی بے ہسابیں دنزاں چے ہریک کرنے آ رند یک دانگے ئے گیشی کنگ بہ بیت(یاکم کنگ بیت)ایشی آسر کجام اوں وہدے آ تُرسناک بوت کن انت۔
کمپنی ئے نپ دیوکیں اثراں چے مئے دودانی تہاتپاکی ئے مزنیں گیشی یے بوتگ دمشق ئے شرابئے پورئیں درزنئے بوتلانی کمباں بہا زورکا ہچ وڑا ابکئی نہ بیت اگاں ایشاں چے کجام اوں یکے آ تاہید یا مارے بہ بیت گیش و گیوار کنوک کجام نہ کجام وڑےءَ ردیں چیزے مان کتگ ات من وت ہمے اشتاپیا گشتگیں گپانی تہا چیزے ناں چیزے بدلی آورتگ یک وڑے ڈولداری یاکڑوکی مان کتگ ات۔مئے دپتر زانت کہ اے جلگہیں گیدی ئے باروا حاصیں وڑے آ درگیتکگ۔اے کار وڑے کارمرزی باور ئے لائک انت اگاں چے ابرمی رنگے آ ایشی سرا بید رد دیوکائیا کار بوت نہ کنت۔ایشیا ابید کمپنی ئے راج دپترا چے گیش ہچ دگہ چیز انچو کسہ آ چے دنزین نہ انت کجام او ں عبادت جاہے آچہ درآہوکیں یک دستاویز ئے کجام اوں بوہوکیں نام کشوکائی ئے آسر اوں بوت کنت او چنچو کرن پیسر بوتگیں نام کشوکائی ئے اوں کجام کتابے چاپ بوہگا رند کجام اوں زلمے آ ہور ک نہ بیت نبشتہ کنوک اے گپ ئے قولا چست کت انت ئے کہ آکجام اوں لبزے آ ہلاس یا بدل کننت بستگیں دروگ انچو دیما روان بیت۔
جتا بوہگ ئے وہدا عاجزی سوبا کمپنی ہروڑیں ستا و گلاہیا چے وتارا دور داریت آنہی کاردار ابرمی ردا چیز اندر بنت۔ آنہی شنگ کتگیں ھگم(بیدء کزا)رد دیوکانی نقلی ھگما چے جتا نہ بوتگ انت او پدا کئے انت کہ وت وتارا رددیوک بگشیت؟بے ہوشیا ردیں سوڈگ کنوکیں شرابی،یاکجام اوں واب گندوکے چٹیں مردے اناگت وابءَ بست بکنت او وتی گورا وپتگیں جنین ئے گُٹہ گرگا بندات بکنت چے اے دوئیں کمپنی ئے کجام چیریں سوڈگئے سرجم نہ کنگا اتنت؟ اے حاموشیں وڑے آ کار ئے بوہگ آنہی دیم پہ دیمی واجہ ہدا ئے کاراں گوں کنگ بیت۔ہروڑیں ھیال و لیکہاں ودی کنت۔ایشانی تہا کیاس یک مزنیں مکروہئے وڑے آ گشگ لوٹیت کہ کمپنی ئے عمر لہتیں کرناں چے گیش نہ انت وہدیکہ مئے زنداں اے سٹ و کپ خاندانی یے چیزے ایشیا مدامی سرپد بنت و گش انت کہ اے رنگ زندگی ئے گڈی شپا داں بیت وہدیکہ گڈی دیوتا اے دنیا آ تباہ کنت یک دگہ اندازگے چوش گشیت کہ کمپنی ئے ابرم باز شاہگان انت بلے ایشی اثر مندی ایوک کسانیں چیزاں داں ہست انت درور کجام اوں مرگے ئے چھیالئے تہااوں سنگرے ئے ساہگا یا فجر ئے نہ وشیں ساہتاں پشکپتگیں وابانی تہا۔بے عقیدئیں مردمانی ردا کمپنی ئے بن ہشت ہچبر نہ بوتگ او ناں کدی بیت یک دگہ انچیں ھیال اوں ہست کہ کجام گڈ ومنجیں کار گسے ئے بوہگ ئے ہست یا نیست بوہگاچے ہچ وڑیں تپاوتے نئیت پرچاکہ بابل تپاکی ئے یک بے ہسابیں باریگے ئے لیبا ابید ہچے اوں نہ انت۔

Check Also

March-17 sangat front small title

یہ دنیا والے ۔۔۔ بابوعبدالرحمن کرد

(معلم۔ فروری 1951) مہ ناز ایک غریب بلوچ کی لڑکی تھی۔ وہ اکثر سنا کرتی ...

Leave a Reply

Your email address will not be published. Required fields are marked *