Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » بابا نارائن داس بھیچر ۔۔۔۔۔۔ لعل بخش رندحمل امین دشتی

بابا نارائن داس بھیچر ۔۔۔۔۔۔ لعل بخش رندحمل امین دشتی

چہ مرشیا چہل پنجاہ سال ساری کراچی پتّاک ( جدید) تریں شہرےے بوتگ، نوک جوڑ بوتگیں بالی پٹ ( ایئر پورٹ) بندن( سی پورٹ) کسٹم ہاﺅس او ریلوے لائن او پدا شہر ئے دو ءُ نیم لاکھ ءِ آبادی آئی ئِ مزنیں شہر ستانی ءِ شاہد اِتنت۔ لی مارکیٹا بگر تاں صدر ا غریب مزدور و دھکان کارانی جاگہہ اَت، بلوچ مزدور کمیاڑی سائیٹ ورکس و میل و کارخانہانی تہا مزدوری کنگا اِتنت۔ آوھداں چھاﺅنی اتنت سندھ سیکرٹریٹ اَت، کمشنر ہاﺅس ، ازگاروبیوپاریانی بازیں بُرز تبکیں ماڑی و ابیلی اِتنت و اشانی میانا یک بلاہیں پَٹّ ےے پچ اَت کہ اودا دلوتانی ہاترا آپ ئِ تلاوگ ( تالاب) جوڑ کنگ بوتگ ات و یک نیمگے بلاہیں بلاہیں گودام امبار ( گودام) اِتنت وہدیکہ سیٹھ و بزنس چیف وت یکیں بلڈنگ ئَ جہہ منند اِتنت و ضلورت منداناں کریہہ ےے سرا جاگہہ و رہائش ےے داتگ بوتگ او کارداراناں مفت نندو نیادہ جاگہہ ئے داتگ بوتگ۔
تمکار ئِ مُد و موسم ئَ دھکاناں وتی جوہان ماں ہر، گوک و اشُتر گاڑیاں دلوتا نی حاتر اکاہ و قدیم ہوں بہائی رستگ ۔ کراچی ئِ کشک و دگ ہم آوھداں پکا او پراہ و شاہگان بوتگ اَنت، دوستان چہ مستریں دگ آوہداں بندر روڈ بوتگ ، ریلوے آ گوں ہمگرنچیں کراچی چھاﺅنی ئِ ماڑی و آئی ئِ کِرّ و گورا کارجاہ و بازیں سلاہ اڑکنوکیں دکان اِتنت۔ کنٹونمنٹ بورڈ و میونسپل کارپوریشن کس مہلوک ئِ جہگیری کنوکیں جہگیر اتنت ، کارگس وتی قانود و راھبندانی منوگر اِتنت۔ کراچی الیکٹرانک سپلائی کارپوریشن ئِ چلائینگ ئِ وڑ و پیم ” برقی“ اَت۔ کراچی ئِ دگ بیست و چار کلاک ئِ تہا یکر ندے الم گوں آپا شودگ بوتگ اِتنت۔ ریل ، بالی و ایمبولینس ئَ چہ رند کراچی ئِ سڑکانی سرا میزان میزانا بس ٹرک ءُ کار گاڑی تچگ ءَ لگیتان، سابی پٹ بنداتا فوجیانی کارانی حارَا کار مرد بوتگ اَت پدا مدان مدانا کراچی ئَ ہم پاسینجر کیش جہازرانی رو آبندات بوت۔ کراچی پورٹ ٹرسٹا گوں نزیکی داروکیں بیو پاری سیٹھ ءُ تُجار کا ٹھیا واڑ، گجرات، بمبئی ءُ ایرانا چہ آیان بوتان او پدا چہ اشاں رند چہ کا ٹھیا واڑ، رو پھر، پنجاب و افغانستان ئِ مزدورانی یک بلاہیں کورے آیاں بوت اے پہ محنت مزدوری ، روزانداری او ایندگہ روزگارانی ہاترا آیاں بوتاں اِشانی تہا اردو زبانا گپ جنوکیں مردم گیشتر اِتنت ہمے پیم ئَ چہ ہرچ نیمگ ئَ ازگار ، میگم ، نیزگارو مزدور کراچی ئَ آیان بوتاں ءُ کراچی ئِ دیمروی ئَ سندھی او ہندو دانشوراں ، بلوچ مزدوراں ، کچھی ، مارواڑی اوایندگہ ماہریں کاریگر، ماہیگرو فیکٹری مزدوراں حصہ زورت۔
سیٹھ آنند داس بھیچر کاٹھیا واڑا چہ اتکگ اَت آئی ئَ وتی مرگ ئِ وہد ا ناں وتی بچ نارائن داس بھیچرا پہ 30 ماڑی ویک بلاہیں ایکسپورٹ امپورٹ ئِ کاروبارے پشت گیتک بلے کسانیں سیٹھ نارائنا چہ پت ئِ کاروبار ا چے جتا و گستا لس مہلوک وہزمت و مہلوک ءُ مزدورانی یکجا کنگ ءُ نی ءُ آیانی حقانی بابتا جدوجہد بندات کت۔ او آئی ئَ وتی سرجمیں زند ا مزدورانی ہاتر ا کارکت آئی وتی پت ئِ دراہیں مڈی ءُ گنج و ازباب پہ ہمے کار ئے دیناں بباں داتاں پمیشکہ مردماں نارائن داس بھیچرا راسیٹھ ئِ گُشگ یلہ دات و آمرد ماں کامریڈ ئے نام ئَ تگوار پرجت ۔ نارائنا درستاں ساری چاگردی رھشون جمشید جی منہا ئِ نودر بری کت چہ وتی حقاں زبونیں سینٹری ورکرا گوں ما کامریڈ نارائنا وتی چاگردی ہزمت بندات کت، کامریڈئے پلہ مرزی ءُ مالی کمک ئَ گوں سینٹری ورکرانی قانود سازی بوت کہ چہ اے کار ا آیاں بازیں آسودگی او آسرا تی ےے رست۔ کامریڈ ا پرائیویٹ سنٹری ورکرانی ہم جتائیں گل ےے اڑ دات ۔ کامریڈ چہ وتی ہرچ و درچا انچھوڑ لائن ئِ پراہ و مشاھ گانیں جا سینٹری ورکرانی ہاترا ئَ پہ یک رہائش کالونی ےے بست کہ آئی ئِ تہا ہسپتال و اسکول ہم ہوار اتنت۔ بلدیہ ئِ محکمہ ئَ پدا آیاناں آسراتی پُجار ینت۔
کماڑی ئِ دمگ ئَ فیکٹری ایا ئَ کامریڈ نارائن داس و سوبھوگیان چندانی آ ٹریڈ یونین یکجا او ہمگرنچ کت۔ ڈالمیا سیمنٹ فیکٹری ئِ ای ۔ ایس ۔ سی کارپوریشن ٹراموے کمپنی ئَ ہم یونین سازی ئِ کار برجم کت انت۔ پورٹ ٹرسٹ لیبر یونین او ریلوے لائن ئِ برجم کنگ ئَ لیبر ڈیپارٹمنٹ ئِ ہم کمک ہوار اَت۔ فیکٹری مالکان ہم اے پمیں یونین سازی ئَ چہ نہ تُرستینت فیکٹری ئِ انتظامیہ او سیاسی پارٹیاں ہم وتی مزدور دوستی ئِ ہب و ہزمت درشانت۔ کامریڈ نارائن داس ءُ آئی ئِ ہم خیالیں سنگتاں مدام پرائیویٹ تعلیمی کارسگانی جوڑ شت ئِ ایر کنگ ئَ مدت و کمک کت کہ چہ اے کمک ئَ چہ آکار گساں سائنس، راج دپتر و ایندگہ نوکیں حاجتانی بنیادانی مطابق ئَ تعلیمی نصاب اڑ دات اَتنت کامریڈ نارائناگوں کمیونسٹ پارٹی ئَ یکپارگی کمک کُت او آپیسرا انڈین نیشنل کانگرس و پدا جے پرکاش نارائن ئِ سوشلسٹ پارٹی ئِ باسک جوڑ بوت۔
پاکستان ئِ جوڑ بوہگ ئَ رندہم لیبر ڈیپارٹمنٹ فیکٹری مالکان، ڈالمیا ءُ کراچی الیکٹرک سپلائزر کارپوریشن ئِ انتظامیہ ئَ کامریڈ نارائن داس ئِ سک باز عزت کُت ہر جاگہ کامریڈ ئِ ادب و احترام کنگ بوت ہر جاگہ مزدورانی لوٹ وگزر کہ نہ مننگ بوتاں گڑا اووا کامریڈ ئِ سفارش کامرڈ نارائنا وتی سزجمیں زندیک درویش مردے ئِ دروشم ئَ گوازینت ۔ چہ پاکستانا پیسر یک رندے منی کستریں براتا کامریڈ ارا یک چاقوے جت و ٹپیگ کت بلے کامریڈ اپٹی ءُ درمانا چہ رند چہ درستاں ساری اُرشد ضمانت کت او آیلہ دیئائینت پدا آتاں زندگ اَت کامریڈہ دیم ئَ پشل پشل اَت۔بلے پاکستان ئِ جوڑ بوہگ ئَ چہ رند درویش کامریڈ ئِ ہاترا بازیں مشکل جنجال ےے دیم ئَ اتک ، سی آئی ڈی والا مدام آئی ئِ رندا کپتاں ءُ گُشتے کہ کامریڈ نو تو ہوں انڈیاآ برو …….. ترا بس اِنت ۔ بلے کامریڈا مدام پَسّہ دات کہ سائٹ و سینٹری ورکرز ، کمیاڑی ورکرز ءُ ڈالمیا ءُ ٹراموے ورکرز اے درھ منی چُکاں ، پشہ پنجاب ئِ ءُ اردو گپ جنوکیں مزدورانی ہم من بابا ہاں ۔ مناں بِل ات کہ من وتی چکانی تہا زند گوازیناں من چہ شُما نگن و وردن نہ لوٹاں شما چیا نیل اِت؟۔ شما مناں چیا بے وطن کن اِت؟
دوئمی نیمگ ئَ سوبھوگیان چندا آیاناں سکیں درشکیں جواب ےے داتگ کہ من سندھ ئِ مہروانیں او سارتیں ریک ئَ چہ ودی بوتگاں ءُ من مراں ہم ہمے سرڈگار ئے ءُ اے ملک ئِ تہا جمہوریت ، سیکولرازم او ہم سُنتی ( رواداری) ئَ گوں زند گوازینگ بیت کنت گاں ناں گڑا کس ادا جَلّیت نہ کنت۔
ہمے وڑا سندھ ئِ چاگرد ئِ تہا نا چاقی یا مذہبی تپاوت نامیں ہچ پیمیں جیڑھے نیست اَت۔ سندھی، کوہلی مسلمان صوفی یانی ہر جاگہ عزت کنگ بوہگ ئَ اَت۔ مالا بارئے مردماں ہندو بیوپاریاں بیاض دات و وتی کاروبار دیم ئَ بُرت ۔ چہ مرچیگ ءَ چل پنجاہ سال ساری دلوت و گوسفندانی گوماں ہم مردماںلَٹ و کُٹ برداشت نہ کرتگ اَت۔
سیٹھیں واجہ کارو میونسپل افسران وت بیمارو ٹپیگیں دلوت علاج کتگ اتاں، غریبیں اشترو گوک گاڑی والہاناں ہرچ و درچ ئِ حاتر اخیرات دیگ بوتگ اَت چونکہ کراچی سندھ ئِ جہگیراَت پمیشکہ اِدا سستا و شر تریں نشتن جاہ رست کراچی کہ وہدے ملک ئِ تحت جوڑ بوت گڑا اے یک اسلامی ملک ےے تحت اَت ءُ دوئمی نیمگ ئَ کراچی کسانیں پاکستان جوڑ بوتگ اَت۔
بلے اودا انسانیت، ہم پتّی ءُ ہم سُنّتی ، انصاف ءُ جمہوریت ئِ قدر کنگ نہ بوت بنداتی روچاں ہندو ءُ مسلماناں میڈینگ بوت او چہ قدیم ئَ آبادیں کراچی ئِ دل دوستیں ہندو تُجاّر و بکّال چہ کراچی ئَ کشگ بوتاں کامریڈ سک باز دلپدرد بوت پرچا کہ مذہبی جیڑھ سک باز مان گیشینگ بوتگ اَت پمیشکہ آئیا گشت کہ نوں ادا کمیونزم و سوشلزم ءِ واسطہ مذہبی بنیاد درگیجگ لوٹیت تاکہ اے نظام اوشتات بہ کنت پمیشکہ کامریڈ ا ون یونٹ ئِ بابتا سک نگدکاری کُت و آمذہبی گنوکانی ہم سک ہلاپ اَت۔
فروری1959 ئِ بنداتی روچاں کامریڈ سک بیمار بوت و آئی ئَ وفات کُت ۔ کامریڈ مدام مردمانی جناز ہاں شتگ بوتگ پمیشکہ آروچی ہم آئی میت ئِ سرا مردم سک باز اتکگ ات۔ سوبھوگیان چندانی، نبی احمد، محمد شریف، غلام محمد بٹ، یوسف خان مبارک ساغر محی الدین ءُ دگہ بازیں مردم ےے اتکگ اَت۔ جلوس ئِ تہا بلدیہ، سائٹ ، کمیاڑی ءُ ایندگہ فیکٹریانی مزدورانی بلاہیں کساس ےے ئَ بہر زورتگ اَت۔ جلوس ئِ تہا کلمہ طیبہ ئِ آواز بُرز بوہان بوت کامریڈ نارائن داس بھیچر ئِ سیاد و وارث پریشان بوت انت مھلوک کامریڈ ئِ میتا قبرستانا برنت ءُ دفن مہ کننت بنلے پدا مُچی شمشان بھومی نیمگا شتہ او نزدیک رست تہ وارثانی حوالہا دیغ بوت کہ او دا آسوچگ بوت۔
کامریڈ نارائن کساس ہشتاد سالا زندگ اَت دراہیں عمرا وتی مزدورانی ہزمت ےے کُت آئی ئِ چکاں چہ آئی ئَ جائیدادا ہچ نہ لوٹیت۔ آئی ئَ مدام گوں وتی روزواہ ءُ آژناگانی نیکس دعا پانی برکتا زند گوازینت و مدام وتی روحانی چکانی تہا وش و وشدل اَت۔ کہ آیانی تہا لالہ لال بخش رند، کامریڈ عبداللہ بلوچ، عثمان بلوچ ،یوسف مستی خان رحیم بخش آزاد او دگہ سداں ایندگہ سنگت و بیلی ہوار اِتنت۔

Check Also

jan-17-front-small-title

شاہ لطیف،صوفی نہیں، یوٹوپیائی فلاسفر ۔۔۔ شاہ محمد مری

اچھے لوگ انہیں سمجھاتے رہے کہ انہیں اس سے کوئی فائدہ نہیں ہوگا ۔ کسی ...

Leave a Reply

Your email address will not be published. Required fields are marked *