Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » اینمل فارم ۔۔۔ جارج آرویل ۔۔۔ ترجمہ: علی دوست بلوچ

اینمل فارم ۔۔۔ جارج آرویل ۔۔۔ ترجمہ: علی دوست بلوچ

سنگتاں نوں من شمارا وتی گوئستغیں شپے وابے بارواگُشیگ لوٹیں۔ بلے من وتی اے وابا شرّی یے سرا درشان کُرت نہ کنیں۔ اے وابے تہا ہما وہدئے دنیا اِنت کہ ایشی تہا انسانے نام و نشان ہوں پشت نہ کپیت۔ بزاں اے دنیا شہ انساناں پاک اِنت ۔ بلے ادا منا دگہ گپے یات اتک کہ من آرا بے ھیال کرتگ اَت۔ گپڑّے روچاں ساری وہدیکہ من یک خنزیرے اتاں گڈا منی ماس او ایندگہ خنزیراں ( سور) اواریا یک کہنیں سوتے جتگ اَت۔ کہ آتی یُکا سے بند و سوتے ترز آہانا یات اَت ۔ آترز منا ہوں یات اَت۔
بلے افسوز کہ باز و ہدا ساری من بے ھیال کرتگت۔ ہمے ترز گوستگیں شپے وابا منا یات اہت۔ یکا ترز نا بلکنا سوتے بندھوں منا یات اھتنت۔ منا باور اِنت کہ اے سوت باز و ہدا ساری جنا وراں الّما جتگ و سینہ پہ سینہ جنا ورانی پدریچاں سر بوتگ۔ من ہما سوتا شمارا اشکنائیناں سنگتاں۔ من پیر بوتگوں ۔ منی توار ہوں شر نہ اَنت۔ بلے وہدیکہ من اے سوت و اے ترزا شمار ھیل دئیں گڈا شما ایشرا وت شرتر کُرت کن ات۔اے شیئرئے بن گپ اِنت
’’ انگلستانئے قابل نفرت انسان‘‘
پیریں میجرا وتی گُٹ ساپ کنانا سوت بنا کُرت ۔ چوش کہ آنہی گُشتگ اَت کہ آنہی توار شر نہ اِنت بلے آنہیا اے جوانیں وڑے آ جت۔ آنہی گالوارئے تہا، تژن پدّراَت ۔ گوں سنگینی و جیرتا:
’’ انگلستانئے ظالم نہاراں‘‘
’’ شیطاناں انگلینڈ ئے ، نہاراںآئر لینڈئے ‘‘
ہر جاگہے نہاراں
اُشکنت شما منی اے
وشیانی ٹوکاں
پہ وشیانی روچاں
اے زوت بیت یا دیرا
آوہدکیت اِنت الّم
چَپّی کنت وش نیتکاں
پھُلیں زمین انگلینڈ ئے
نہاراں ہور پجّی آ بیت
پاداں گوں اے لَتارگ
درکینت اِنت پونزے لانٹیگ( لانٹو)
ایر کپیت اَنت بوج بڈّے
پالام بیت ہلاس ہم
چابک جنوک نہ ماننت
غلّہ، جہ وکاہ ہُشکیں
کاہ و کدیم لکا جا
آروچا ہرچی مے بیت
درپشیت انت انگلستان
آپے چوشیشگا بیت
سارتیں سمین کشیت
وہدیکہ باں ما آجو
آروچے واستا ما کُل
جہد و جفا ہاں کشّاں
چونائی بچارے
آروچاں ما نہ ما نا
گوک، اسپ قاز و مُرگ ہم
جہداں باں آجوئی ئے
شیطاناں انگلینڈ ئے، نہاراں آئرلینڈ ئے
ہر جاگہے نہاراں
منی گپّاں گوش بدارات
تالان کن اِت اے گپاّں
پہ آوکیں وشیں روشاں
اے سوتے جنگا ہور دراہیں جنا ورانی تہا یک جوش و جذبگے ودی بوت۔ دنینگہ میجرا سوتئے گڈی بند نہ جتگ اتنت کہ دراہیں جناوراں سوت وت جنگ بنا کُرت۔ بے وکوبیں جنا ورا ہوں طرز سوتے شعرانی گیگانی بنا کرت ۔ آہانی تہا ہما کہ شیوارو چالاک اتنت چوش کہ سور و کچک ،آہاں لہتیں منٹانی تہا پورہیں سوت یات کُرت ۔ پدا بنداتی جہدا رند جنا ورانی بند جاہے دراہیں جناوراں گوں جوشا ’’ انگلستانئے ظالم نہاراں ‘‘ جنگ بنا کُرت۔ گوشاں اے سوت باز پسند کُرت۔ بینگاں کلُو نزگ بنا کرت و پر یات کُرت۔ میش و پساں مئے مئے کُرت۔ اسپ ہنڑکغ و شیدگالگّ اتنت۔ بٹاں کیں کیں بنا کُرت۔دراہیں جناوراں اے سوت باز وش لگت۔ داں پنچ منٹاں آہاں اے سوت گوں دلئے میلا جت۔ اگاں چیزے آدمانا مبوتیں گڑہ بلکنا دراہیں شپا آہاں اے سوت ہمے ڈولا پہ جتین اُت۔
بد بختیا اے کو کار و جگا ماسٹر جونز (Jones) شہ وابا پاد کرت۔ و آنہی شہ وتی تحتا دور کُرت او شیواریا اوشتات ۔ آرا اے تُرس اَت کہ بند جاہا تو لغے ہتگ ۔ آنہیاوتی توپک زرت کہ مدا ما آئی واب جاہئے کُنڈا ایر اَت۔ ماں تہا رونکیازوتاں زوت آنہی شش نمبر کارتوس پُر کرت تپنگ آس دات ۔ تپنگے چرہ بند جاہے دیوالاں پترتنت و جنا ورانی مراگشہل و ہو ہاپیا ہلاس کنگ بوت۔
ہمک جنا ور تچانا وتی واب جا ہا شُت اَنت۔ مرگاں ہوں بال کُرت و شاہُڈانی سرا نشتغنت۔ لہتیں جنا ور کاہ و کدیمانی سرا نشت اَنت۔ نوں ہنچش زانگ بوت کہ وابا دراہیں جنا ورانی بند جاہ وتی امبازاں زرتُگ ات۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *