Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ایک بچے کا غسل ۔۔۔ پبلونروداکشور ناہید

ایک بچے کا غسل ۔۔۔ پبلونروداکشور ناہید

اس زمین پر قدیم ترین محبت بچوں کے مجسموں کو نہلا کر کنگھی کرے گی
وہ ان کے پَیروں اور گھٹنوں کو سیدھا کر ے گی
پانی چڑھتا ہے ، صابن پھسلتا ہے،
اور پاک جسم پُھولوں اور مامتا کی ہواﺅں میں
سانس لینے کے لےے اُوپر آتا ہے
اوہ ! کس قدر شد نگہداری
خوبصورت فریب ِ نظر
اور بے جان جِدّوجہد!

اب بال ایک اُلجھی ہُوئی بوچھاڑ کی طرح ہیں
جس پر کوئلے، برادے، کلونس اور برقی تاروں نے
آڑی ترچھی لکیریں ڈال رکھی ہیں
یہ اس وقت تک اُلجھے رہیں گے
جب تک کہ محبت اپنے تحمّل کے ساتھ
بالٹیوں ، سفنج، تولیوں اور کنگھوں
کو بروئے کار لائے۔
یہاں دھونے اور سنوارنے سے
اور بنیادی احتیاط کے نتیجے میں
سفید یا سمین کی طرح
بچہ نمودار ہوتا ہے، اور بھی تازہ،
مگر پھر بھی وہ کب آرام سے بیٹھے گا
ماں کے بازوﺅں کی زنجیر توڑ کر
اپنے جُنوں اور شوق کے طوفان میں
وہ پھر کیچڑ ، تیل، پیشاب اور روشنائی
کی تلاش میں نکل جائے گا
خود کو چوٹ لگاتا اور پتھروں پر لڑھکتا پھرے گا۔
یُوں ، دُھلا دُھلایا، بچہ زندگی میں شامل ہوتا ہے،
کیونکہ زندگی کی اگلی منزلوں میں اس کے
پاس سوائے صاف رہنے کے او ر کسی
چیز کے لےے وقت نہ ہوگا،
مگر اس وقت صاف رہنے کے باوجود
زندگی مفقود ہوگی۔

Check Also

April-17 front small title

شازیہ کی بیٹی ۔۔۔ آمنہ ابڑو

شازیہ، وہ کمسن ماں جسے بیٹی پیدا کرنے کے جرم پر شوہر نے کلہاڑیوں کے ...

Leave a Reply

Your email address will not be published. Required fields are marked *