Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » ایوان ایلی ایچ ءِ مرگ ۔۔۔ ٹالسٹائی/ڈاکٹر بیزن بلوچ

ایوان ایلی ایچ ءِ مرگ ۔۔۔ ٹالسٹائی/ڈاکٹر بیزن بلوچ

اولی در
میلو ینسکی ءِ کیس ءِ گوشدارگہ وھد کموکے مھتل بوتگ ات ۔عدالت ءِ ٹوھیں ماڑی مک اِنت ۔وہدیکہ عدالت ءِ باسک پہ دمانیے ءِ ساسارگا رند، سرکاری وکیل ایون ایگوروچ شیبک ءِ کارگسایکجاہ نشتگ ات انت۔ یک کیسے ءِ سرھال ءِ سر اگپ و تران گوں جوش ءَ برجا ات۔ فیودور واسیلی وچ وتی گپ ءِ سر اوشتاتگ ات کہ اے مقدمہ ءِ پیسلہ عدالت ءِ وسی کارے نہ اِنت ۔بلئے سرکاری وکیل ویگورووچ ہچ پیم ءَ منگ ءَ نہ ات ۔ایشانی تہا یک مردے نامے پیٹر ایوان نووچ اث و آنہیا چہ بندات ءَ اے سرھال ءِ بابتا گپ نہ جت ۔آ نوک اتکگیں ھالتاک ءِ تاکاں لیٹینان ءُُ وانگ ءَ دلگوش ات۔
ناگتہ آ جہہ سر ات ءُُ گشتے’’ واجہاں ۔۔۔ایوان ایلی ایچ بیران بوتگ‘‘
’’اڑے ۔۔۔چش مہ گش ۔۔۔پدردیں ھالے‘‘
باور نہ کنئے وت بچارے ایش انت ھالتاک ءَ ہال شنگ بوتگ ۔پیٹر ایوان وچ پسو دات ءُُ ھالتاکے فیودرو یسلی وتیءِ نیمگ ءَ شہارت دات ۔ھالتاک پریس ءِ نوک چھاپگ ءَ ترات ءُُ سیاہی ءِ بوہ ءَ ات ۔یکے ھالے شنگ ات کہ آنہی چاریں پہناتان سیایں لکیر اتنت ۔
’’ من پراسکوویا فیودر ونا گولووینا،پہ دلپدردی وتی عزیز ءُُ دوستاں اے نہ وشیں ھال ءَ دیاں کہ منی ننگریں لوگ واجہ ایوان ایلیوش گولوون مروچی 4 فروری 1882آ بیران بوتگ ۔آ عدالت ءِ باسکاں چے یکے ات۔ آنہی جنازہ آدینگ ءِ نیم روچ ءِ یک بج ءَ جم دارگ بیت ‘‘
ایوان ایلیوچ اے درائیں مردمانی ہمراہءُُ دوستے ات ،درستاں آں سک دوست ات۔ آں گوستگیں چیزے ہپتگ ءَ یک انچیں نادراھی یے ءَ گپتگ ات کہ لاعلاج گشگ بوتگ ات ۔تنی وھدے انگت ءَ آنہی اگدہ دارگ بوتگ ات ءُُ ہمے گمان ات کہ اگہ آنہیا وپات کت گڑا آئیءِ جاگہہ ایکیسف نادینگ بیت وھدیکہ ایکیسف ءِ کرسی دو امتیوار اتنت۔ آوانی نام وینیکوف او اشٹابل گرگ بوگا ات۔
پمشکا ایوان ایلی وچ ءِ مرگ ءِ ھال ءِ تالانی ءَ گوں اے کارگس ءِ نشتگیں مردمانا اولی ھیال ہمیش اتک کہ آوانی جندے سنگت ءُُ عزیزانی تہاکئے ءَ نپ رسیت ءُُ دیمروئی کنت ءُُ شرتریں اگدہے گپت ۔ فیودر ویسیلی وش دل ءِ تہاچرت ءَ کپت ’’ وینی کوف یا شٹابل ءِ کرسی من ءَ رس ایت اشی چہ من پگار ءَ ھشت سد روبل پر بیت ءُُ ایندگہ الاؤنساں وَ بل ‘‘
’’مدتے گوستگ کہ من ءَ ہمے زبان دیگ بوتگ ‘‘پیٹر ایوان وچ ھیالاں گار بوت ’’ منا زوت وتی وسرک ءِ انوگیں جاگہہ ءَ چہ بدلی ءِ بابت ءَ چست ءُُ ایر بنا کنگ لوٹیت ‘‘ پرایشی منی دل وش بیت کہ من ہمگوں دل ءِ جہلانکی ءَ آئی ءِ کس ءُُ عزیزان پہ کار کنیں‘‘
’’ من ءَ پیسرا چہ مالوم ات کہ اے مرد چہ بنڈ ءَ مشکل انت کہ پاد بئیت ‘‘ پیٹر ایوان وچ پریں توارے ءَ گوں درائینت ۔
’’باز اپسوز انت ‘‘
’’ بلئے آئی ءِ نادراہی چے ات؟‘‘
’’ ڈاکٹراں برے یک گپے جت بلے دوہمی۔ کس ءَ آنہی نادراہی زانت نہ کت ۔لہتیں روچ ساری وھدے من آئی ءِ گندوکا شتوں گڈا انچش ات کہ گہتر بوہان ات۔
‘‘ ھو! یار ،من ہم موکلاں چہ رند آ ندیستگ ہر وھداں ھیال کتوں کہ برواں بلئے۔۔۔۔۔‘‘
’’ باریں جائیدادے چیزے پشت ءَ است ئے ؟‘‘
’’’ آنہی زال ءَ چیزوکے ھست ئے بلئے باریں اینچک ءَ گیش نہ بنت‘‘
’’ مارا لازم روگی انت بلئے ایشانی جاگہہ دور انت ۔‘‘
’’دیر انت بلئے ۔۔۔۔تئی واستہ ہرچی دیر انت ‘‘پیٹر ایوان وچ بچکنداں گوں شیبک ءَ گشت۔
’’تو بزاں کہ من دریا ءِ دومی دست ءَ نشتگاں گڈا ہرکس پرے ھبر ءَ من ءَ پہل کنت۔‘‘
گپ دیمءَ رواں شہر ءِ بازیں ہلکانی دور ی دراجی ءِ بابتابدل بوت تاں کہ آ عدالت ءِ کوٹی ءَ پترت انت۔ اے ناگتیں بیرانی ءَ مردمانی دیمروئی بدلی ءُُ ھورکیں جاگہانی پر کنگ ءِ اومیت واری ءَ ابید ہرکس پہ دل پہ اے ھال ءَ وش ات کہ آوانی جاگہہ ءَ ایوان ایلی ایچ مرتگ ۔ہر مردم ءِ ہمے پگر ات کہ اگہ آ مرتگ گڈا من زندگان ۔پردگے آئیءِ جاگہہ ءَ من نہ بوتاں ۔ایشی ءِ ھواری ایوان ایلی ایچ ءِ نزیکیں سنگت ءُُ پجاروک ءُُ ہمکارانی واستہ دگہ مستریں پگرے ہمیش ات کہ آوان ءَ لازم جنازہ ءَ روگی انت ءُُ پرس ءِ پترءِ لگت دیگ ءَ آئی ءِ جنوزام ءِ کرا رواجی روگی انت ۔فیودر ویسلی ویچ ءُُ پیٹر ایوان وچ درستاں چہ گیش آنہی نزیکیں پجاروکی ات۔
پیٹر ویسلی ویچ ءَ وتی قانون ءِ زانت چہ ایوان ایلی ویچ ءَ دربرتگ ات ءُُ آنہی برکتءَ اے کد ءَ رستگ ات۔
نیمروچ ءِ نان ءِ سرا آئی وتی زال ءَ را نہ ایوکا اے مرک ءِ ھالے دات بلکیناہمے اومیت ئے درشان کت کہ بگندے زال ءِ برات زوت نوں آنہی کار جا ہ ءَ بدل بہ بیت ءُُ ہمینگو بئیت انت۔ مروچی نیمروچ ءِ واب ءِ بدل ءَ آ ایوان ایلی ایچ ءِ لوگ ءِ نیمگ ءَ رھادگ بوت ۔آنہیا شپ ءِ پوشاک گوارا ت۔
لوگ ءِ دپ ءَ دو اسپگاڑی ءُُ یک بندگا ڑی یے ءَ داشتگ ات ۔پیشگاہ ءِ دیوال ءَ نوکیں تابوتے تکہ ات ۔ایشی ءِ سرا سہر رنگ ءِ پِر داتگیں چادرے تالان ات کہ آنہی لمب گوں دوچ ءَ ششوکان ءُُ جلواہ ناک ات ۔دو زالبول سیاھیں پوشکانی سر بر ءِ سر چادر ءَ دیر کنگ ءَ اتنت یکے ایوان ایلی ایچ ءِ گہار ات کہ آں پیٹر ایوان ایچ پجہ آورت ۔دومی درآمدئے ات ۔ہمے دمان ءَ آنہی چم وتی نزیکیں پجاروکے شوازئز ءَ کپت انت کہ ہمائی ءِ نیمگا گام جنان ات ۔گوں رسگ ءَ آنہیا درائینت ۔
’’ ایوان ایلی ایچ ءِ اڑ ءُُ جنجال باز ات انت من ءُُ تو اے وڑ نہ انت ءُُ مباتاں ‘‘
شوارئز اے بیگاہ ءَ وتی مدامی مسکرائی ءُُ لچیں کردار ءِ بدل ءَ گران ءُُ سنگین دروشمے دیگ ءَ ات ۔ اے پہ پیٹر ایوان ویچ ءَ بدل ات ۔آنہی دوئیں زالبولانی ھاترا راہ پچ کت کہ آ پیسرا رھادگ بہ بنت وت رندا رواں بوت ۔شوائز برز ءِ پدیانکاں پر آنہی ھاترا جل ءُُ مجل بوت شوائز وتی دل ءِ تہا ساری ءَ چہ پیسلہ کتگ ات کہ پتائی ( تاش) ءِ گوازی مروچی کجا بیت انت ۔آنہیا گوں وتی بروانکانی جامیں اشارہ ءَ ایوان ایلی ایچ ءِ میت ءِ کوٹی ءِ نشان دات ۔آنہیا لنٹ پہ بژن بند کتگ اتنت بلےء چمانی تہا بے پرائیں شیتانی تچک ءَ پدر ات ۔پیٹر ایوان وچ اے ھبر ءَ سرپد ات کہ مردگ ءِ کوٹی ءِ پترگ ءَ پد آنہیا را لازم عیسائی رسم ءُُ دود ءِ ڈولا صلیب ئے زاہرئی نشان وتی سرا جوڑ کنغی انت ءُُ وتی سر پہ شرپ ءَ جہل دارگی انت ۔کوٹی ءِ پترگا آنہی چم پہ ورنائیں بچکاں کپت کہ ھدامرزی ءِ برات زتک اتنت ۔آ چہ کوٹی ءَ درآہگی اتنت ءُُ یکے وتی سر اصلیب ءِ نشانی جوڑ کنان ات ،انچش زانگ بوت کہ آنہی اسکول ءِ نودربر انت ۔ یک زالبولے دگہ یک جنین ئے کہ آنہی بروانک اجب جوڑ اتنت آنہی گوشاں سک سک ءَ ھبرءَ ات۔ یک ملاُ رنگیں پادری یے پہ جزبگ برزیں توارے ءَ وانگ ءَ دزگٹ ات کہ ہچ گپ ءُُ گمانی نہ ات ۔لوگ ءِ کاردار گیراسیم وش وشوکی ءَ چہ دیمءَ گوئست۔ آں کوٹی ءِ دیم لہتیں آپ نمونگ ءِ چیز پر چنڈگ ءَ لگت ایوان ایوانچ گندگ ءَ گوں انچش مارات مردگی بوئے تالان انت۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *