Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » اَمُل ۔۔ جوانسال بگٹی

اَمُل ۔۔ جوانسال بگٹی

مناں یادیں خداوند قدرتانی
محمد ضامنیں نیک و بَذانی
اُمیداوراں مَن و بی تَھئی اِسانی
مناں قربان اَمُل ئَ کَھنَدغانی
مَتاہیں مانٹرکی پَہرے وَرانی
اَمُل سرتاج و سونہیں اَمسرانی
میانی گُوہرے لیمو برانی
تہار ماہا سرہ کھَن مائِخانی
مَن ئِ چھو شاذِ ہی دیدار کَھنانی
دلَوں آباد ہ کھَں دوست کھَندغانی
گل ئِ دُرّیں دف ئِ مُروھاذرانی
چراغی روخیں نی دِیم تھنگوانی
رَژیں تَھافریشتہ غاں جاں نر مَغانی
اَوَل بازار کُھذیش سَر ما فرانی
دو مُہر ئے داثئی مُڑدانغانی
سَروچَھمّاں کُھذوﺅں دوست ئَ نشانی
اُمید واراں مَن ئِ بَہرئے گِرانی
کھنئے برخیز و کھائے نا غمانی
مثل شہباز و جنگی حلمہ ہانی
منا سائیں تھئی زرّیں بانزرانی
تھرا مئے پارتیں بے چارغانی
گُلَ دِیم تَھنگَوو عَینِ بلوخاں
نظر چُھو جابَہی تِھیراں جَنوخاں
تَھوَئے گُل و مَن ئِ بھَونری پَھروخاں
شفُ روش پہ تَھئی زِڑدا گنوخاں
دوئیں ابروکماناں مثل نوخاں
دوئیں گور پاں گورو ہڑدو ہفو خاں
رشاں جیہرگُل ئے سہثانہ شوذاں
رواں جیڈی گُلا ژَہ وھاوہ موذاں
صبا حاں درینہ بی کھوشتی مَں نوذاں
اُمید و آسروں بستﺅں شموذاں
منا عرضیں گوں پاکیں لامکانا
دلی دوستاں کھنے حیرو امانا
صبا حاں سنج کھناں تُھرندیں بِہانا
رواں دَں گورغیں دوست ئِ گِذانا
گور ا لعل ئَ وحِیریں ما ئِ خانا
جُڑنتھی جَوہَرُ موتی مَں جانا
سوائیں اَژ منی صفت و بیانا
کھناثئے مئے سر ا نیکیں دِہانا
گُشاں راست و روان راہِ حقانا
مسلمیں زاذغاں ربّ ئَ امانا

Check Also

jan-17-front-small-title

گوادر کے مچھیرے  ۔۔۔ سلمیٰ جیلانی

کبھی ہم مچھیرے تھے جال میں پھنسی چھوٹی مچھلیاں پانی میں واپس پھینک ان کے ...

Leave a Reply

Your email address will not be published. Required fields are marked *