Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » اینمل فارم ۔۔۔ ترجمہ ۔۔ علی دوست بلوچ/شان گل

اینمل فارم ۔۔۔ ترجمہ ۔۔ علی دوست بلوچ/شان گل

مینر فارمئے مسٹر جونزا،شفا ککڑانی کُڈی بندتہ کثہ بلے نشہا اکھر ڈُب اث کہ مزن مزنیں ٹنگانی بند کنغ شمشتئی۔ اے پلوادھریس جنوخیں لا لیٹنہ روژنائی دائرھا گوں آنہیا حاویلی پارکثہ او پدی دروازغہ چکا وثی بوٹ کشتﺅ چغل داثغنتی، وثار پہ بیرہ گلاسے کشتئی او کٹہ پلوالڑثہ کہ زال پیشا ژہ خرکاٹاں جنغایثی۔
وختیکہ واب جاھئے چراغ مڑتہ تو جانا ورانی واڑئے اے سراداں آں سرا،یک سُر پُر اوتچ و تاگے ودی بوت۔ روشا اے ہبر ہر پلواتالان اث کہ پیریں میجر بزاں نیم سفیثیں نریں رستر( سوئرا) پیشی شفا یک عجبیں وابے دیستگ او آنہی خواہش اث کہ ہمے وہاودوہمی جانا وراں دَہ پُجی ۔ فیصلہ بیثہ کہ ہر وختیکہ مسٹر جونز درا برو، سذتی آں کُل بایدیں مزائیں واڑامچ بینت۔
جنا ورانی فارمئے ہمک جناوراںپیریں میجرئے ( آنہی پجاّر گوں ہمے ناما اَت بلے آنہی اصلیں نام ولنگڈن بیوٹی اَت) عزّت کُث کہ شہ وتی وابئے وھدا یک کلاکے دئیگ او اے اشکنئگ بہ بیت کہ آچے گُشیت۔
جنا ورانی فارمئے ےک کُنڈے آیک بڑزتریں پلیٹ فارمے چکا میجروثی ریم وکاہئے گدیلا چکا مکّ ات او نشتیایہ، یک لالٹینے شیرا کہ یک پنجھرے آ ٹنگثیایہ ۔ آنہی عمر دوازدہ سال اَت، سجلاں دروکا دَوری بیثغہ، بلے دانڑتی مزن شانیں سوئرے مانا غایہ۔آنہی دیما ژہ گشے عقل مندی او ہمدردی دروشمے پیدا غایث ۔آنہی مود تراشگ ہچبر نہ بوتگ اتنت ۔ باز پیشا ژہ دوہمی جنا ورانی آہگ بنا بوتگ اَت او آں وتی وتی جاھاں نِندان اتنت۔ شہ دُرستاں ساری سئے کچک آتکغنت ۔ آہانی نام اثنت : بُلو بیل، جیسی او پنچر۔ایشاں رندر ستر آتکغاں او پلیٹ فارمہ دیم پہ دیما کاہ وریمانی سرچکانشتگنت۔
ککڑ کھڑکیاں، او،کہنی پرّاں کڑکیناناں پنجھرانی چکا نشتغنت۔ میش و گوخ سوئرانی مُسکا جُھکثغنت او ،رومست شروع کثیش ۔ٹانگہ والائیں دوئیں اسپ، باکسر او کلوور،وثی مزں بُوژوئیں سُرمباں خیالاگوں ایر کنغئے ثنت کہ ہماں مہ بی کہ کاہانی اندرا کستریں جانا ورے بی او آنہانی شیرا مہ ےئے۔ کلو وریک زِرنگیں ماث گھاڑیں ماذنے اث کہ نیام تاخی عمر ار سغایث ۔آنہیا وثی چیارمی زنکارند ہجپر وثی اولی دروشم داشتہ نہ خثہ ۔
باکسر مزں جثہ ایں جاناورے اث، گوئش کہ ہژدہ بالشت ( گراٹ) بڑز، او عامیں دو نریانہ کچا طاقت ور۔شُمپہ سرائرغا سپیثیں لیکے چوبے وقوفیں صورتے دیغئے ثی۔ او اصلامں آں اکھر زیات پوہ و سریہال نہ یث۔بلے ژہ وثی پختہ ایںکرد،او کارئے بلائیں قوتہ سببا ہر ہندے آنہی عزت کنغ بیث۔اسپاں رند سپیتیں بُزموریل آتکہ، او لاغ بنجمن ۔ بنجمن فارمئے کلاں ژہ کہنیں پیریں جانا ورث، او باز زہروڑی ۔ آنہیا کزینہی ٹوک کث، او کہ کثی توآں موڑی سریک دل شوشیں گپے بوت…. مثال، آنہیا گوئشت خذایا دُمب مناں مہسکانی ریسننغاپہ دا ثغہ پر زوتاں نَیں دُمب پش کپتہ نَیں مہسک ۔آں فارمہ اندرا جا نا ورانی لافایک وتنیا یت او ہچبر نہ کندثی۔ اگاں شمانہیا پول کثے کہ پچے نہ کندئے تو آنہیا گوئشت کہ ادا کندغی چیزے نہ غند غایاں۔ گڑہ دِہ کُلہ اگھانہ مناناں، آں باکسرا گوں باز نزدیک اث ۔ دوئیناں یک شنبہ روشہ پجیا مسکاکسائیں باغہ اندرا بے ٹوک توارا اواریاچڑت۔
دوئیں اسپانی آغ و نندغا سذت رند آفی مرگہ چُوری ، کہ سجلیا وثی ماث گار کثیش ، فارما آتکغنت او اے کُنڈآں کنڈ ہنچیں جاہے پولغا یت انت کہ اوذا کس مہ لتاڑی ثش۔ کلو ورا وثی زوراخیں اگھی پاذاں گوں آنہانی چیاریں کنڈاں گوئش کہ یک دیوالے ٹاہینتہ ، مُرگہ چوری اشی اندرا جالو بھیرا پترتنت و یکدم و ہاوشتغنت۔ آخری ساھتا سفیثیں سنہڑائیں بودلائیں ماذن مولی مسٹر جونزئے واڑا پروشانا شکرئے لمپے جایاناں مزں شانیا گوں آتکہ۔ آں دیمی لائنا آتکہ اووثی گڑدنئے سپیتیں پُٹانی سُرینگا لگ اِت، کہ بلاں آنہی گُٹہ سُہریں ربنا ہر کس بہ گندی۔ کلاںژہ آخرا پشی آتکہ او ہر وختہ ڈولا گرم تریں ہندہ پولغا پہ چم انگو آنگو شانک داثغنت ۔ او آخرا وثار باکسرا و کلو ورہ نیا ما گُھوساڑتونشتہ ۔ آںاوذا میجرئے پیلویں تقریرہ نیاما خر خرہ توارا کشغایث۔ آنہیا مچی ئے یک ٹوکے دِہ اش نہ کثہ کہ آں چے گشغایثنث۔

Check Also

March-17 sangat front small title

گوادر، ادب اور سمندر۔۔۔ فاطمہ حسن

گوادر جو کبھی اپنے خوب صورت، پُرسکون ساحلِ سمندر کی وجہ سے پہچانا جاتا تھا، ...

Leave a Reply

Your email address will not be published. Required fields are marked *